Euskal Herriko Agintaritzaren Aldizkaria

113. zk., 2020ko ekainaren 10a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

2261

104/2020 EBAZPENA, otsailaren 6koa, Donostialdeko Erakunde Sanitario Integratuko zuzendari gerentearena, zeinaren bidez deialdi publikoa egiten baita Donostialdeko Erakunde Sanitario Integratuko Obstetriziako eta Ginekologiako atalburu (obstetrizia atalekoa) sanitarioaren lanpostua lehiaketa bidez betetzeko.

Donostialdeko ESIko Obstetriziako eta Ginekologiako Atalburu Sanitarioaren (Obstetrizia atalekoa) lanpostua hutsik dago eta zuzendaritza gerentzia honek deialdi publikoa iragartzea erabaki du, lanpostu hori lehiaketa bidez betetzeko. Prozedura hori honako arau hauetan jasotakoaren arabera egin da: Euskadiko antolamendu sanitarioaren ekainaren 26ko 8/1997 Legearen 28. artikuluaren 8. Atala; Osakidetzako lanpostu funtzionalak arautzen dituen uztailaren 19ko 186/2005 Dekretuaren I. eranskina; 55/2003 Legearen hamalaugarren Xedapen Gehigarria; Osasun-zerbitzuetako estatutupeko langileen esparrua, Enplegatu Publikoaren Oinarrizko Estatutuaren Legearen testu bategina onartzen duen urriaren 30eko 5/2015 Legegintzako Errege Dekretua, eta azaroaren 11ko 255/1997 Dekretua.

Obstetriziako eta Ginekologiako zerbitzuburuarekin lankidetzan, eta Medikuntzako Zuzendaritzaren esanetara, eginkizun hauek izango ditu,

– Obstetrizia Atalean helburuak proposatzea eta horiek lortzeko jarduerak kudeatzea.

– Jarduerak koordinatzea zerbitzuko beste unitate batzuekin, Donostialdeko ESIko beste zerbitzu batzuekin eta eskualdeko ospitaleekin. Diziplina anitzeko batzordeak sustatzea.

– Arreta onenarekin lotutako ezagutza eguneratuta edukitzea eta Donostialdeko ESIan patologia horren diagnostikoan eta tratamenduan bikaintasunean aurrera egiteko planak proposatzea. Protokoloak, praktika klinikoko gidak eta saio klinikoen deialdiak zabaltzea.

– Beste ESI eta zentro pribatu batzuekin koordinatzea patologia obstetrikoaren esparruan.

– Diziplina anitzeko taldeak sustatzea: Ugalketa Unitatea, Ekografia Unitatea, Haurdunaldi patologikoaren ebazpen handiko kontsulta, Genetika Unitatea.

– Obstetrizia-arloarekin lotutako ikerketa-ildoak bultzatu eta garatzea Donostialdeko ESIan-BioDonostia.

– Arlo honetako mediku egoiliarrentzako prestakuntza-planetan parte hartzea, eta irakaskuntza hori bere unitatean garatzea, zerbitzuko BAMEen prestakuntza-programaren baitan.

OINARRIAK

Lehenengoa.– Parte hartzeko baldintzak.

Deialdi honetan parte hartu ahal izango dute honako bandintza hauek betetzen dituztela egiaztatzen dutenek:

a) Estatutupekoa, funtzionarioa edo lan-kontratadun finkoa izatea Osakidetzako edozein zentrotan, edo estatutupeko langile finkoa izatea Osasun Sistema Nazionaleko Erakunde Sanitarioetan eta zerbitzu egoeran egotea A1 lanbide kategorian; edo, kategoria berean lanpostua erreserban edukitzeko eskubidea duen egoera administratiboan egotea.

b) Medikuntza lizentziatura edukitzea, Obstetriziako eta Ginekologiako espezialitatean.

c) Gutxieneko 3 urteko lan-esperientzia Obstetriziako eta Ginekologiako espezialitatean.

Bigarrena.– Merezimenduen baremoa (gehienez, 66 puntu).

Ebazpen honen Eranskinean jasota dagoen baremoaren arabera egingo da.

Fase hauek izango ditu:

1.– Memoria-Proiektua eta defentsa (gehienez, 30 puntu).

2.– Beste merezimendu batzuk (gehienez, 30 puntu).

3.– Euskararen ezagutza (gehienez, 6 puntu).

Hirugarrena.– Eskabideak aurkezteko epea.

Interesdunek Osakidetzako Donostialdeko ESIko Pertsonaleko Zuzendaritzara zuzenduko dute eskabidea (Begiristain Pasealekua, z/g -20014- Donostia), Ebazpen hau Euskal Herriko Agintaritza Aldizkarian edo Estatuko Aldizkari Ofizialean argitaratu eta hurrengo egunetik hasita hamabost egun balioduneko epean.

Halaber, urriaren 1eko 39/2015 Legearen 16 artikuluan adierazitako leku eta moduetan ere aurkeztu ahal izango dira eskabideak (39/2015 Legea, urriaren 1ekoa, Administrazio Publikoen Administrazio Prozedura Erkidearen Legea).

Interesdunek Osakidetzako Donostialdeko ESIko Pertsonaleko Zuzendaritzara zuzenduko dute eskabidea (Begiristain Pasealekua, z/g -20014- Donostia), bertan datu pertsonalak idatziko dituzte, eta curriculum vitaea atxikiko dute. Dokumentu hauek aurkeztuko dituzte:

a) NANaren, pasaportearen edo gidabaimenaren fotokopiak konpultsatua.

b) Funtzionario edo estatutupeko langilearen izendapenaren fotokopia konpultsatua edo, hala badagokio, lan-kontratu finkodun langilea dela egiaztatzen duen agiriarena.

c) Eskatutako titulazioaren fotokopia konpultsatua. (Lanpostu funtzionalen Dekretuak jasotzen duenaren arabera).

d) Egindako zerbitzuen ziurtagiri original eguneratuta, deialdia EHAAn argitaratu zen eguneko kategoria zein den adierazita.

e) Bete nahi den Zerbitzuko kudeaketari buruzko Memoria-Proiektua.

f) Merezimendu baloragarri guztien fotokopia konpultsatua.

Ez da beharrezkoa izango CV aplikazio informatikoan behar bezala egiaztatuta dauden merezimenduak aurreko paragrafoan adierazi den bezala egiaztatzea; dena den, izangaiak eskabidean jaso behar du hori horrela dela.

Laugarrena.– Onartuen eta baztertuen zerrenda.

Izena emateko epea amaitzen denean, Donostialdeko ESIko zuzendari gerenteak, ebazpen bidez, behin behineko onartuen eta baztertuen zerrenda onartuko du; era berean, dagokionean, baztertu izanaren arrazoiak azalduko ditu Ebazpena.Osakidetzaren webgunean argitaratuko da, eta behin betiko bihurtuko da baztertutako izangairik ez baldin badago.

Erreklamazioak aurkezteko hamar egun baliodun izango dira, Ebazpena argitaratzen den biharamunetik hasita.

Baztertzeko arrazoia konpondu litekeen egoera batek sortu badu, interesdunei errekerimendua egingo zaie erreklamazioa aurkezteko epe berean zuzenketa egiteko. Errekerimendu horretan adieraziko zaie adierazitako akats horien zuzenketa egiten ez bada, prozesutik kanpo gertuko direla.

Aipaturiko epea igarota, behin betiko zerrenda argitaratuko da Donostialdeko ESIko zuzendari gerentearen ebazpenaren bidez. Eta dokumentu hori Osakidetzako webgunean argitaratuko da.

Behin betiko ebazpenaren aurka gora jotzeko errekurtsoa zuzendu dakioke Osakidetzako zuzendari nagusiari, hilabeteko epean argitaratu eta hurrengo egunetik hasita, Administrazio Publikoen Administrazio Prozedura Erkidearen urriaren 1eko 39/2015 Legeak 121. eta 122. artikuluetan jasotzen duenaren arabera (BOE 236. zk. urriak 2).

Bosgarrena.– Balorazio Batzordea.

Izendapena eta eraketa.

Izangaien behin betiko ebazpena onartu eta argitaratuta, Donostialdeko ESIko zuzendari gerenteak izendatuko ditu ebazpen bidez Balorazio Batzordearen kideak; kudeaketa proiektuak aurkezteko data baino hamar egun lehenago gutxienez. Ebazpen hori Osakidetzaren webgunean argitaratuko da, eta gora jotzeko errekurtsoaren bidez erreklamazioa jarri ahalko zaio. Batzordearen eraketa hau izango da:

– Batzordeburua: erakundeko zuzendari medikoa.

– Zerbitzu-erakundeko zuzendariorde medikoa.

– Idazkaria: erakundeko pertsonaleko zuzendaria.

– Hiru kide: bat IVAP-ek izendatua hautagaiei eskatutako titulu eta espezialitatea duena, eta finkoa, estatutupekoa, funtzionarioa edo lan kontratuduna, kategoria berean edo goragokoan.

Balorazio Batzordea osatzean, emakume eta gizonen arteko oreka-printzipioari jarraituko zaio, Emakumeen eta Gizonen Berdintasunerako otsailaren 18ko 4/2005 Legeak xedatutakoaren arabera, beti ere, baldintzek hala ahalbidetzen badute. Batzordearen osaera orekatutzat joko da, sexu bakoitzaren presentzia gutxienez ehuneko berrogeia denean.

Batzorderako izendatu den titular bakoitzeko ordezko bat izendatuko da, eta horiek titularrek bete behar dituzten baldintzak berberak bete beharko dituzte. Erakundean ordezkapena egiteko behar den lanpostu hori ez baldin badago, edo hutsik baldin badago, Osakidetzako beste zerbitzu-erakunde batekoa izendatu ahal izango da.

Batzordeko kideen parte hartzeak izaera indibiduala izango du, eta jardueran independenteak izango dira, diskrezionaltasun teknikoaren babesean jokatuko dute; betiere, zuzenbideak ezartzen dituen mugen baitan.

Parte ez hartzea eta errefusatzea.

Batzordekideek parte hartzeari uko egingo diote, eta izendatu dituen arduradunari jakinaraziko diote kasu hauetan: Sektore Publikoaren Araubide Juridikoaren urriaren 1eko 40/2015 Legearen 23 artikuluak jasotzen dituen egoerak (BOE 236. zk. urriak 2).

Egoera horietan interesatuek errefusatzea eska dezakete edozein momentutan, aipaturiko legearen 24. artikuluan jasotakoaren arabera.

Arauak.

Batzordeak autonomia funtzional osoa izango du, prozeduraren legaltasuna zainduko du, eta beronen objektibotasuna ziurtatzeko ardura izango du. Oinarri hauetan sortzen diren zalantza guztiak argituko ditu, eta irizpideak ezarriko ditu oinarrietan jaso ez diren eta gerta daitezkeen egoeretarako.

Batzordeak 40/2015 Legearen 15-20ra bitarteko artikuluen arabera jokatuko du.

Akordio guztiak botoen gehiengoaren bidez onartuko dira.

Batzordekide guztiek hitza eta botoa izango dute.

Batzordearen bilkuretan akta egingo da. Bertan jasoko dira: izangaien izenak, baremazio irizpideak, merezimenduen atal bakoitzean emandako puntuazioa eta guztira emandako puntuazioa.

Seigarrena.– Lehiaketaren atalak.

Lehiaketak hiru atal izango ditu. Hiru atal hauetan baloratuko dira Memoria-Proiektua eta defentsa, bestelako merezimenduak eta euskararen ezagutza.

1.– Kudeaketako Memoria-Proiektua eta defentsa.

Izangaiei banaka deituko zaie, gutxienez, hamar egun lehenago, eta adieraziko zaizkie probaren data, lekua eta ordua.

Era berean, deialdia Osakidetzaren webgunean argitaratuko da jakinarazteko.

Izangaiek prestatutako proiektua azalduko dute, eta batzordeko kideek egindako galderei erantzungo diete. Prozesu horrek izaera publikoa izango du.

Batzordekide bakoitzak bakarka baloratuko ditu proiektua eta honen azalpen publikoa, Baremoaren 1. atalean jasotakoaren arabera. Beharrezkoa izango da gutxienez 15 puntu lortzea fasea honetan.

2.– Bestelako merezimenduen balorazioa.

Behar den epean, eta behar den moduan aurkezturiko merezimenduak baloratuko dituzte batzordekideek; eta horiei buruz azalpenak eskatzerik izango dute.

Ez dira baloratuko, eskabideak aurkezteko epea bukatu baino lehen, behar den moduan aurkeztu eta egiaztatu ez diren merezimenduak.

Balorazioa, merezimenduen Baremoaren 2. atalean jasotakoaren arabera egingo da.

3.– Euskararen ezagutza.

Euskararen erabilera Osakidetza normalizatzeko den martxoaren 18ko 67/2003 Dekretuak eta berau garatzen dute arauek xedatutakoaren arabera baloratuko da.

4.– Akta eta izendapen proposamena.

Aktak jasoko du zehaztasunez hautagai bakoitzari baremazioaren atal bakoitzean emandako puntuazioa, eta lortutako azken puntuazio orokorra.

Era berean, jasoko dira azalpen labur baten bidez, balorazioa egiteko aintzat hartu diren irizpideak Memoria-Proiektuaren azalpenaren balorazioan, eta azalduko dute atal bakoitzari eman zaion puntuazio zehatza.

Hautagaien artean berdinketarik badago, lehentasuna emango zaie emakumeei, otsailaren 18ko, 4/2005 Legeak (EHAA 42. Zk., martxoaren 2koa), Emakumeen eta Gizonen Berdintasunari dagokionak, 20.4 artikuluan jasotakoa aintzat hartuta.

Berdinketak bere horretan jarraitzen badu, puntuaziorik altuena (atal guztietan eta dagokion hurrenkeran) lortu duen hautagaiaren alde ebatziko da:

1.– Kudeaketako Memoria-Proiektua eta azalpen publikoa.

2.– Bestelako merezimenduak.

3.– Euskara.

Horrela ere argitzen ez bada, dagokion lanbide kidegoan lanegun gehien egin duen hautagaiaren alde ebatziko da.

Azkenik, bestelako irizpideren bat behar izango balitz, lehenagoko jaiotze-data duenaren alde jokatuko litzateke.

Lanpostua lortzeko puntuazio minimoa 33koa izango da, prozesuan lortu litekeen puntuazioaren erdia, hain zuzen ere. Eta 15, derrigorrez, Memoria-Proiektua eta horren defentsatik lortutakoak izan beharko dute (atal honetan lortu litekeenaren erdia).

Aktak jasoko du Balorazio Batzordearen puntuazio altuena lortu duen hautagaiaren aldeko proposamena.

Zazpigarrena.– Prozeduraren ebazpena.

Batzordeak Donostialdeko ESIko zuzendari gerenteari helaraziko dio izangaiaren izendapenaren proposamena; hain zuzen ere, puntuaziorik altuena jaso duen izangaia proposatuz. Halaber, zuzendari gerenteari helarazitako proposamenak batzordekide guztien sinadura eta izangaiak atal bakoitzean lortutako puntuazioa zehaztuta jasoko ditu.

Aipaturiko proposamena Osakidetzaren webgunean argitaratuko da.

Donostialdeko ESIko Zuzendaritza Gerentziak ebazpena egingo du izangaia izendatzeko; hautagaiak uko egingo balu, zerrendan puntuaziorik altuena duen hurrengo izangaia izendatu ahal izango litzateke; betiere, eskatutako gutxieneko puntu kopurua berdindu edo gainditu badu.

Donostialdeko ESIak, dagokion prozedura-fasean, egoera hauetan deialdia bete gabe utz dezake:

– Izangairik aurkeztu ez bada.

– Izangaiek ez badute baldintzarik betetzen.

– Izangaiek ez badute gutxiengo puntuazioa lortu.

Zuzendaritza Gerentziako Ebazpena Euskal Herriko Agintaritzaren Aldizkarian argitaratuko da; bai izangairen bat izendatuz, bai bete gabe dagoela, hau da, deialdia hutsik geratzen dela adieraziz. Eta dagokionean interesdunari jakinaraziko zaio.

Honen kontra gora jotzeko errekurtsoa jarri ahal izango zaio Osakidetzako zuzendari nagusiari, 39/2015 Legearen 121. eta 122. Artikuluek jasotakoaren arabera, Euskal Herriko Aldizkari Ofizialean argitaratu eta hurrengo egunetik hasita.

Zortzigarrena.– Esleipenaren ondorioak.

Zerbitzuburu lanpostuak lau urteko iraupena izango du. Izendapen horrek luzapena izango du, ekainaren 26ko 8/1997 Legearen (Euskadiko Antolamendu Sanitarioa) 28. artikuluak (Hirugarren Araua) jasotakoaren arabera (EHAA 138 zk. uztailaren 21a).

Lanpostua betetzen duen langileak berau utziko du izendapenaren epea betetzen denean; baldin eta luzapen egoeraren bat gertatzen ez bada. Lehen aipaturiko 8/1997 Legeak jasotzen duenaren arabera ezarritako kide anitzeko organoaren ebaluazio prozeduraren arabera egingo da luzapena.

Halaber, izendatutakoa lekuz aldatu ahal izango da epea amaitu baino lehen, aurrez kontraesaneko espedientea eginda, eta 8/1997 Legearen 28. Artikuluaren 6. Atalean (Hirugarren Araua) lekualdaketak egiteko aurreikusitakoa kontuan hartuta.

Kargu uzte arruntak edo lanpostutik mugiarazteak beste lanpostu baterako lekualdatzea eragingo du. Egoera honetan interesatuak jatorrizko kategorian zituen baldintzak mantenduko dira.

Bederatzigarrena.– Publizitatea.

Ebazpen hau osorik argitaratuko da Euskal Herriko Agintaritzaren Aldizkarian, Estatuko Aldizkari Ofizialean, Osakidetzaren webgunean, eta zerbitzu-erakundeetako intranetetan.

Hornikuntza-prozeduran onartzen diren ebazpenak Osakidetzako webgunean argitaratuko dira.

Aukeratutako izangaiaren izendapenaren Ebazpena, edo lanpostua hutsik geratzen dela dioena, Euskal Herriko Agintaritzaren Aldizkarian eta Osakidetzaren webgunean argitaratuko da, zazpigarren oinarrian jasotakoaren arabera.

Hamargarrena.– Errekurtsoak.

39/2015 Legeak 121. eta 122. Artikuluetan jasotakoaren arabera, Ebazpen honen kontra gora jotzeko errekurtsoa jarri ahalko zaio Osakidetzako zuzendari nagusiari. Izapide hori egiteko hilabeteko epea egongo da, Euskal Herriko Agintaritzaren Aldizkarian edo Estatuko Aldizkari Ofizialean argitaratu den egunaren biharamunetik aurrera.

Donostia, 2020ko otsailaren 6a.

Zuzendari gerentea.

(53/2019 Ebazpena, urtarrilaren 24koa).

E Pertsonaleko zuzendaria,

ESTHER LITAGO SOLA.

ERANSKINA

Baremo eta Merezimenduak.

Merezimenduak hiru faseren arabera baloratuko dira:

1.– Proiektua eta proiektuaren defentsa (gehienez, 30 puntu).

Obstetriziako eta Ginekologiako Zerbitzuaren (obstetrizia atala) antolamenduari eta funtzionamenduari buruzko Memoria-Proiektua azaltzea publikoki epaimahai kalifikatzailearen aurrean, eta hautagaiari egindako elkarrizketa.

Puntuazioa fase honetan bi ataletan banatzen da:

a) Aurkeztutako Kudeaketako Memoria-Proiektuaren edukien balorazioa (gehienez, 15 puntu).

Kudeaketako Memoria-Proiektuak hiru atal hauek behintzat garatu beharko ditu:

a.1.– Antolakuntza eta kudeaketa atala.

Zerbitzuaren organigrama eta funtzioak zehaztuta: buruzagitzako lanpostua eta atxikitako gainerako lanpostuak.

Erakunde bereko beste zerbitzu batzuekin duen harremana.

Buruzagitzako kudeaketa plana: antolaketa helburuak zehaztu, hobekuntza behar duten arloak detektatu eta beharrezko neurriak zehaztu, hobekuntzak lortzeko. Honekin batera, baliabide materialak zein ekonomikoak eta atxikitako giza baliabideak kudeatzeko plan edo konpromiso efizientea.

a.2.– Atal asistentziala.

Eskainiko diren zerbitzu asistentzialen deskribapena.

Halaber, helburu eta adierazleak ezarriko dira, eta jarraipen eta ebaluazio jarraitua egiteko sistema bat.

a.3.– Irakaskuntzako atala.

Irakaskuntzaren planifikazioa egitea zerbitzuan.

b) Balorazio Batzordearen aurrean azalpen publikoa (gehienez, 15 puntu).

Memoria-Proiektuaren azalpen publikoa ebaluatzeko, kontuan hartuko dira argitasuna eta laburtzeko gaitasuna eta baita atalik garrantzitsuenak azaltzeko gaitasuna ere.

Aktan jasota geratuko da Batzordekide bakoitzak hautagai bakoitzari esleitutako baremazioaren arrazoia.

2.– Bestelakoak (gehienez, 30 puntu).

Puntuazioa honela banatuko da:

– Lan-esperientzia (gehienez, 13 puntu).

– Dagokion espezialitatean fakultatibo gisa zerbitzu eman duen hilabete bakoitzeko: 0,0500 puntu.

– Dagokion espezialitatean atalburu gisa jardun duen hilabete bakoitzeko: 0,0750 puntu.

– Dagokion espezialitatean zerbitzuburu gisa jardun duen hilabete bakoitzeko: 0,1000 puntu.

– Administrazio publiko sanitarioetan zuzendaritzako kide gisa, edo zuzendariorde mediko gisa jardun duen hilabete bakoitzeko: 0,1000 puntu.

Kontuan hartuko dira, lan-esperientzia gisa, Osakidetzako, Gizarte Segurantzako eta autonomia-erkidegoetako osasun-zerbitzuetako osasuneko zerbitzu-erakundeetan edo edozein administrazio publikotan emandako zerbitzuak, bai eta Europar Batasuneko beste estatuetako sare publikoko zerbitzu sanitarioetan emandakoak ere.

Zenbaketa osoa lan egindako egun naturaletan oinarrituta egingo da, eta baztertu egingo dira hilabetetik beherako hondarrak. Kontaketarako, 30 egun naturaleko multzoa hartuko da hilabetetzat.

– Prestakuntza, irakaskuntza eta ezagutzaren hedapena (gehienez, 17 puntu).

Ikastaroen ziurtagirietan kreditu kopurua bakarrik agertzen denean, kredituko 0,1 puntuazioa emango da.

– Kudeaketaren arloko trebakuntza (gehienez, 3 puntu).

Osasun-kudeaketarekin lotutako ikastaro bakoitzeko, iraupenaren arabera:

– 20-30 ordu: 0,2000 puntu.

– 31-50 ordu: 0,3000 puntu.

– 51-100 ordu: 0,4000 puntu.

– 101-200 ordu: 0,5000 puntu.

– 200 ordutik gora: 1,2500 puntu.

Erakunde ofizialek, unibertsitateek, erakunde sanitarioek, eta, hala badagokio, elkargo profesionalek eta elkarte zientifikoek emandako eta ziurtatutako ikastaroak baloratu egingo dira, baita edozein administrazio publikok hitzartutako etengabeko prestakuntzako akordioen arabera eman eta ziurtatutako ikastaroak ere; betiere, titulazio ofizial bat lortzeko ikasketa plan baten barrukoak ez badira.

– Espezialitateko etengabeko prestakuntza (gehienez, 3 puntu).

Dagokion lanpostuaren espezialitatearekin lotutako ikastaro bakoitzeko, iraupenaren arabera:

– 20-30 ordu: 0,2000 puntu.

– 31-50 ordu: 0,3000 puntu.

– 51-100 ordu: 0,4000 puntu.

– 101-200 ordu: 0,5000 puntu.

– 200 ordutik gora: 1,2500 puntu.

Erakunde ofizialek, unibertsitateek, erakunde sanitarioek, eta, hala badagokio, elkargo profesionalek eta elkarte zientifikoek emandako eta ziurtatutako ikastaroak baloratu egingo dira, baita edozein administrazio publikok hitzartutako etengabeko prestakuntzako akordioen arabera eman eta ziurtatutako ikastaroak ere; betiere, titulazio ofizial bat lortzeko ikasketa plan baten barrukoak ez badira.

– Graduondoko prestakuntza (gehienez, 5 puntu):

– Doktorea: 3 puntu.

– Cum laude doktorea: 4 puntu.

– Gradu ondoko masterra: 2 puntu.

– Unibertsitate-aditua edo- espezialista: 1 puntu.

– Ikertzeko nahikotasuna edo diploma ikasketa aurreratuetan: 1 puntu.

– Doktoretza-ikastaroak: doktoretza-ikastaroetako bikain edo ohorezko matrikula bakoitzeko (gehienez, 10 ikastaro): 0,1000 puntu.

Ez dira baloratuko doktoretza-ikastaroak, baldin eta hauetako bat lortzeko balio izan badute: doktore titulua, cum laude doktore titulua, ikertzeko nahikotasuna edo ikasketa aurreratuetako diploma.

– Jarduera zientifikoa (gehienez, 3 puntu).

Dagokion espezialitatearekin lotutako lan zientifikoak argitaratzeagatik, txostenak edo komunikazioak aurkezteagatik, eta hitzaldiak edo mahai-inguruak egiteagatik:

– Eskualdeko txosten bakoitzeko: 0,2500 puntu.

– Estatuko txosten bakoitzeko: 1,000 puntu.

– Nazioarteko txosten bakoitzeko: 1,500 puntu.

– Eskualdeko ahozko komunikazio edo poster bakoitzeko: 0,1500 puntu.

– Estatuko ahozko komunikazio edo poster bakoitzeko: 0,6000 puntu.

– Nazioarteko ahozko komunikazio edo poster bakoitzeko: 1,0000 puntu.

– Eskualdeko mahai-inguru bakoitzeko: 0,2000 puntu.

– Estatuko mahai-inguru bakoitzeko: 0,7500 puntu.

– Nazioarteko mahai-inguru bakoitzeko: 1,2500 puntu.

– Argitalpen bakoitzeko (Iehenengo egilea): 1,0000 puntu.

– Argitalpen bakoitzeko (beste egile batzuk): 0,5000 puntu.

– Liburu bakoitzeko (lehenengo egilea): 2 puntu.

– Liburu bakoitzeko (beste egile batzuk): 1 puntu.

– Kapitulu bakoitzeko (lehenengo egilea): 1,0000 puntu.

– Kapitulu bakoitzeko (beste egile batzuk): 0,5000 puntu.

– Tesina egiteagatik: 1,5000 puntu.

Irakaskuntzako jarduerak (gehienez, 3 puntu).

– Medikuntza Fakultateko katedraduna, dagokion espezialitatean (urte bakoitzeko): 1,0000 puntu.

– Medikuntza Fakultateko irakasle titularra, dagokion espezialitatean (urte bakoitzeko): 0,5000 puntu.

– Medikuntza Fakultateko irakasle elkartua, dagokion espezialitatean (urte bakoitzeko): 0,2500 puntu.

– Egoiliarren irakaskuntzarako tutore egiaztatua, dagokion espezialitatean (urte bakoitzeko): 0,5000 puntu.

– Irakaskuntza, etengabeko prestakuntzako programa ofizialetan (ordu bakoitzeko): 0,0500 puntu.

3.– Euskararen ezagutza (gehienez, 6 puntu).

Euskararen erabilera Osakidetza normalizatzeko den martxoaren 18ko 67/2003 Dekretuak, eta berau garatzen dute arauen arabera baloratuko da.

Azterketa dokumentala