Euskal Herriko Agintaritzaren Aldizkaria

168. zk., 2019ko irailaren 5a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GOBERNANTZA PUBLIKO ETA AUTOGOBERNU SAILA

4087

EBAZPENA, 2019ko abuztuaren 12koa, Toki Administrazioekiko Harremanetarako eta Administrazio Erregistroetako zuzendariarena, zeinaren bidez Leioako Udalaren Idazkaritzaren alboko laguntzaile-lanpostua sailkatzen den. Lanpostua gaikuntza nazionala duten toki administrazioko funtzionarioentzat gordetakoa da.

Toki Administrazioekiko Harremanetarako eta Administrazio Erregistroetako Zuzendaritza honetan jaso dugu, 2019ko ekainaren 25ean, Leioako Udalaren Udalbatzak 2019ko apirilaren 29an hartutako Erabakiaren egiaztagiria. Bertan, gaikuntza nazionala duten toki administrazioko funtzionario batek beteko duen Idazkaritzaren alboko laguntzaile-lanpostua sortzea onartzen da, proposatuz hirugarren mailakoa eta Idazkaritza-Kontuhartzailetzako azpieskalan sailkatzea.

Halaber, Toki Araubidearen Oinarriak arautzen dituen apirilaren 2ko 7/1985 Legearen 92.bis artikuluaren laugarren zenbakian xedatutakoaren arabera, Toki Administrazioaren Arrazionalizazioari eta Iraunkortasunari buruzko abenduaren 27ko 27/2013 Legeak emandako idazkeran, Gobernuak, errege-dekretu baten bidez, arautuko ditu estatu-mailako gaitasuna duten Toki Administrazioko funtzionarioentzat gordetako lanpostuak sortu, sailkatu eta ezabatzeko espezialitateak.

Horren ondorioz, 2018ko martxoaren 16an, gaikuntza nazionala duten Toki Administrazioko funtzionarioen araubide juridikoa arautzen duen 128/2018 Errege Dekretua (128/2018 Errege Dekretua, aurrerantzean) argitaratu da Estatuko Aldizkari Ofizialean.

128/2018 Errege Dekretuaren 15.1 artikulua kontuan hartuz, lankidetza-lanpostuak direla toki-erakundeek beraiek berez duten eskumenez baliatuz sor ditzaketenak idazkaritza, kontuhartzailetza edo diruzaintzaren eginkizunei berehalako lankidetza emateko eta, dagokionean, beste eginkizunen artean, horien titularrei ordezkatzeko; lanpostu horiek, toki-administrazioko gaikuntza nazionala duten eta dagozkion azpieskala eta mailako funtzionarioek betetzeko gordeta egongo dira.

Bestalde, aurretiaz aipatutako 128/2018 Errege Dekretuaren 15. artikuluak, bere 3 apartatuaren bigarren paragrafoan, esaten du lanpostu horiek Autonomia Erkidegoak sailkatuko dituela, zenbait irizpideen arabera.

Horri dagokionez, Idazkaritza eta Kontuhartzailetza lanpostuak 1.go mailan sailkatuta dituzten toki-erakundeetan, Idazkaritzaren alboko lankidetza-lanpostuak 1.go, 2. eta 3. mailatan sailkatu ahal izango dira eta, ondorioz, Idazkaritza- (goi mailako edo sarrerako kategorian) eta Idazkaritza-Kontuhartzailetza azpieskalatan, hurrenez-hurren –128/2018 Errege Dekretuaren 15.3. b) artikulua–.

Aipatu diren arauetatik ondorioztatzen denez, gaikuntza nazionala dutenentzat gordetako lankidetza-lanpostuak sortu eta horiek sailkatzeak Autonomia Erkidegoko Administrazioaren eta doakion Udalbatzaren iritzi bereko borondatea behar du eta hori adierazten da, kasu honetan, Leioako Udalak egin duen eskaeraren bitartez eta bertan adierazitako arrazoiak, bidalketaren bidezko arrazoiketa bezala, ebazpen honetan onartuz. Halaber, Bizkaiko Foru Aldundiak Leioako Udalaren eskaerari buruzko txostena eman du, bidezkoa dela sortu beharreko lankidetza-lanpostua gaikuntza nazionala duten Toki-administrazioko funtzionarioarentzat gordetako, Idazkaritza-Kontuhartzailetza azpieskalako hirugarren mailako Idazkaritza bezala sailkatzea adieraziz.

Horregatik guztiagatik, Udalak aurkeztutako eskabidea ikusirik, Toki Araubidearen Oinarriak arautzen dituen apirilaren 2ko 7/1985 Legearen 92.bis artikuluarekin eta 128/2018 Errege Dekretuaren 15. artikuluarekin bat etorriaz, eta Gobernantza Publiko eta Autogobernu Sailaren egitura organikoa eta funtzionala ezartzen duen apirilaren 11ko 71/2017 Dekretuaren 10. artikuluak ematen dizkidan ahalmenez baliatuz, hau

EBAZTEN DUT:

Lehenengoa.– Leioako Udaleko Idazkaritzaren alboko laguntzaile izeneko lanpostua hirugarren mailako Idazkaritza bezala sailkatzea. Lanpostua Idazkaritza-Kontuhartzailetza azpieskalako gaikuntza nazionala duten Toki-administrazioko funtzionarioentzat gordeta egongo da.

Bigarrena.– Lanpostu hori betetzeko sistema merezimendu-lehiaketa izango da.

Hirugarrena.– Leioako Udalak lanpostu hori bere lanpostu zerrendan gehitu beharko du lanpostua bete baino lehen.

AZKEN XEDAPENETAKO LEHENENGOA

Ebazpen honek ez dio administrazio-bideari amaiera ematen. Beraz, beronen aurka, gora jotzeko errekurtsoa aurkez dakioke Erakunde Harremanetarako sailburuordeari, hilabeteko epean, ebazpena jakinarazi eta hurrengo egunetik aurrera; hala xedatzen da Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluetan, hargatik eragotzi gabe eskubidez onartutako bestelako aurkaratze-bideak erabiltzea.

AZKEN XEDAPENETAKO BIGARRENA

Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluari jarraituz, administrazio publiko interesdunek ezin izango dute administrazioarekiko errekurtsorik jarri ebazpen honen aurka. Halere, errekurtsoa jarri ahal izango da Euskal Autonomia Erkidegoko Justizia Auzitegi Nagusiaren Administrazioarekiko Auzien Salan, jakinarazpena jaso eta biharamunetik hasita bi hileko epean, 29/1998 Legearen 45. artikuluan eta ondorengoetan ezarritakoari jarraituz. Lehenago eta epe berean, Administrazio Erregistroen eta Toki Araubidearen Zuzendaritza honi eskatu ahal izango zaio ebazpen hau deusezta edo erreboka dezala, 29/1998 Legearen 44.1 artikuluak xedatzen duen bezala.

Vitoria-Gasteiz, 2019ko abuztuaren 12a.

Toki Administrazioekiko Harremanetarako eta Administrazio Erregistroetako zuzendaria,

ELIXABETE ETXANOBE LANDAJUELA.

Azterketa dokumentala