107. zk., 2019ko ekainaren 7a, ostirala
- Bestelako formatuak:
- PDF (214 KB - 2 orri.)
- EPUB (218 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
OSAKIDETZA-EUSKAL OSASUN ZERBITZUA
2751
311/2019 EBAZPENA, maiatzaren 20koa, Osakidetza-Euskal osasun zerbitzuko Goierri-Urola Garaiko Erakunde Sanitario Integratuko zuzendari gerentearena, zeinaren bidez, Juan Marti Cabane jauna kentzen baita Goierri-Urola Garaiko Erakunde Sanitario Integratuko Barne Medikuntzako atalburu sanitarioaren lanpostutik.
AURREKARIAK
1.– Osakidetza-Euskal osasun zerbitzuko zuzendari nagusiaren irailaren 16ko 2477/1997 Ebazpenaren bidez, Juan Marti Cabane jauna izendatu zen Barne Medikuntzako atalburu sanitario, Zumarragako ospitalean, eta gero, Goierri-Urola Garaiko ESIn.
2.– 2019ko apirilaren 23an, erretiroa hartu zuen. Beraz, 2019ko apirilaren 22ko lan-jarduna amaitutakoan, Goierri-Urola Garaiko ESIko Barne Medikuntzako atalburu sanitarioaren lanpostua utzi zuen.
ZUZENBIDEKO OINARRIAK
Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren 3. arau komuna; uztailaren 19ko 186/2005 Dekretua, lanpostu funtzionalak arautzen dituena, eta azaroaren 11ko 255/1997 Dekretua, Osakidetza-Euskal osasun zerbitzua Ente Publikoaren estatutu sozialak ezartzen dituena, bereziki, zerbitzu-erakundeetako zuzendari kudeatzaileen eskumenei buruzko 15. artikuluan jasotakoak, eta aplikatu beharreko arauei buruzkoak.
Aurreko guztia aintzat harturik, honako hau
EBAZTEN DUT:
Lehenengoa.– Juan Marti Cabane jauna Barne Medikuntzako atalburu sanitarioaren lanpostutik kentzea, Osakidetza-Euskal osasun zerbitzuko Goierri-Urola Garaiko ESIn, erretiroa hartu duelako, eskerrak emanez egindako lanagatik.
Bigarrena.– Adostutako kargu-uzteak erabateko ondorioak izango ditu 2019ko apirilaren 22ko lan-jarduna amaitzen denetik aurrera.
Hirugarrena.– Ebazpen hau jakinaraztea interesdunari, eta Goierri-Urola Garaiko ESIko Zuzendaritza Medikoari eta Pertsonaleko Zuzendaritzari.
Laugarrena.– Ebazpen hau Euskal Herriko Agintaritzaren Aldizkarian eta Osakidetzaren web-orrian argitaratzea.
Ebazpen honen aurka, gora jotzeko errekurtsoa aurkez dakioke Osakidetza-Euskal osasun zerbitzuko zuzendari nagusiari, hilabeteko epean, jakinarazpena jaso eta hurrengo egunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluetan xedatutakoa betetzeko.
Zumarraga, 2019ko maiatzaren 20a.
Goierri-Urola Garaiko ESIko zuzendari gerentea,
LAURA AGUIRRE ALBERDI.