Euskal Herriko Agintaritzaren Aldizkaria

59. zk., 2019ko martxoaren 26a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

1545

EDIKTUA, gurasoen eta seme-alaben arteko neurriei buruzko 1409/2017 prozeduraren ondoriozkoa.

Donostiako Lehen Auzialdiko 6 zenbakiko Epaitegia, Zuzeneko Laguntza Zibila emateko Unitate Prozesala.

Judizioa: 1409/2017 gurasoen eta seme-alaben arteko neurriak.

Demandatzailea: Lourdes Suyapa Murillo Hernandez.

Abokatua.

Prokuradorea: Uxue Gerriko Apalategi.

Demandatua: Juan Carlos Martinez Juarez.

Gaia. gurasoen eta seme-alaben arteko harremanak arautzea.

Judizio horretan, epaia eman da 2018-07-09an. Hona hemen epaitza:

EPAITZA

Baiesten dut gurasoen eta seme-alaben arteko harremanak arautzeari buruz Gerriko Apaletegi prokuradoreak Lourdes Suyapa Murillo Hernandezen izenean eta hura ordezkatuz jarri duen demanda, Juan Carlos Martinez Juarezen aurkakoa, zeina prozesuan auzi-iheslari deklaratu baita; Fiskaltzak ere parte hartu du. Horrenbestez, neurri hauek erabaki dira XXXXX eta XXXXX adingabeei dagokienez:

1.– Guraso-ahala: guraso-ahalaren titulartasuna biena bada ere, esklusiboki amari ematen zaio hartaz baliatzeko eskubidea, eta, aitari dagokionez, eten egiten da eskubide horretaz baliatzeko aukera.

2.– Zaintza eta jagoletza: zaintza eta jagoletza Lourdes Suyapa Murillo Hernandez amari esleitzen zaizkio; adingabeak berarekin bizi dira.

3.– Bisita-araubidea: erabaki da bisita-araubiderik ez ezartzea ofizioz, aitak ez baitu inongo harremanik seme-alabekin. Aurrerantzean, eurekin harremanetan jartzeko interesik agertzen badu, haiekin egoteko bisita-araubidea eskatu ahalko du.

4.– Lourdes Suyapa Murillo Hernandezi baimena ematen zaio, guraso-ahala erabiltzeko baimena duen bakarra denez, adingabeen ordezkari izateko eta egin beharreko gestioak egiteko haien izenean, esaterako: administrazioaren aurrean, osasun-gaietan, eskolakoetan eta abar.

5.– Mantenu-pentsioa: Juan Carlos Martinez Juarezek hilean 150 euro ordainduko ditu seme-alaba bakoitzeko, mantenu-pentsio gisa, harik eta seme-alaba adingabeak adinez nagusi izatera iritsi edo ekonomikoki independente izaten diren arte. Kopuru hori hilabete bakoitzeko lehenengo bost egunetan ordaindu beharko du, amak adierazitako erakunde eta banku-kontuan.

6.– Ezohiko gastuak: ezohiko gastuak guraso biek ordainduko dituzte, erdibana.

Mantenu-pentsio gisa ordaindutako kopurua urtero eguneratuko da, kontsumoko prezioen indizeak estatu-mailan izandako portzentaje-aldaketen arabera, Estatistikako Institutu Nazionalak edo hori ordezkatzen duen erakundeak horretarako eginiko ziurtagiria oinarri hartuta.

Ebazpen hau betearazteko aldian, zordunak egin beharreko ekarpenak egiten ez baditu, komeni diren berme eta kautelazko neurriak hartuko dira, ebazpenak eragina izan dezan (Kode Zibilaren 103.3 artikulua).

Ez da berariaz kosturik ezartzen.

Eta epai honen bidez erabaki, agindu eta sinatzen dut.

Juan Carlos Martinez Juarez demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, berrikuspen-errekurtsoa aurkez dezake demandatuak, zeina auzi-ihesean baita.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Donostia, 2019ko urtarrilaren 28a.

JUSTIZIA ADMINISTRAZIOAREN LETRADUA.

Azterketa dokumentala