RSS
22. zk., 2020ko otsailaren 3a, astelehena
- Bestelako formatuak:
- PDF (259 KB - 2 orri.)
- EPUB (220 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
LAN ETA JUSTIZIA SAILA
510
EBAZPENA, 20120ko urtarrilaren 8koa, Lan eta Gizarte Segurantza Zuzendarirena, zeinaren bidez agintzen baita argitaratzea laneko arriskuen prebentzioaren arloan arau-hauste oso astuna egiteagatik ezarritako zehapena 19.0050.48.01.01.02 (SH-63/19) espedientean – Arau-haustearen akta I482019000016843.
Fundiciones Palacio SL enpresari irekitako espedientea ikusi da (IFK: B-95047338; helbidea: Arteagoitia auzunea 19, 48970 Basauri, Bizkaia), eta kontuan hartu da Bizkaiko Laneko eta Gizarte Segurantzako Ikuskatzailetzak 2019ko martxoaren 11n emandako I482019000016843 arau-hauste akta.
AURREKARIAK
Lehenengoa.– Eusko Jaurlaritzako Lan eta Justizia Saileko Laneko eta Gizarte Segurantzako zuzendariaren 2018ko urriaren 24ko Ebazpenaren bidez, Fundiciones Palacio SL enpresari hirurogei mila (60.000) euroko zehapena ezarri zitzaion, Lan-arloko arau-hauste eta zehapenei buruzko Legearen testu bategina onartu zuen abuztuaren 4ko 5/2000 Legegintzako Errege Dekretuaren 13.10 artikuluan tipifikatuta dagoen arau-hauste oso larri bat egiteagatik. Honela dio artikulu horrek: «Laneko arriskuei buruzko araudiaren arabera lan-baldintzei aplikatu beharreko beste edozein prebentzio-neurri ez hartzea eta langileen segurtasuna eta osasuna arrisku larrian jartzea».
Bigarrena.– Ebazpen hori irmoa da.
ZUZENBIDEKO OINARRIAK
Espedienteaz arduratzeko eskumena Laneko eta Gizarte Segurantzako zuzendariarena da, honako hauetan xedatutakoaren arabera: apirilaren 11ko 84/2017 Dekretua (2017ko apirilaren 21eko EHAA); maiatzaren 14ko 928/98 Errege Dekretua (1998ko ekainaren 3ko BOE); eta Laneko arriskuen prebentzioaren arloan arau-hauste oso astunak egiteagatik ezarritako zigorrak argitaratzeari eta zigortutako enpresen erregistroa sortzeari buruzko azaroaren 21eko 244/2012 Dekretuaren 2, 3, eta 4. artikuluak (2012ko abenduaren 4ko EHAA).
Ikusirik lege-arauak eta oro har aplikatzekoak diren gainerakoak, Lan eta Gizarte Segurantza Zuzendaritzak, dituen ahalmenez baliatuz, hau
EBAZTEN DU:
Lehenengoa.– Jarritako zehapen irmoari buruzko datuak Euskal Herriko Agintaritzaren Aldizkarian argitaratzeko agintzea. Hona hemen datuok:
– Sozietatearen izena: Fundiciones Palacio SL.
– Zer sektoretan diharduen: Burdinurtzea.
– Identifikazio fiskaleko kodea: B95047338.
– Egoitza soziala: Arteagoitia auzunea 19, 48970 Basauri (Bizkaia).
– Eraginpeko lantokia: Fundiciones Palacio - Arteagoitia, auzunea 19, 48970 Basauri (Bizkaia)
– Egindako arau-haustea: Lan arloko arau-hauste eta zehapenei buruzko testu bateginaren 13.10 artikulua: Laneko arriskuei buruzko araudiaren arabera lan-baldintzei aplikatu beharreko beste edozein prebentzio-neurri ez hartzea eta langileen segurtasuna eta osasuna arrisku larrian jartzea.
– Zehapen ekonomikoaren zenbatekoa: hirurogei mila (60.000) euro.
– Arau-hauste aktaren data: 2019ko martxoaren 11.
– Zehapen-ebazpenaren data: 2019ko maiatzaren 28a.
Bigarrena.– Argitaratzen diren datu horiek laneko arriskuen prebentzioaren arloan arau-hauste oso larriak egiteagatik ezarritako zehapenen Erregistroan inskribatzea, lehen aipatutako azaroaren 21eko 244/2012 Dekretuaren 4. artikuluan xedatutakoarekin bat etorriz. Lan eta Gizarte Segurantza Zuzendaritzari atxikita dago erregistro hori.
Ezarritako zehapenari dagozkion erregistroko datuak bost urteren buruan ezeztatuko dira, zehapena Euskal Herriko Agintaritzaren Aldizkarian argitaratu eta biharamunetik aurrera.
Vitoria-Gasteiz, 2020ko urtarrilaren 8a.
Laneko eta Gizarte Segurantzako zuzendaria,
MARÍA ELENA PÉREZ BARREDO.