Euskal Herriko Agintaritzaren Aldizkaria

215. zk., 2019ko azaroaren 12a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LAN HARREMANEN KONTSEILUA

5213

EBAZPENA, 2019ko urriaren 31koa, Lan Harremanen Kontseiluko buruarena, zeinaren bidez argitara ematen baita data horretan Kontseiluko Osoko Bilkurak lortutako akordioa, Lan Harremanen Kontseiluko lanpostu-zerrenda aldatzekoa.

Aintzat hartuta Euskal Funtzio Publikoaren uztailaren 6ko 6/1989 Legearen 14.1 artikuluak ezarritakoa, eta Lan Harremanen Kontseiluaren zerbitzupeko langileak antolatzeko maiatzaren 8ko 2/1992 Legearen 2.b) artikuluak dioenarekin bat, Kontseiluko Osoko Bilkurak, idazkari nagusiak hala proposatuta, 2019ko urriaren 31ko bileran, zera erabaki du: Lan Harremanen Kontseiluko lanpostu-zerrenda aldatzea.

Horrela, bada,

EBATZI DUT:

Argitara ematea Lan Harremanen Kontseiluko lanpostu-zerrendan izan diren aldaketak, hain zuzen ere I. eranskinean jaso direnak.

Onartu diren aldaketak indarrean egongo dira 2019ko azaroaren 1etik aurrera.

Bilbao, 2019ko urriaren 31.

Lan Harremanen Kontseiluko burua,

TOMÁS ARRIETA HERAS.

(Ikus .PDF)

Azterketa dokumentala