Euskal Herriko Agintaritzaren Aldizkaria

59. zk., 2019ko martxoaren 26a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

1546

EDIKTUA, ezkontzaz kanpoko seme-alabentzako neurrietarako 83/2018 prozeduraren ondoriozkoa.

Donostiako Lehen Auzialdiko 6 zenbakiko Epaitegia, Zuzeneko Laguntza Zibila emateko Unitate Prozesala.

Judizioa: 83/2018 ezkontzaz kanpoko seme-alabentzako neurriak.

Demandatzailea: Esther Pérez Marina.

Abokatua: Miren Kistiñe Lujambio Galdeano.

Prokuradorea: Ainhoa Kintana Martinez.

Demandatua: Daniel Ioanitescu.

Gaia: ezkontzaz kanpoko seme-alabentzako neurriak.

Judizio horretan, epaia eman da 2018-10-29an. Hona hemen epaitza:

EPAITZA

Baiesten dut gurasoen eta seme-alaben arteko harremanak arautzeari buruz Kintana Martinez prokuradoreak Esther Pérez Marinaren izenean eta hura ordezkatuz jarri duen demanda, Daniel Ioanitescuren aurkakoa, zeina prozesuan auzi-iheslari deklaratu baita; Fiskaltzak ere parte hartu du. Horrenbestez, neurri hauek erabakitzen dira:

1.– Guraso-ahala: bi gurasoena izango da XXXXX adingabearen gaineko guraso-ahalaren titulartasuna.

2.– Zaintza eta jagoletza: Esther Pérez Marina amari esleitzen zaizkio zaintza eta jagoletza; adingabea berarekin bizi da.

3.– Bisita erregimena: ez da bisita erregimenik ezartzen, ez baitakigu aita non dagoen eta adingabearekin ez baitu inongo harremanik izan azken aldian. Aita agertzen bada, bisitak adostu ahal izango ditu amarekin edo bere semearekin egoteko eskaera aurkeztu ahal izango du Epaitegian, adingabeari onura badakarkio, betiere.

4.– Mantenu-pentsioa: Daniel Ioanitescuk, semearen mantenurako, 200 euro ordaindu beharko ditu hilean, haren egoera ekonomikoa ezagutzen ez den artean; haren egoera ekonomikoak hobera egiten badu edo lanbide arteko gutxieneko soldatatik gorako sarrerak baditu, aldiz, hilean 300 euroko mantenu-pentsioa ordaindu beharko du. Hori dena epaiaren betearazpenean zehaztuko da.

Zenbateko hori hilabete bakoitzeko lehenengo bost egunetan ordaindu beharko du, amak adierazitako erakunde eta banku-kontuan, eta ordaindutako kopurua urtero eguneratuko da, kontsumoko prezioen indizeak estatu-mailan izandako portzentaje-aldaketen arabera, Estatistikako Institutu Nazionalak edo hori ordezkatzen duen erakundeak horretarako eginiko ziurtagiria oinarri hartuta.

Aitak mantenu-pentsio hori ordaintzen jarraitu beharko du adingabea adinez nagusi egiten denean ere, baldin eta semea amarekin bizi bada eta ez bada bere burua mantentzeko aski independentea ekonomikoki, jurisprudentziak ezarritako orientabidezko irizpideen arabera, betiere.

5.– Komunikazio-erregimena: aita, agertzen bada, adingabearekin komunikatu ahal izango da edozein bide erabilita, hala nola, telefonoa, ohiko posta edo posta elektronikoa, etab. Dena den, eskubide horrek ez da inolaz ere ekarriko eskubide horren abusua edo gehiegizko erabilera.

6.– Aparteko gastuak: gerta litezkeen beharrezko aparteko gastuak, guraso biek ordaindu beharko dituzte, erdibana.

Ebazpen hau betearazteko aldian, zordunak egin beharreko ekarpenak egiten ez baditu, komeni diren berme eta kautelazko neurriak hartuko dira, ebazpenak eragina izan dezan (Kode Zibilaren 103.3 artikulua).

Ez da berariaz kosturik ezartzen.

Eta epai honen bidez erabaki, agindu eta sinatzen dut.

Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banco Santanderren duen gordailu eta kontsignazio kontuan. Kontuaren zenbakia hauxe da: 189200000500831. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. apartatuan aipatzen direnak eta doako laguntza juridikorako eskubidea aitortua dutenak.

Daniel Ioanitescu demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, demandatu auzi-iheslariak berrikuspen-errekurtsoa aurkez dezake.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Donostia, 2019ko urtarrilaren 30a.

JUSTIZIA ADMINISTRAZIOAREN LETRADUA.

Azterketa dokumentala