RSS
238. zk., 2019ko abenduaren 16a, astelehena
- Bestelako formatuak:
- PDF (248 KB - 3 orri.)
- EPUB (225 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
LAN ETA JUSTIZIA SAILA
5746
IRAGARKIA, zeinaren bidez jakinarazten baita Laneko eta Gizarte Segurantzako zuzendariaren 2019ko irailaren 19ko Ebazpena, 19.0159.48.02.01.02 (SH/-54/19) errekurtsoan emana.
Ezinezkoa izan da ebazpen hori aurrez aurre jakinaraztea, eta, horregatik, iragarki hau argitaratzen da, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan xedatua betetzeko.
Errekurtsoa Lan eta Gizarte Segurantzako zuzendariaren ebazpen bidez amaitu da. Ebazpen horren bidez, D.M. Ansola Goyogana; J. Badiola Azpiri; COM.B enpresak aurkeztuta gora jotzeko errekurtsoa ezestea erabaki da eta, beraz, Lan eta Justizia Saileko Lan eta Gizarte Segurantzako Bizkaiko Lurralde Ordezkaritzak DM. Ansola Goyogana; J. Badiola azpiri; COM.B enpresaren kontrako SH-54/19 zehapen-espedientean 2019ko uztailaren 16an emandako ebazpena berrestea. Ebazpen horrek 2.046 euroko zehapena ezarri zion enpresari abuztuaren 4ko 5/2000 Legegintzako Errege Dekretuaren bidez onartu zen testu bategineko 12.8 artikuluan jasotako arau-hauste astuna egiteagatik.
Enpresari jakinarazten zaio ebazpen horrek amaiera ematen diola administrazio-bideari, eta haren aurka egin dezakeela dagokion lan-arloko epaitegian, bi hilabeteko epean, iragarki hau BOEn argitaratu eta hurrengo egunetik aurrera.
Horretaz gain, jakinarazten zaio ezen, ebazpenaren aurka egin zein ez, zehapena ordaindu beharko duela Eusko Jaurlaritzaren ordainketa-pasabidearen bitartez, Interneteko helbide honetan: http://www.euskadi.net/nireordainketa. Ordaintzeko azken eguna 2020-01-05 da; eta, ordainketa egiteko, datu hauek behar dira:
– Diru-bilketako prozeduraren kodea (BPK): 9050794.
– Erakunde igorlea: 04833001-522.
– Erreferentzia: 4819005400381.
– Identifikazioa: 050120.
– Zenbatekoa: 15.000 euro.
Hala egin ezean, premiamendu-bideari ekiteko administrazio-egintza hasiko da zehapena kobratzeko. Ondorioz, premiamendu-errekargua eta berandutze-interesak ordaindu beharko ditu enpresak, Euskal Autonomia Erkidegoko Ogasun Nagusiaren Diru Bilketako Erregelamendua onartu zuen abuztuaren 31ko 212/1998 Dekretuan ezarritako prozedura aplikatuz.
Eranskinean aipatutako interesdunak jakitun egon daitezen ematen da argitara hau, eta banakako jakinarazpenaren balioa izango du haientzat.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2019ko azaroaren 21a.
Laneko eta Gizarte Segurantzako zuzendaria,
MARÍA ELENA PÉREZ BARREDO.
