107. zk., 2019ko ekainaren 7a, ostirala
- Bestelako formatuak:
- PDF (234 KB - 3 orri.)
- EPUB (226 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
OSAKIDETZA-EUSKAL OSASUN ZERBITZUA
2762
417/2019 EBAZPENA, maiatzaren 15ekoa, Osakidetza-Euskal osasun zerbitzuko zuzendari nagusiarena, zeinaren bidez ebazten baitira lanbide-garapeneko maila aitortzeko eskaerak, eta agintzen baita argitaratzea Zuzendaritza nagusi honen azaroaren 30eko 1250/2018, 1251/2018 eta 1252/2018 ebazpenen V. eranskinean sartutako profesionalen lanbide-garapenaren behin betiko esleipena.
Osakidetza-Euskal osasun zerbitzuko zuzendari nagusiaren azaroaren 30eko 1250/2018, 1251/2018 eta 1252/2018 ebazpenen bidez (2018ko abenduaren 17ko EHAA, 241. zk.), lanbide-garapeneko maila aitortzeko eskaerak ebazten dira eta Osakidetza-Euskal osasun zerbitzuko zerbitzu-erakundeetako lanbide-talde ezberdinetako (fakultatibo mediko-teknikoak, diplomadun sanitarioak eta lanbide-heziketako langile ez-sanitarioen eta langile sanitarioak, hurrenez hurren) lanbide-garapeneko mailaren behin betiko esleipena argitaratzea agintzen da. Ebazpen honen oinarria da Zuzendaritza Nagusi honen abenduaren 29ko 1930/2011 Ebazpenaren bidez argitaratutako deialdia.
Aipatutako ebazpenek beren bigarren xedapen-zatian honako hau ezartzen dute: «Curriculumeko merezimenduen B Blokean ezarritako puntuazio-eskakizunak gainditu ondoren, gorako errekurtsoak ebazteko izapidean haien espedienteak aztertu ondoren, ebaluazio prozesuan jarraitzen dute profesionalen zerrenda onartzea eta, horretarako, Jarduera, jarduna eta gaitasun profesionaleko A Blokea baloratzea eta baita Erakundearekiko inplikazio eta konpromisoko C Blokea ere, V. eranskinean jasotzen den zerrendaren arabera».
V. eranskinean jasotako profesionalen A eta C Blokeekin lotutako ebaluazioa egin ondoren eta zerbitzu-erakundeek emaitzak berretsi ondoren, dagokion maila lortzeko A eta C Blokeetan eskatutako puntuazioa betetzen duten profesionalei maila aitortzen zaie.
Esandako guztiagatik, aitortuta ditudan eskumenez baliatuta eta Osakidetza-Euskal osasun zerbitzuko langileen lanbide-garapena arautzen duten azaroaren 22ko 395/2005, otsailaren 27ko 35/2007 eta abenduaren 26ko 248/2007 Dekretuen 11. artikuluan aurreikusitakoarekin eta Osakidetzako zuzendari nagusiaren abenduaren 29ko 1930/2011 Ebazpenean jasotakoarekin bat etorriz, honako hau
EBAZTEN DUT:
Lehenengoa.– Zuzendaritza Nagusiaren azaroaren 30eko 1250/2018, 1251/2018 eta 1252/2018 ebazpenen V. eranskinean dauden profesionalen lanbide-garapenaren behin betiko esleipena onartzea. Horien zerrenda ebazpen honen eranskinean dago.
Bigarrena.– Lanbide-garapeneko maila honen esleipenaren ondorioak Osakidetza-Euskal osasun zerbitzuko zuzendari nagusiaren azaroaren 30eko 1250/2018, 1251/2018 eta 1252/2018 ebazpenen berdinak izango dira. Ebazpen haien bidez, lanbide-garapeneko maila aitortzeko eskaerak ebazten dira eta Osakidetza-Euskal osasun zerbitzuko zerbitzu-erakundeetako lanbide-talde ezberdinetako (fakultatibo mediko-teknikoak, diplomadun sanitarioak eta lanbide-heziketako langile ez-sanitarioen eta langile sanitarioak, hurrenez hurren) lanbide-garapeneko mailaren behin betiko esleipena argitaratzea agintzen da. Ebazpen honen oinarria da Zuzendaritza Nagusi honen abenduaren 29ko 1930/2011 Ebazpenaren bidez argitaratutako deialdia.
Hirugarrena.– Ebazpen hau Euskal Herriko Agintaritzaren Aldizkarian argitaratzeko agintzea.
Laugarrena.– Ebazpen honek amaiera ematen dio administrazio-bideari, eta, beronen aurka, administrazioarekiko auzi-errekurtsoa jarri ahal izango da Administrazioarekiko Auzietarako dagokion Epaitegian, bi hilabeteko epean, ebazpena argitaratu eta hurrengo egunetik aurrera, Administrazioarekiko Auzien Jurisdikzioa arautzen duen uztailaren 13ko 29/1998 Legearen 8.2, 14.2, eta 46.1 artikuluetan xedatutakoaren arabera.
Vitoria-Gasteiz, 2019ko maiatzaren 15a.
Osakidetza-Euskal osasun zerbitzuko zuzendari nagusia,
JUAN LUIS DIEGO CASALS.