Euskal Herriko Agintaritzaren Aldizkaria

96. zk., 2019ko maiatzaren 23a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGUKO ETA GIZARTE POLITIKETAKO SAILA

2455

EBAZPENA, 2019ko apirilaren 16koa, Lanbide-Euskal Enplegu Zerbitzuko zuzendari nagusiarena, zeinaren bidez argitara ematen baita zein erakundek jasoko dituzten Euskal Autonomia Erkidegoko langile landunei lehentasunez zuzendutako 2018-2020ko aldirako prestakuntza-eskaintza finantzatzeko dirulaguntzen deialdia. Dirulaguntza horietarako 2018ko deialdia Lanbideko Administrazio Kontseiluak egin zuen, 2018ko ekainaren 27ko bilkuran hartutako erabakiaren bidez.

Dirulaguntza publikoak emateko orduan, ezinbestean bete behar da publikotasun-printzipioa. Hortaz, Euskal Autonomia Erkidegoan lana duten langileei lehentasunez zuzendutako 2018-2020ko aldirako prestakuntza-eskaintza finantzatzeko dirulaguntzetarako 2018ko deialdiak 7.11 artikuluan ezartzen duenez, Euskal Herriko Agintaritzaren Aldizkarian argitaratuko da zein diren erakunde-onuradunak eta zenbat diru emango zaien. Deialdi hori Lanbideko Administrazio Kontseiluak egin zuen, 2018ko ekainaren 27ko bilkuran hartutako erabakiaren bidez.

Hori dela eta, hau

EBAZTEN DUT:

Euskal Herriko Agintaritzaren Aldizkarian argitara ematea zein erakunderi emango zaizkien dirulaguntzak 2018ko ekitaldian Euskal Autonomia Erkidegoko langile landunei lehentasunez zuzendutako 2018-2020ko aldirako prestakuntza-eskaintza finantzatzeko, honako hauek zehaztuta: espediente-zenbakia eta onuraduna bakoitzari emandako zenbatekoa (ikusi ebazpen honen eranskina). Dirulaguntza horietarako deialdia Lanbide-Euskal Enplegu Zerbitzuko Administrazio Kontseiluak egin zuen, 2018ko ekainaren 27ko bilkuran hartutako erabakiaren bidez (2018ko uztailaren 5eko EHAA, 129. zk.).

Vitoria-Gasteiz, 2019ko apirilaren 16a.

Lanbide-Euskal Enplegu Zerbitzuko zuzendari nagusia,

JUAN JOSE BORJA BELANDIA FRADEJAS.

(Ikus .PDF)

Azterketa dokumentala