Euskal Herriko Agintaritzaren Aldizkaria

29. zk., 2019ko otsailaren 11, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIKO ZUZENEKO LAGUNTZA EMATEKO UNITATE PROZESALA

722

EDIKTUA, ezkontzaz kanpoko seme-alabentzako neurrietarako 941/2017 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia) – Zibileko ZULUP.

Judizioa: 941/2017 ezkontzaz kanpoko seme-alabentzako neurriak.

Demandatzailea: Nicoleta Corocaescu.

Abokatua.

Prokuradorea: Maria Felicidad Llama Diaz de Cerio.

Demandatua: Ionel Coracaescu.

Gaia: ezkontzaz kanpoko seme-alabentzako neurriak.

Judizio horretan, epaia eman da 2019-01-30ean. Hona hemen epaitza:

EPAITZA

Partez baiesten dut Felicidad Llama Díaz de Cerio prokuradoreak Nicoleta Agrapineiren izenean eta hura ordezkatuz aurkeztutako demanda, Ionel Coracaescuren aurkakoa. Horrenbestez, behin betiko neurri hauek hartzea erabakitzen dut:

1.– Amari esleitzen zaio bien seme-alaba adingabeen zaintza eta jagoletza.

2.– Amari esleitzen zaio guraso-ahala modu esklusiboan erabiltzeko eskubidea.

3.– Zaintza ez duen gurasoak bien seme-alaben aldeko mantenu-pentsio bat ordaindu beharko du, hileko 600 eurokoa (300 euro seme-alaba bakoitzeko). Zenbateko hori urtero urtarrilaren 1ean eguneratuko da, kontsumoko prezioen indizearen arabera; demanda aurkezten den unetik hasi beharko da ordainketa egiten.

4.– Adingabeak aitarekin egon ahal izango dira, baldin eta hala nahi badute.

Auzialdi honetan sortutako prozesu-kostuei dagokienez, ez da erabakirik hartu.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen gordailu eta kontsignazio kontuan. Kontuaren zenbakia hauxe da:4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Ionel Coracaescu demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baita.

Interesdunak eskuragarri dauka jakinarazten den ebazpenaren testu osoa, auzitegi honetako bulego judizialean.

Barakaldo (Bizkaia), 2019ko urtarrilaren 30a.

JUSTIZIA ADMINISTRAZIOAREN LETRADUA.

Azterketa dokumentala