RSS
85. zk., 2019ko maiatzaren 8a, asteazkena
- Bestelako formatuak:
- PDF (246 KB - 3 orri.)
- EPUB (222 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
TURISMO, MERKATARITZA ETA KONTSUMO SAILA
2151
IRAGARKIA, zeinaren bidez jakinarazten baita Kontsumobide-Kontsumoko Euskal Institutuaren zuzendariaren 2019ko martxoaren 28ko Ebazpena, kontsumo arloko SAN-01A001-65-2018 zehapen-espedientea ebazten duena.
Ezinezkoa izan da ebazpen hori aurrez aurre jakinaraztea, eta, horregatik, iragarki hau argitaratzen da, hala xedatuta baitago Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan.
Honen arabera, Bar Restaurante Aldaiko SLri jakinarazten zaio ebazpena eman dela SAN-01A001-65-2018 zehapen-prozeduran, 2019ko martxoaren 28an.
Espedientearen deskribapena:
Hautsitako araua: Kontsumitzaile eta Erabiltzaileen Estatutuari buruzko 6/2003 Legearen 50.5.a) eta 50.6 artikuluak.
Arau-haustearen deskribapena: ez izatea erreklamazio-orriak edo ukatzea horiek ematea. Ez betetzea ezarritako betekizunak, betebeharrak edo debekuak.
Ezarritako zehapena: 450 euro.
Legezko ohartarazpenak: Ebazpen honek ez dio amaiera ematen administrazio-bideari; beraz, beraren aurka, gora jotzeko errekurtsoa aurkez dakioke Turismo, Merkataritza eta Kontsumoko sailburuari, hilabeteko epean, ebazpena jakinarazi eta biharamunetik aurrera.
Halaber, jakinarazten zaio honela ordaindu beharko duela zehapena:
– Jakinarazpena hilaren 1etik 15era bitartean egin bada, egun horretatik hurrengo hilaren 5era bitartean, edo egun hori jaieguna bada, hurrengo egun baliodunera arte.
– Jakinarazpena hilaren 16tik hileko azken egunera bitartean egin bada, egun horretatik hurrengo hilaren 20ra bitartean, edo egun hori jaieguna bada, hurrengo egun baliodunera arte.
Ebazpen honen aurka gora jotzeko errekurtsoa aurkezteko dagoen hilabeteko epea beranduago amaitzen bada orokorrean ezarritako epea baino, errekurtsoa jartzeko epea amaitu eta hurrengo egun baliodunean amaituko da ordaintzeko epea, betiere, errekurtsoa aurkezten ez bada; hori guztia, Euskal Autonomia Erkidegoko Ogasunaren Dirubilketa Araudia onartzen duen abuztuaren 31ko 212/1998 Dekretuaren 44. artikuluaren 1., 3. eta 4. apartatuetan dioenaren arabera egingo da.
Ordaintzerakoan, Bar Restaurante Aldaiko SL izena eta espediente-zenbakia (SAN-01A001-65-2018) zein diren adierazi beharko da, eta ordainketa Kontsumobide-Kontsumoko Euskal Institutuari dagokiola; BBVAren (Banco Bilbao Vizcaya Argentaria) kontu honetan egingo da ordainketa: 0182 5685 07 0000226271, Euskal Autonomia Erkidegoko Diruzaintza Nagusiaren kontu nagusia.
Horren berri ematen da, eranskinean adierazitako interesduna jakitun izan dadin eta jakinarazpentzat har dezan.
Jakinarazpen honek Estatuko Aldizkari Ofizialean argitaratu eta biharamunetik aurrera izango ditu ondorioak.
Vitoria-Gasteiz, 2019ko apirilaren 23a.
Kontsumobide-Kontsumoko Euskal Institutuaren zuzendaria,
NORA ABETE GARCÍA.
