Euskal Herriko Agintaritzaren Aldizkaria

137. zk., 2019ko uztailaren 19a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

SEGURTASUN SAILA

3517

EBAZPENA, 2019ko uztailaren 9koa, Segurtasun Saileko Segurtasuneko sailburuordearena eta Administrazio eta Zerbitzuen sailburuordearena, zeinaren bidez iragartzen baita noiz argitaratu den Gurenet atarian 2019ko uztailaren 5eko Ebazpena, Ertzaintzaren C168, C169 eta C170 lanpostuak betetzeko prozeduran akatsak zuzentzen dituena eta merezimendu orokorren balorazio batzordeko kideak izendatzen dituena.

Segurtasuneko sailburuordearen eta Administrazio eta Zerbitzuen sailburuordearen 2019ko martxoaren 21eko Ebazpenaren bidez, Ertzaintzako karrerako funtzionarioentzat gordetako lanpostuak betetzeko deialdia onetsi eta argitaratu zen. Bada, ebazpen horren hirugarren atalean ezarritakoarekin bat etorriz, eta Segurtasun Sailaren egitura organiko eta funtzionalari buruzko apirilaren 11ko 83/2017 Dekretuak, apirilaren 2ko 60/2019 Dekretuaren bidez aldatutakoak, emandako eskumenak baliatuz, honako hau

EBAZTEN DUGU:

Jakinaraztea 2019ko uztailaren 8an argitaratu dela, Segurtasun Sailaren Gurenet atarian, Segurtasuneko sailburuordearen eta Administrazio eta Zerbitzuen sailburuordearen 2019ko uztailaren 5eko Ebazpena. Ebazpen horren bidez zuzendu egin da Ertzaintzaren C168, C169 eta C170 lanpostuak betetzeko prozeduran emandako 2019ko maiatzaren 10eko Ebazpenaren 2. eranskinaren a) eta b) ataletako balorazio batzordeetako kideen izendapenean dagoen akats materiala eta aldatu egin da 2019ko maiatzaren 10eko Ebazpenaren 2. eranskinaren a) atalean eta 2019ko maiatzaren 24ko Ebazpenaren seigarren atalean jasota dauden balorazio-batzordeko kideen izendapena.

Vitoria-Gasteiz, 2019ko uztailaren 9a.

Segurtasuneko sailburuordea,

JESÚS MARÍA ZUBIAGA NIEVA.

Administrazio eta Zerbitzuen sailburuordea,

ANA AGUIRRE ZURUTUZA.

Azterketa dokumentala