Euskal Herriko Agintaritzaren Aldizkaria

110. zk., 2019ko ekainaren 12a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

KULTURA ETA HIZKUNTZA POLITIKA SAILA

2854

EBAZPENA, 2019ko maiatzaren 31koa, Kulturako sailburuordearena, zeinaren bidez praktika sortzaileak bultzatzen dituzten kulturagune independenteei zuzendutako dirulaguntzak emateko (Sorgune deialdia) balorazio-batzordearen kideak izendatu eta haren osaera argitaratzen baita.

Ikusi da Kultura eta Hizkuntza Politikako sailburuaren 2019ko otsailaren 12ko Agindua, 2019. urtean praktika sortzaileak bultzatzen dituzten kulturagune independenteei zuzendutako dirulaguntzak emateko araubidea ezartzen duena.

Agindu horren 11. artikuluak xedatutakoaren arabera, balorazio-batzorde bat eratuko da aurkeztutako eskabideak aztertu eta ebaluatzeko, eta Kulturako sailburuordearen ebazpenaren bidez batzordeko kideak izendatu eta batzordearen osaera argitara emango da.

Horiek horrela,

EBAZTEN DUT:

Lehenengoa.– Balorazio-batzordearen kideak izendatu eta batzordearen osaera argitaratzea.

Mahaiburua: Aitziber Atorrasagasti Calcedo, Kultura Sustatzeko zuzendaria.

Idazkaria: Rafael Elizondo Saiz, Kultura eta Hizkuntza Politika Saileko teknikaria.

Batzordekideak: Miren Gabantxo, Igor Otxoa eta Araceli de la Horra.

Bigarrena.– Ebazpen hau Euskal Herriko Agintaritzaren Aldizkarian argitaratu dadin agintzea, jende guztiak izan dezan horren berri.

Vitoria-Gasteiz, 2019ko maiatzaren 31.

Kulturako sailburuordea,

JOSE ANGEL MARIA MUÑOZ OTAEGI.

Azterketa dokumentala