RSS
21. zk., 2019ko urtarrilaren 30a, asteazkena
- Bestelako formatuak:
- PDF (208 KB - 2 orri.)
- EPUB (217 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
ENPLEGUKO ETA GIZARTE POLITIKETAKO SAILA
507
IRAGARKIA, 2019ko urtarrilaren 2koa, Lanbide-Euskal Enplegu Zerbitzuko zuzendari nagusiarena, zeinaren bidez jakinarazten baitira itzulketa-prozeduren hasierako zenbait erabaki (Ekintzaileei bultzatzeko 2017ko deialdia).
Lanbide-Euskal Enplegu Zerbitzuko zuzendari nagusiak itzulketa-prozeduren hasierako zenbait erabaki eman ditu, Ekintzaileei bultzatzeko laguntzen deialdiaren 28. artikuluarekin bat etorriz; deialdi hura Lanbide-Euskal Enplegu Zerbitzuko Administrazio Kontseiluaren Erabaki baten bidez onetsi zen, eta erabaki hura 2017ko uztailaren 26ko bilkuran hartu zuten (2017ko uztailaren 28ko EHAA).
Ezinezkoa izan da aipatutako hasierako erabakiak banan-banan jakinaraztea, eta, horregatik, iragarki hau argitaratzen da, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan xedatua betetzeko.
Interesdunek 15 egun baliodun dituzte, iragarki hau Estatuko Aldizkari Ofizialean argitaratu eta hurrengo egunetik hasita, eskubidez komeni zaiena alega dezaten. Horretarako, Lanbide-Euskal Enplegu Zerbitzuko Lanbidea Aktibatzeko Zuzendaritzara jo beharko dute (Jose Atxotegi kalea 1, 01009 Vitoria-Gasteiz). Bestela, zuzenean alega dezakete edo Administrazio Publikoen Administrazio Prozedura Erkidearen urriaren 1eko 39/2015 Legearen 16. artikuluan aurreikusitako bideren bat erabilita. Halakorik egiten ez badute, ebazpen bidez bukaera emango zaio prozedurari, eta ebazpenak xedatzen badu ez-betetze bat gertatu dela, jasotako diru-zenbatekoak itzultzeko agindua eman dezake.
Xede horrekin, jakitera ematen da eskuragarri dagoela prozedura horien hasierako erabakien testu osoa, Lanbideren Zerbitzu Zentraletan (José Atxotegi kalea 1, 01009 Vitoria-Gasteiz).
Horren berri ematen da, eranskinean adierazitako interesdunak jakitun egon daitezen, eta jakinarazpentzat har dezaten.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2019ko urtarrilaren 2a.
Lanbide-Euskal Enplegu Zerbitzuko zuzendari nagusia,
JUAN JOSE BORJA BELANDIA FRADEJAS.