RSS
3. zk., 2020ko urtarrilaren 7a, asteartea
- Bestelako formatuak:
- PDF (362 KB - 11 orri.)
- EPUB (303 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HERRI-KONTUEN EUSKAL EPAITEGIA
27
ERABAKIA, Herri Kontuen Euskal Epaitegiaren Osokoak 2019ko irailaren 26ko bilkuran hartua Eraldaketa Lehiakorrerako Sozietatea SA-ren 2017ko fiskalizazio-txostena, behin betiko onesten duena.
Herri Kontuen Euskal Epaitegiaren Osokoak 2019ko irailaren 26an egindako bilkuran
ERABAKI DU:
Eraldaketa Lehiakorrerako Sozietatea SA-ren 2017ko fiskalizazio-txostena behin betiko onestea, erabaki honen eranskin modura ageri dena.
HKEEren 1/1988 Legearen 13.2 artikuluak aurreikusten duena betez, txostenaren ondorioak dagozkion aldizkari ofizialetan argitaratzeko xedatzea.
Vitoria-Gasteiz, 2019ko irailaren 26a.
HKEEren presidentea,
JOSÉ LUIS BILBAO EGUREN.
HKEEren idazkari nagusia,
JULIO ARTETXE BARKIN.
ERANSKINA
ERALDAKETA LEHIAKORRERAKO SOZIETATEA SA-REN 2017KO FISKALIZAZIO-TXOSTENA
Laburtzapenak:
AKF: Arrisku Kapitaleko Funtsa.
EAE: Euskal Autonomia Erkidegoa.
IFL: Inbertsiorako Finantza Laguntzak.
SPKLTB: Sektore Publikoko Kontratuei buruzko Legearen testu bategina.
I.– Sarrera.
Herri Kontuen Euskal Epaitegiak (aurrerantzean, Epaitegia), otsailaren 5eko 1/1988 Legean eta Epaitegiaren Osoko Bilkuran onetsitako lan-egitasmoan ezarritakoarekin bat etorriz, 2017. urteari dagozkion Sociedad para la Transformación Competitiva - Eraldaketa Lehiakorrerako Sozietatea SA-ren (aurrerantzean, Sozietatea) Urteko Kontuak fiskalizatu ditu.
Alderdi hauek aztertu ditu fiskalizazioak:
– Legezkoak: indarrean dagoen legeria betetzea honako alor hauetan: ondasun eta zerbitzuen erosketa, langileak, dirulaguntzak ematea eta kudeaketa ekonomiko eta finantzarioa.
– Kontularitzakoak: Aurkeztutako dokumentazio finantzarioa ezargarri diren kontularitzako printzipioei meneratzen zaiela egiaztatzea.
– Lanean ez da jaso gastuaren efikaziari eta efizientziari buruzko analisia. Nolanahi dela ere, azaleratutako hutsak «Barne kontrolerako sistemari eta kudeaketa prozedurei buruzko irizpenak» idazpuruan xehetasunez jaso ditugu.
Fiskalizazio-lana sektore publikoari aplikagarri zaizkion kontu-ikuskapeneko printzipioekin eta arauekin bat etorriz garatu da. Horretarako, egoera bakoitzean beharrezkoak izan diren kontu-ikuskapeneko ohiko hautaketa-probak, prozeduren berrikusteak eta bestelako teknikak egin eta erabili dira, txostenean jasotako irizpenei oinarria emateko; barne hartuz kanpoko kontu-ikuskariek eginiko urteko kontuen kontu-ikuskaritza jasotzen duten lan-paperak berrikustea.
1981eko irailaren 21ean Industriaren Sustapen eta Eraldaketarako Baltzua SA (SPRI) eratu zen ekainaren 10eko 5/1981 Legea aplikatuta. 2011ko ekainaren 6an, Arabako Merkataritza Erregistroan Sozietatearen izen aldaketa erregistratu zen, Sociedad para la Transformación Competitiva - Eraldaketa Lehiakorrerako Sozietatea SA izen berria hartuz. Sortze-legearen arabera, Euskadiko Ogasun Nagusiak zainduko du Sozietatearen oreka finantzarioa.
Sozietatearen helburua da euskal industria sustatu eta eraldatzea enpresen sustapen bidez; enpresa berrien sorrera bultzatzea eta jada finkatuak daudenak zabaltzea; bideragarritasun baldintzak betetzen dituzten enpresen saneamendu eta birmoldaketa prozesuak babestea; eta ikerketa eta grapen proiektuak indartzea.
Eusko Jaurlaritzaren Garapen Ekonomiko eta Azpiegitura Sailaren mendeko sozietate publikoa da. Akziodunen osaera 2017ko abenduaren 31n honako hau zen:
(Ikus .PDF)
Sozietatea entitate multzo baten buru da, eta, indarreko legediaren arabera, urteko kontu bateratuak formulatu ditu.
II.– Iritzia.
II.1.– Legea betetzeari buruzko iritzia.
Sozietateak lan-kontratu mugagabe bat egin du, eta ekainaren 27ko 3/2017 Legearen hamabosgarren xedapen gehigarrian –2017. urterako Estatuko Aurrekontu Orokorrei buruzkoa– finkatutako birjartze-tasa gainditu du.
Epaitegi honen ustetan, aurreko paragrafoan adierazitakoa alde batera, Sociedad para la Transformación Competitiva - Eraldaketa Lehiakorrerako Sozietatea SA-k zuzentasunez bete du 2017ko ekitaldian ekonomia-finantzaren jarduera arautzen duen lege arautegia.
II.2.– Kontuei buruzko iritzia.
Epaitegi honen iritzira, Sociedad para la Transformación Competitiva – Eraldaketa Lehiakorrerako Sozietatea SA-ren 2017ko ekitaldiko Urteko Kontuek alderdi esanguratsu guztietan 2017ko abenduaren 31n ondarearen eta finantza egoeraren isla zuzena erakusten dute; baita, data horretan amaitutako urteko ekitaldiari dagozkion bere eragiketen eta eskudiruzko fluxuen emaitzena ere, ezargarria den finantza informazioaren arau-esparruaren arabera eta, zehazki, hor jasotako kontularitzako printzipio eta irizpideen arabera.
2017ko Urteko kontuen memorian adierazitako moduan, EAEren 2018ko Aurrekontu Orokorrak onartzen dituen abenduaren 22ko 5/2017 Legeak Hamahirugarren Xedapen Gehigarrian aurreikusten du SPRI – Enpresen Garapenerako Euskal Agentzia SA zuzenbide pribatuko ente publikoa sortzea eta Sozietatea sortu zuen 5/1981 Legea indargabetzea. 2018ko azaroaren 13an, Eusko Jaurlaritzak 161/2018 Dekretua onartu zuen, enteari egitekoak gauzatzeko beharrezko dituen ondasunak eta ondarea atxikitzen dizkionak eta zehazki, Sozietatearen kapitalean titulartasun publikoko partaidetza guztiak. Gainera, Sozietatea desegiteko baimena ematen da, aplikagarria zaion araudiaren arabera dagozkion izapideak aldez aurretik bete ondoren.
III.– Barne kontroleko sistemei eta kudeaketa-prozedurei buruzko gogoetak.
Atal honetan jarduera ekonomikoa eta finantzarioa arautzen duten printzipioen betetzeari nabarmen eragiten ez dioten hutsak nahiz kudeaketa hobetzeko agerian jartzen diren prozedura-alderdiak jasotzen dira.
III.1.– Etorkizuneko konpromisoak.
Sozietateak 2017ko abenduaren 31n hartutako etorkizuneko konpromisoak 15,7 milioi euro dira guztira, eta ondartutako kredituak 1,2 milioi euroan gainditzen ditu; hori dela eta, bidezkoa den aurrekontuko aldaketa izapidetu behar zukeen. Gehiegikeria hau nagusiki Makina-erremintako Programak eragin du. Izan ere, programa honek 2018ko ekitaldirako 9 milioi euroren aurrekontua du, eta programaren azken aurrekontuei estaldura ematen die, 8,9 milioi euroan.
IV.– Urteko Kontuak.
A) Egoeraren balantzeak 2017ko eta 2016ko abenduaren 31n.
(Ikus .PDF)
B) GALERA-IRABAZIEN KONTUAK – 2017ko eta 2016ko ekitaldiak.
(Ikus .PDF)
C) Ondare garbian aldaketen egoera – 2017ko eta 2016ko ekitaldiak.
(Ikus .PDF)
(Ikus .PDF)
D) Eskudiruzko fluxuen egoerak – 2017ko eta 2016ko ekitaldiak.
(Ikus .PDF)
SPRI-ERALDAKETA LEHIAKORRERAKO SOZIETATEA SA-REN 2017KO EKITALDIKO FISKALIZAZIOAREN EMAITZEI AURKEZTUTAKO ALEGAZIOAK
I.– Sarrera.
SPRI-Eraldaketa Lehiakorrerako Sozietatea SA-ren 2017ko ekitaldiko fiskalizazioaren emaitzei erantzuteko asmoz, sozietateak horri lotuta aurkeztu dituen alegazioak eta justifikazioak erantsi zaizkio txosten honi. Kontrol Ekonomikoko Bulegoak zentralizatu ditu horiek guztiak.
II.– Iritzia.
II.1.– Legezkotasuna betetzeari buruzko iritzia.
«Sozietateak lan-kontratu mugagabe bat egin du, baina 2017. urterako Estatuko Aurrekontu Orokorren ekainaren 27ko 3/2017 Legearen hamabosgarren xedapen gehigarrian ezarritako birjarpen-tasa gaindituta.»
2017. urteko Estatuko Aurrekontu Orokorren Legearen 15. xedapen gehigarria, hain zuzen ere, merkataritza-sozietate publikoetako eta enpresa-entitate publikoetako langileak kontratatzeari buruzkoa da:
«Hamabosgarren xedapen gehigarria. Merkataritza-sozietate publikoetako eta enpresa-entitate publikoetako langileak kontratatzea.
Bat.– 1.– Lege honen 18. artikuluaren 1. zenbakian aipatutako merkataritza-sozietate publikoek eta enpresa-entitate publikoek langile berriak kontratatu ahal izango dituzte; betiere, xedapen honetan ezarritako mugak eta baldintzak betez.
2.– Muga horiek ez dira aplikatuko dagokion enpresa-entitate publikoa edo merkataritza-sozietatea bilduta dagoen Estatuko, autonomia-erkidegoko edo tokiko sektore publikoan aldez aurretik harreman finko eta mugagabea duten langileak kontratatzean, funtzionarioak edo lan-kontratudunak izan. Zenbaki honetan ezarritakoaren babesean egindako kontratuek antzinatasun-osagarria jasotzen jarraitzeko eskubidea sortuko dute, kontratua gauzatzen den datatik aurrera, jatorrizko ministerio-sail, organismo publiko, sozietate, fundazio edo partzuergoan jasotzen zen zenbateko berean.
3.– Ezin izango da langilerik aldi baterako kontratatu, ez bada aparteko kasuetan eta behar urgente eta geroraezinak estaltzeko, edo kontratu horiek azaroaren 14ko 3/2011 Errege Lege Dekretuaren bidez onetsitako Sektore Publikoaren Kontratuei buruzko Legearen testu bateginaren 24.6 artikuluko baldintzetan egiten direnean.
4.– Zerbitzu publikoak kudeatzen dituzten edo lege honen 19.1. 2 artikuluan zerrendatutako jarduerak egiten dituzten merkataritza-sozietate publikoek eta enpresa-entitate publikoek gehienez ere aipatutako arauan kasuan kasuko sektorerako ezarritako berrezarpen-tasa izango dute, tasa horren beharra justifikatuta dagoenean zerbitzua egoki emateko edo jarduera aurrera eramateko.
5.– Azken hiru ekitaldietatik bitan etekinak izan dituzten merkataritza-sozietate publikoek eta enpresa-entitate publikoek –aurreko zenbakian jasotakoez beste batzuek– kontratu mugagabeak egin ahal izango dituzte, haien berrezarpen-tasaren ehuneko 100 izanik muga; tasa hori lege honen 19.1.4 artikuluan ezarritako arauen arabera kalkulatuko da.
Gainera, azken hiru ekitaldietatik bitan etekinak izan ez dituzten merkataritza-sozietate publikoek eta enpresa-entitate publikoek –aurreko zenbakian jasotakoez beste batzuek– kontratu mugagabeak egin ahal izango dituzte, haien berrezarpen-tasaren ehuneko 60 izanik muga; tasa hori lege honen 19.1.4 artikuluan ezarritako arauen arabera kalkulatuko da. Horrez gain, aldi baterako enplegua sendotzeko prozesuetarako soilik, kontratu mugagabeak egin ahal izango dituzte, haien berrezarpen-tasaren ehuneko 15 izanik muga; tasa hori lege honen 19.1.4 artikuluan ezarritako arauen arabera kalkulatuko da.
Bi.– Estatuko merkataritza-sozietateen eta enpresa-entitate publikoen kasuan, langile berriei kontratu mugagabea egiteko, 1. zenbakian xedatutakoa betetzeaz gain, Ogasuneko eta Funtzio Publikoko Ministerioaren –Aurrekontuen eta Gastuen eta Funtzio Publikoaren estatu-idazkaritzen bitartez– eta akziodun maioritarioaren aldeko txostena beharko da.
Halaber, aipatutako sozietateen eta enpresa-entitate publikoen aldi baterako kontrataziorako, xedapen honen 1 zenbakian ezarritako baldintzez gainera, Ogasuneko eta Funtzio Publikoko Ministerioaren baimena beharko da, Aurrekontuen eta Gastuen eta Funtzio Publikoaren estatu-idazkaritzen bitartez.
Funtzio Publikoaren Estatu Idazkaritzak jarduketa-oinarri edo irizpide komunak ezarri ahalko ditu hautapen-prozesuetan, berdintasun-, publikotasun-, merezimendu- eta gaitasun-printzipioen aplikazioa gauzatzeko, bai eta prozedura elektronikoa ezartzeko ere.
Estatuko merkataritza-sozietateek eta enpresa-entitate publikoek aurreko ekitaldian zerbitzuak eman dituzten aldi baterako langile guztiei buruzko informazioa igorri beharko diote Ogasuneko eta Funtzio Publikoko Ministerioari, urteko lanegun kopurua eta horien kostua zehaztuz; informazio horrekin batera, soldata-masa baimentzeko eskaera ere igorri beharko diote.
Hiru.– Aparteko kasuetan, Ogasuneko eta Funtzio Publikoko Ministerioak, Aurrekontuen eta Gastuen eta Funtzio Publikoaren estatu-idazkaritzen bitartez, baimena eman ahalko du, aurrez aipatutako mugen gainetik, kontratazioak egiteko; hain zuzen ere, akziodun maioritarioak onetsi dituen eta Ekonomia Gaietarako Gobernuaren Ordezko Batzordearen aldeko txostena duten plangintza-tresna estrategikoak betetzeko behar diren kontratazioak.
Lau.– Xedapen gehigarri honen 1. zenbakian ezarritakoak oinarrizko izaera du, eta Konstituzioaren 149.1.13 eta 156.1 artikuluetan xedatutakoaren babesean emana dago».
15.– xedapen gehigarriak berrezarpen-tasa desberdin bat ezartzen du, merkataritza-sozietate publikoaren izaeraren, funtzioen eta ezaugarrien arabera. Ondorio horietarako, alderdi hauek hartzen dira kontuan:
1.– Dagokion merkataritza-sozietatea bilduta dagoen Estatuko, autonomia-erkidegoko edo tokiko sektore publikoan langileek aldez aurretik duten harreman finko eta mugagabea.
2.– Aldi baterako langileak kontratatuz gero, larrialdikoak eta ezin geroratzekoak diren beharrizanak.
3.– Sozietateek zerbitzu publikoak kudeatu edo 2017. urteko Estatuko Aurrekontu Orokorren Legearen 19.1.2 artikuluan zerrendatutako jarduerak egiten dituzten.
4.– Sozietate publikoek etekinik lortu duten ala ez.
5.– Estatuko merkataritza-sozietateak diren ala ez.
Hala, fiskalizazio-txostenak % 60ko berrezarpen-tasa hartu du erreferentziatzat. Tasa hori azken hiru ekitaldietatik bitan etekinak izan ez dituzten merkataritza-sozietateentzat dago aurreikusita, 15. xedapen gehigarriaren 1. apartatuko 1. ataletik 4. atalera bildutako berezitasunak bete gabe.
Hala ere, ez da kontuan hartu 15. xedapen gehigarriaren 1.4 apartatuan merkataritza-sozietate mota hauentzat jasotako erregulazio berezia:
a) zerbitzu publikoak kudeatzen dituztenak; edo
b) 2017. urteko Estatuko Aurrekontu Orokorren Legearen 19.1.2 artikuluan zerrendatutako jarduerak egiten dituztenak.
1.4 tartekia 2017. urteko Estatuko Aurrekontu Orokorren Legearen berritasun bat da, lehentasunezko sektoreetan sartutako jarduerak egiten dituzten erakundeei dagokienez. Zera aipatzen da, hitzez hitz, Hitzaurrean (X apartatua):
«Jasotako mugekin eta baldintzekin, arautzen da merkataritza-sozietate publikoek, lege honen 1. zenbakiko 18. artikuluan aipatzen diren enpresa-entitate publikoek eta sektore publikoko fundazioek eta partzuergoek aukera izan dezatela langile berriak kontratatu ahal izateko. Berritasun gisa jasotzen da zerbitzu publikoak kudeatzen dituzten edo lehentasunezkotzat adierazitako sektoreetan sartutako jarduerak egiten dituzten sozietateek kasuan kasuko lehentasunezko sektoreari dagokion berrezarpen-tasa bera izan dezatela, beren jardueraren emaitza edozein dela ere.
Lehentasunezkotzat adierazita ez dauden sektoreetan zerbitzuak kudeatzen dituzten edo jarduerak egiten dituzten sozietateek % 100eko berrezarpen-tasa bat edukiko dute, baldin eta azken hiru ekitaldietatik bitan etekinak izan badituzte; hala ez bada, % 60koa edukiko dute».
Salbuespen horren helburua da, hain zuzen ere, berrezarpen-tasa handitzea lehentasunezkotzat adierazitako sektoreetan sartutako jarduerak egiten dituzten sozietate publikoen kasuan; hala, euren jardueraren emaitza edozein dela ere, kasuan kasuko lehentasunezko sektorearekin pareka daitekeen berrezarpen-tasa bermatzeko (kasu honetan, % 100ekoa izango litzateke).
Funtsean, asmoa da entitate bateko langileen berrezarpen-tasa ez mugatzea Estatuko Aurrekontu Orokorren Legeak lehentasunezkotzat hartzen dituen sektoreetan dagoen eratzeko modu juridikoaren oinarriaren gainean, garrantzitsuena ez baita entitatea eratzeko forma juridikoa, baizik eta egiten dituen jarduerak.
Lehentasunezko sektoreak 2017. urteko Estatuko Aurrekontu Orokorren Legearen 19.1.2 artikuluan aurreikusita daudenak dira:
«2.– Betiere I. kapituluan gastu-aurrekontuetarako xedatutako aurrekontu-erabilgarritasunak errespetatuz, honako sektore eta administrazio hauetan berrezarpen-tasa gehienez ere ehuneko 100 izango da:
a) Hezkuntzari buruzko maiatzaren 3ko 2/2006 Lege Organikoa garatzeko hezkuntza-eskumenak dituzten Administrazio Publikoak, irakasle funtzionarioen kidegoan sartzeko lanpostu kopurua zehazteari dagokionez.
b) Osasun-eskumenak dauzkaten Administrazio Publikoak, Osasun Sistema Nazionaleko osasun zerbitzuetako lan-kontratupeko langileen lanpostuei dagokienez.
c) Estatuko Segurtasun Indar eta Kidegoak, lurraldean polizia-kidego autonomoak dituzten autonomia-erkidegoetako polizia-kidego autonomoak, eta, toki-administrazioaren esparruan, udaltzaingoetako langileak, lanpostu horiek betetzeari dagokionez.
d) Indar Armatuak, karrerako militarren eta militar osagarrien lanpostuei dagokienez, Karrera Militarrari buruzko azaroaren 19ko 39/2007 Legean xedatutakoaren arabera.
e) Administrazio Publikoak, zergen, lanaren, dirulaguntza publikoen nahiz Gizarte Segurantzaren arloetako iruzurra kontrolatzeko eta horien aurka borrokatzeko, bai eta baliabide publikoak modu efizientean esleitzen direla kontrolatzeko ere.
f) Administrazio Publikoak, aholkularitza juridikoari eta baliabide publikoen kudeaketari dagokienez.
g) Justizia Administrazioko Letraduen Kidegoetako eta Justizia Administrazioaren zerbitzuko funtzionarioen lanpostuak.
h) Administrazio Publikoak, suteak prebenitzeko eta itzaltzeko zerbitzuetako lanpostuak betetzeari dagokionez.
i) Estatuko Administrazioa, Zientziari, Teknologiari eta Berrikuntzari buruzko ekainaren 1eko 14/2011 Legean zehaztutako ikerketa-organismo publikoetako ikertzaile doktoreen lanpostuei dagokienez.
[...]
J) Unibertsitateko Katedradunen eta Unibertsitateko Irakasle Titularren Kidegoetako lanpostuak, Unibertsitateko irakasle doktore kontratatuak, Unibertsitateei buruzko abenduaren 21eko 6/2001 Lege Organikoaren 52. artikuluan arautuak, eta unibertsitateetako administrazioko eta zerbitzuetako langileen lanpostuak; betiere, haien ardura duten Administrazio Publikoek dagozkien deialdiak baimentzen badituzte, eta aldez aurretik egiaztatzen bada lanpostu horien enplegu publikoaren eskaintzak ez diola kalterik egiten dagokion unibertsitaterako ezarritako aurrekontu-egonkortasunerako helburuak betetzeari, ez eta Aurrekontu Egonkortasunari eta Finantza Iraunkortasunari buruzko apirilaren 27ko 2/2012 Lege Organikoan ezarritako mugei ere.
[...]
k) Administrazio Publikoak, balore-merkatuak eta horietan parte hartzen dutenak ikuskatzeari eta ikertzeari dagokionez.
l) Aire-segurtasunari dagozkion lanpostuak, aire-segurtasuna, hegaldiak, aireportu-eragiketak eta horiekin lotutako jarduketak ikuskatzen eta gainbegiratzen dituzten langileei dagokienez; eta itsas segurtasunarekin lotutako langileen lanpostuetan, itsas salbamendu eta prebentzioko lana eta itsas kutsaduraren aurkako borroka egiten dutenean, baita trenbide-segurtasunarekin eta trenbide-eragiketekin lotutako langileen lanpostuei dagokienez ere.
m) Espetxe Administrazioa.
n) Segurtasun Nuklearrerako Kontseilua, instalazio erradioaktibo eta nuklearrak zuzendu, aztertu eta ebaluatu, ikuskatu eta kontrolatzeko eginkizunak betetzen dituzten Segurtasun Nuklear eta Babes Erradiologikorako Kidegoko goi-eskalako funtzionarioen lanpostuei dagokienez.
ñ) Estatuaren Atzerri Ekintzan.
o) Gizarte-zerbitzuen erabiltzaileei laguntza zuzena ematen dieten langileen lanpostuak.
p) Enpleguaren arloan prestazio eta politika aktiboak kudeatzen dituzten langileen lanpostuak.
q) Segurtasuneko eta larrialdietako lanpostuak.
r) Garraio publikoaren zerbitzuko erabiltzaileentzako zuzeneko prestazioan aritzen diren langileen lanpostuak.
s) Zerbitzu publikoetan herritarrei arreta egiteko langileak».
Lehentasunezko sektore horien artean, dirulaguntza pubikoen kontorla aurkitzen da.
SPRIren xedeetako bat, sozietatea sortzeko legearen 4. artikuluarekin bat etorriz –5/1981 Legea, ekainaren 10ekoa, Industriaren Sustapen eta Eraldaketarako Baltzua Sortaraztekoa (2017ko ekitaldian aplikagarria)–, dirulaguntza publikoak ematea da; hain zuzen ere, jarduten duen sektore ekonomikoak sustatzeko bitarteko gisa, bere ezaugarri bereizgarriena da eta. Gainera, berezitasun hau izan behar da kontuan: merkataritza-sozietate publiko honen sorrera eta bere helburua osatzen duten zereginak legearen arabera zehazten dira, era formalean. Horrelaxe dio 5/1981 Legearen 4.1 artikuluak:
«Laugarren artikulua.– Baltzuak, bere xedeak betez, dirulaguntzak eta erdi-eperako edo epe luzerako maileguak eman ahal izango ditu interes-tasen baldintza berezietan, bai eta enpresentzako bermeak ere, Eusko Jaurlaritzak horrekin lotuta ematen dituen arauen arabera».
Dirulaguntza publikoen programetan oinarritutako sustapen-neurrien bidez esku hartzea SPRIren bereizgarria izan da, sozietatea sortu zenetik. Hain zuzen ere, eredu hori 2017ko ekitaldian mantendu da (eta orain arte); SPRIk dirulaguntzen hainbat programatan esku hartu du, bai ekintzaile eta sortzaile gisa bai Euskal Autonomia Erkidegoko (EAE) Administrazio Orokorrak edo Estatuko Administrazio Orokorrak –nagusiki, Industria, Merkataritza eta Turismo Ministerioak– sortutako programetan parte hartuta.
Jarraian, SPRIk 2017. urtetik hona esku hartu duen dirulaguntzen programen zerrenda emango da, programa sortu duen administrazioa zehaztuta eta SPRIk kontrolatu dituen dirulaguntzak adierazita:
(Ikus .PDF)
SPRIk 2017. urtetik parte hartu duen dirulaguntzen 24 programetatik:
– 16 SPRIk sustatu ditu zuzenean, edo oraindik sustatzen ditu.
– 8 EAEk SPRIrekin elkarlanean sustatu ditu, edo oraindik sustatzen ditu.
– Industria, Merkataritza eta Turismo Ministerioak sustatu du, SPRIrekin elkarlanean.
Aipatu diren dirulaguntzen 24 programetatik 3 2017ko ekitaldian lan-kontratu mugagabe baten bidez kontratatu den langileak kudeatu ditu, zuzenean.
Kontua ez da bakarrik SPRIk 2017. urteko Estatuko Aurrekontu Orokorren Legearen 19.1.2 artikuluan aurreikusitako lehentasunezko sektoreetan jarduerak egitea (dagokion sektore kritikoa aintzat hartuta, berrezarpen-tasaren % 100 aplikatzeko oinarri nahikoa izango litzateke), baizik eta 2017ko ekitaldian lan-kontratu mugagabearen bitartez bete den lanpostuaren eginkizun espezifikoak dirulaguntza publikoak kontrolatzeko zereginekin lotuta zeudela.
Adibide moduan, Industria, Merkataritza eta Turismo Ministerioaren ekimenez eta SPRIrekin elkarlanean deitutako dirulaguntzen programaren kasuan (Reindus), kontratatutako pertsona SPRIk Ebaluazio Batzordeko kide izateko izendatutakoa da. Ebaluazio Batzordea Ministerioarekin batera gauzatutako hitzarmenaren babesean sortu zen, eta, EAEn, 50 proiekturen kontrol zuzenean parte hartu du.
Gainera, dirulaguntzen beste programa batzuen kudeaketan, izapideetan, garapenean eta kontrolean parte hartu du; besteak beste, Bideratu eta Indartu programetan. Lehenengo programari dagokionez, krisian zeuden enpresak berregituratzera eta berriz sustatzera bideratutako laguntzak eman ziren; eta, bigarrenean, aldiz, inbertsio produktiboa egiten duten enpresei eman zitzaizkien laguntzak, lehiakortasuna eta garapen ekonomikoa hobetzeko eta Oiartzualdeko eta Nerbioi ibaiaren ezkerreko ertzeko eremuak eta langabezia-tasa EAEko urteko batezbestekoa (% 20) baino handiagoa duten beste udalerri batzuk sustatzeko.
Azaldutako guztiagatik, SPRIk dirulaguntzak kontrolatzeari dagokionez, legez, lehentasunezkotzat hartutako sektoreetan jarduten zuenez eta, bereziki, kontratazioaren xede den lanpostuari eginkizun horiek esleitu zizkionez, 2017ko ekitaldian aplikatu behar zen berrezarpen-tasa % 100ekoa zen, 15. xedapen gehigarrian aurreikusitako baldintzetan, 2017. urteko Estatuko Aurrekontu Orokorren Legearen 19.1.2 artikuluaren arabera.
III.– Barne-kontroleko sistemei eta kudeaketa-prozedurei buruzko gogoetak.
III.1.– Etorkizuneko konpromisoak.
«Sozietateak 2017ko abenduaren 31n hartutako etorkizuneko konpromisoen guztizko zenbatekoa –15,7 milioi euro– onartutako kredituen zenbatekoa baino 1,2 milioi euro gehiagokoa da; beraz, aurrekontuan egin behar zuen aldaketa izapidetu behar zuen. Soberakin hori, nagusiki, Makina-Erreminta Programatik dator. Programak 2018ko ekitaldirako duen aurrekontua 9 milioi eurokoa da, eta programaren azken konpromisoak estaltzen ditu; guztira, 8,9 milioi euro.»
Hain zuzen ere, 2017an, Makina-Erreminta Programaren benetako konpromisoetan soberakina egon zen, aurrekontuan sartutako etorkizuneko konpromisoen aldean.
Dena den, 2018. urterako aurrekontu orokorretan, aurreko ekitaldian hartutako konpromisoak estaltzeko behar zen kreditua aurreikusi zen, eta ez zen behin ere ez erabili aurrekontuan sartuta ez zegoen funtsik.