Euskal Herriko Agintaritzaren Aldizkaria

75. zk., 2019ko apirilaren 17a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

SEGURTASUN SAILA

1950

EBAZPENA, 2019ko apirilaren 9koa, Segurtasun Saileko Administrazio eta Zerbitzuen sailburuordearena, zeinaren bidez iragartzen baita zein egunetan jarri den Polizia eta Larrialdietako Euskal Akademiako iragarki-oholean 2019ko apirilaren 9ko Ebazpena, Ertzaintzako Ikuskapen Eskalako Herritarren Segurtasuneko Ofizialondoko Kategoriarekin karrerako funtzionarioak izendatzeari buruzkoa.

Polizia eta Larrialdietako Euskal Akademiako zuzendariaren 2008ko otsailaren 11ko Ebazpenaren bidez, Ertzaintzako Ikuskapen Eskalako Herritarren Segurtasuneko Ofizialondoko Kategorian sartzeko hautaketa-prozedurarako deialdia egin zen (EHAA, 47. zk., martxoaren 6koa), eta ebazpen horren hamaseigarren oinarrian ezarritakoarekin bat etorriz eta apirilaren 11ko 83/2017 Dekretuak (60/2019 Dekretuaren bidez aldatua) ematen dizkidan eskumenak direla bide, honako hau

EBAZTEN DUT:

Lehenengoa.– Jakinaraztea 2019ko apirilaren 9an Polizia eta Larrialdietako Euskal Akademiako iragarki-oholean jarri dela 2019ko apirilaren 9ko Ebazpena, Ertzaintzako Ikuskapen Eskalako Herritarren Segurtasuneko Ofizialondoko Kategoriarekin karrerako funtzionarioak izendatzeari buruzkoa.

Bigarrena.– Ebazpen honek ez dio amaiera ematen administrazio-bideari, eta interesdunek haren kontra gora jotzeko errekurtsoa aurkez diezaiokete Segurtasuneko sailburuari, hilabeteko epean, ebazpena Euskal Herriko Agintaritzaren Aldizkarian argitaratzen den egunetik aurrera.

Vitoria-Gasteiz, 2019ko apirilaren 9a.

Administrazio eta Zerbitzuen sailburuordea,

ANA AGUIRRE ZURUTUZA.

Azterketa dokumentala