RSS
109. zk., 2020ko ekainaren 5a, ostirala
- Bestelako formatuak:
- PDF (227 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DONOSTIA / SAN SEBASTIÁNGO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA
2207
EDIKTUA, ezkontzaz kanpoko seme-alabentzako neurrietarako adostasun gabeko 404/2019 prozeduraren ondoriozkoa.
Donostiako Lehen Auzialdiko 6 zenbakiko Epaitegia – Zuzeneko Laguntza emateko Unitate Prozesal Zibila.
Judizioa: ezkontzaz kanpoko seme-alabentzako neurrietarako adostasun gabeko 404/2019 prozedura.
Gaia.
Demandatzailearen prokuradorea: Estibaliz Agote Aizpurua.
Judizio horretan epaia eman da 2020-03-06an, eta horren bidez prozesuari amaiera eman zaio. Hona hemen epaitza, hitzez hitz:
EPAITZA
Baiesten da Álvarez López epaitegietako prokuradoreak, Mirian Jeanette Silva Gómez andrearen izenean eta haren ordezkari gisa, aurkeztu duen demanda Franklin Jair Manzanares Cruz jaunaren aurka; horrenbestez, bien arteko harremana amaitu denez, honako neurri hauek ezartzen dira XXXXX seme-alaba adingabeei dagokienez:
1.– XXXXX seme-alaba adingabeen zaintza eta jagoletza esleitzea. Guraso-ahalaren titularitatea bi gurasoek partekatuko dute, baina guraso-ahalaz baliatu ahal izatea amari esleitzen zaio esklusiboki.
2.– Bisita, egonaldi eta komunikazioen erregimena. Aitaren eta seme-alaba adingabeen artean ez da bisiten erregimen bat ezarriko. Aitak semearekin harremanak hasteko nahia adierazten badu, gurasoen artean adostu beharko dute hori, eta, desadostasunik bada, neurri hau aldatzeko eskatu ahal izango da, horretarako dagoen legezko prozeduraren bidez.
Hori gorabehera, egoki denean, aitaren eta seme-alaben artean telefono bidezko komunikazioak edo komunikazio informatikoak ezarri ahal izango dira.
4.– Mantenu-pentsioa. Seme-alaben elikadura-premiei aurre egiteko, aitak ordaindu egin beharko du mantenu-pentsio bat, hileko 200 eurokoa seme-alaba bakoitzeko, zeinak iraungo baitu seme-alabak adinez nagusi izan arte, edo ekonomikoki burujabe izan arte edo halako izateko kondizioan izan arte, fede onezko jokabidearekin bat etorriz. Urteko hamabi hilabeteetarik bakoitzeko lehen bost egunen barruan ordainduko da kopuru hori amak berariaz zehazten duen kontuan. Pentsioa urtero eguneratuko da, horretarako errekerimendua egin beharrik izan gabe, Estatistikako Institutu Nazionalak edo horren ordezko erakundeak ezarritako Kontsumoko Prezioen Indizeak aurreko urtean –abendutik abendura– izandako aldaketen arabera; 2021. urtean eta urtarrilaren 1etik aurrera izango ditu ondorioak eguneraketak.
Aitak zuzenean ordaindu behar dituen era horretako gastuak ez dira kenduko ebazpen honen arabera ordaindu behar duen pentsiotik.
5.– Aparteko gastuak. Ekonomikoki independente ez diren bitartean semearen bizitzan sortzen diren aparteko gastuak erdibana ordainduko dituzte gurasoek. Ebazpen honen oinarri juridikoetan ezarritakoarekin bat etorriz, kontzeptu horretatik kanpo utziko dira, esaterako, eskola-uniformearen edo -liburuen gastuak (izan ere, urtero errepikatzen dira); bestelako gastuak, berriz, sartu egingo dira apartekoen kontzeptuan, eta katalogo posible osoa adierazteko asmorik gabe, honako hauek sar daitezke: gastu medikoak, kirurgikoak, ospitalekoak, ortopedikoak, dentistarenak, psikologikoak, farmazeutikoak, ortodontziakoak, logopediakoak, eta, oro har, osasun-sistema publikoan edo dagokion medikuntza-erakundean sartzen ez diren gaixotasun fisiko edo mentalei lotutakoak, bai eta, prestakuntza-arloan, eta eskolan atzeratuta egonez gero, derrigorrezko ikasgaiei buruzko klase partikularretakoak ere. Egin beharreko gastua medikoa bada eta Gizarte Segurantzak edo dagokion erakunde medikoak ordaintzen ez badu eta beharrezkoa bada, erdibana ordainduko dute aitak eta amak; horretaz gain, fakultatiboa eta tratamendua bi gurasoek elkarrekin adostutakoak izango dira.
Demandatzaileak bere kabuz erabaki ahal izango du aurreko paragrafoan azaltzen diren aparteko gastuak egitea, guraso-ahala esklusiboki baliatzen duelako, baina, hori gorabehera, aita horien aurka agertu ahal izango da, borondatezko jurisdikzioko prozeduraren bidez.
Aparteko gastuak ordaintzeko obligazioa amaituko da seme-alabak, adin nagusikoak izanik edo legez emantzipatuta egonik, ekonomikoki independenteak direnean, hartara eragotzi gabe Kode Zibilaren 150. eta 152. artikuluetan obligazioa amaitzeko adierazten diren kausak.
Franklin Jair Manzanares Cruz demandatuaren egungo bizilekua ezezaguna denez, ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZL).
Ebazpen horren aurka apelazio-errekurtsoa aurkez daiteke hogei egun balioduneko epean, ediktu hau argitaratzen denetik hasita, jakinarazi den ebazpenean bertan adierazten den eran.
Martxoaren 14ko 463/2020 Errege Dekretuak, COVID-19ak eragindako osasun-krisiaren egoera kudeatzeko alarma-egoera deklaratzen duenak, bigarren xedapen gehigarrian xedatutakoaren arabera, ebazpen honetan ezarritako epeak etenda daude, ez baita presako gaia.
Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean, eta, han, osorik aztertu ahal izango du.
Donostia / San Sebastián, 2020ko maiatzaren 20a.
JUSTIZIA ADMINISTRAZIOAREN LETRADUA.
