RSS
44. zk., 2019ko martxoaren 4a, astelehena
- Bestelako formatuak:
- PDF (215 KB - 4 orri.)
- EPUB (267 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIAREN GARAPEN ETA AZPIEGITURA SAILA
1159
EBAZPENA, 2019ko otsailaren 12koa, Nekazaritzako, Arrantzako eta Elikagai Politikako sailburuordearena, Arrantza eta Akuikulturako zuzendariarena eta Elikagaien Kalitate eta Industriako zuzendariarena, zeinarekin argitara ematen baitira 2018ko ekitaldian emandako dirulaguntzen onuradunen zerrendak, EAEko nekazaritza, arrantza eta elikaduraren sektoreetako enpresa- eta lanbide-elkarte zein federazioentzako laguntzak emateko erregimena arautzen duen azaroaren 15eko 233/2011 Dekretuan ezarritako markoaren barruan («Elkarteak» Programa).
Azaroaren 15eko 233/2011 Dekretuak («Elkarteak» Programa) honako helburu hau du: EAEko nekazaritza, arrantza eta elikaduraren sektoreetako enpresa- eta lanbide-elkarte zein federazioentzako laguntzak emateko erregimena arautzea.
Azaroaren 15eko 233/2011 Dekretuko («Elkarteak» Programa) 9. artikuluko 4. paragrafoan honako hau aurreikusten da: aurreikusitako laguntzen gaineko ebazpena banan-banan jakinaraztea eragotzi gabe, dagokion arloko zuzendariaren ebazpen bidez EHAAn argitaratuko dira dekretu honen babesean emandako dirulaguntzak eta onuradunak.
Ekonomiaren Garapen eta Azpiegituretako sailburuaren 2018ko ekainaren 27ko Aginduaren bitartez iragarri zen EAEko nekazaritza, arrantza eta elikaduraren sektoreetako enpresa- eta lanbide-elkarte zein federazioentzako laguntzak 2018an emateko deialdia, azaroaren 15eko 233/2011 Dekretuaren («Elkarteak» Programa) markoaren barruan.
Euskal Autonomia Erkidegoko Foru Ogasunaren Antolarauen Legearen testu bategina onartzen duen azaroaren 11ko 1/1997 Legegintzako Dekretuaren 49. artikuluan honako hau ezartzen da: dirulaguntzen onuradunak argitara emateko obligazioa.
Ondorioz, honako hau
EBAZTEN DUGU:
Ekonomiaren Garapen eta Azpiegituretako sailburuaren 2018ko ekainaren 27ko Aginduan oinarriturik, 2018ko ekitaldian zehar emandako dirulaguntzen onuradunen zerrenda argitara ematea, jende oro jakinaren gainean izan dadin. 2018ko ekainaren 27ko agindu horren bitartez iragarri zen 2018an EAEko nekazaritza, arrantza eta elikaduraren sektoreetako enpresa- eta lanbide-elkarte zein federazioentzako laguntzak emateko deialdia, azaroaren 15eko 233/2011 Dekretuaren («Elkarteak» Programa) markoaren barruan. Aipatutako zerrenda ebazpen honetako eranskinean jasotzen da.
Vitoria-Gasteiz, 2019ko otsailaren 12a.
Nekazaritza eta Abeltzaintzako zuzendaria ez dagoenez, Ekonomiaren Garapen eta Azpiegitura Sailaren egitura organikoa eta funtzionala ezartzen duen apirilaren 11ko 74/2017 Dekretuaren lehenengo xedapen gehigarriaren arabera.
Nekazaritzako, Arrantzako eta Elikagai Politikako sailburuordea,
BITTOR OROZ IZAGIRRE.
Arrantza eta Akuikulturako zuzendaria,
LEANDRO AZCUE MUGICA.
Elikagaien Kalitate eta Industriako zuzendaria,
PELI MANTEROLA ARTETA.