Euskal Herriko Agintaritzaren Aldizkaria

113. zk., 2019ko ekainaren 17a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO MERKATARITZA ARLOKO 1 ZENBAKIKO ZUZENEKO LAGUNTZA EMATEKO UNITATE PROZESALA

2930

EDIKTUA, administrarien erantzukizunari buruz bideratutako 116/2019 hitzezko judizioaren ondoriozkoa.

Donostiako Merkataritza arloko 1 zenbakiko Epaitegia, Merkataritzako Zuzeneko Laguntza emateko Unitate Prozesala.

Judizioa: 116/2019-B hitzezko judizioa.

Demandatzailea: Almacenes Iztieta SA.

Abokatua: Jose Miguel Zubia Zubimendi.

Prokuradorea:

Demandatua: Ttantto Reforma de Inmuebles SL eta Iñaki Altolaguirre Irijalba.

Gaia: hitzezko judizioa, administrarien erantzukizunari buruzkoa.

Judizio horretan, epaia eman da 2019-05-28an. Hona hemen epaitza:

«Baiesten da Almacenes Iztieta SAk Ttantto Reformas Inmuebles SL-ren eta Iñaki Altolaguirre Irijalba-ren aurka jarritako hitzezko judizioko demanda. Beraz, demandatuak kondenatzen ditut 2.000 euro eta interesak ordaintzera, merkataritza-operazioetan berankortasunaren aurka egiteko neurriak ezartzen dituen abenduaren 29ko 3/2004 Legean aurreikusitakoaren arabera.

Kostuak alderdi demandatuari ezartzen zaizkio berariaz.

Ebazpen honen aurka ezin da errekurtsorik aurkeztu.

Eta epai honen bidez erabaki, agindu eta sinatzen dut.»

Ttantto Reforma de Inmuebles SL eta Iñaki Altolaguirre Irijalba demandatuen egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZL).

Ebazpen horren aurka ezin da inolako errekurtsorik aurkeztu.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Donostia / San Sebastián, 2019ko maiatzaren 28a.

JUSTIZIA ADMINISTRAZIOAREN LETRADUA.

Azterketa dokumentala