Euskal Herriko Agintaritzaren Aldizkaria

10. zk., 2019ko urtarrilaren 15a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GARAPENERAKO LANKIDETZAREN EUSKAL AGENTZIA

209

EBAZPENA, 2019ko urtarrilaren 7koa, Garapenerako Lankidetzaren Euskal Agentziako zuzendariarena. Honen bidez, jendaurrean jartzen da ekintza humanitarioko esku-hartzeetarako laguntzak erregulatzen dituen dekretu-proiektua.

Ekintza humanitarioko esku-hartzeetarako laguntzak erregulatzen dituen dekretu-proiektua egin du Garapenerako Lankidetzaren Euskal Agentziak, zeina Xedapen Orokorrak Egiteko Prozedurari buruzko abenduaren 22ko 8/2003 Legean zehazten den moduan izapidetu behar den.

Horri begira, legezko erregulazioa betez, lehendakariak 18/2018 Dekretua idatzi zuen 2018ko abenduaren 12an. Horrekin, ekintza humanitarioko esku-hartzeetarako laguntzak erregulatzen dituen dekretu-proiektua egiteko eta izapidetzeko prozedura hasi zen. Ondoren, testu artikulatua idatzi ondoren, abenduaren 14ko 20/2018 Dekretua idatzi zuen, arauzko proiektua aurretiaz onartzekoa.

8/2003 Legearen 8.1 artikuluan jasotzen denaren arabera, herritarren bidezko eskubideei eta interesei eragiten dieten xedapen orokorrak jendaurrean jarriko dira, baita, duten izaera dela-eta, tratamendu bera merezi duten xedapenak ere.

Horregatik guztiarengatik, eta ekainaren 19ko 5/2008 Legeak (Garapenerako Lankidetzaren Euskal Agentzia sortu eta arautzekoak) 11. artikuluan ezarritakoarekin bat etorriz, honako hau

EBAZTEN DUT:

Lehenengoa.– Ekintza humanitarioko esku-hartzeetarako laguntzak erregulatzen dituen dekretu-proiektua jendaurrean jartzea, hogei egun balioduneko epean, ebazpen hau Euskal Herriko Agintaritzaren Aldizkarian argitaratu eta hurrengo egunetik zenbatzen hasita.

Bigarrena.– Proiektuaren edukia Garapenerako Lankidetzaren Euskal Agentzian (Nafarroa kalea 2, Vitoria-Gasteiz) eta Garapenerako Lankidetzaren Euskal Agentziaren atarian (www.elankidetza.euskadi.eus) egongo da eskuragarri.

Hirugarrena.– Garapenerako Lankidetzaren Euskal Agentzian aurkez daitezke alegazioak, edo, bestela, Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluak zehazten dituen tokietan, hartzailea Garapenerako Lankidetzaren Euskal Agentzia dela adierazita.

Vitoria-Gasteiz, 2019ko urtarrilaren 7a.

Garapenerako Lankidetzaren Euskal Agentziako zuzendaria,

PAUL ORTEGA ETCHEVERRY.

Azterketa dokumentala