Euskal Herriko Agintaritzaren Aldizkaria

1. zk., 2019ko urtarrilaren 2a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

11

EDIKTUA, ezkontzaz kanpoko seme-alabentzako neurrietarako 197/2018 prozeduraren ondoriozkoa.

JAKINARAZPEN-ZEDULA

Barakaldoko Lehen Auzialdiko 5 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 197/2018 prozedura bideratu da, Rose Ikponmwosak eskatuta, Francis Ikponmwosaren aurka. Prozedura horren gainean epaia eman da. Hona hemen idazpurua eta epaitza, kopiatuta:

EPAITZA

Partez baiesten dut Aitor Suarez Fernández epaitegietako prokuradoreak Rose Ikponmwosaren izenean eta hura ordezkatuz aurkeztutako demanda, alaba adingabearentzako neurri pertsonalak eta mantenu-neurriak hartzeko eskatzeko dena, auzi-ihesean den Francis Ikponmwosaren aurkakoa; eta Bizkaiko Probintzia Fiskaltza parte delarik, 2008ko abenduaren 18an jaiotako XXXXX adingabekoari dagokionez honako neurri pertsonal eta mantenu-neurri hauek hartzen ditut:

1.– XXXXXren zaintza eta jagoletza Rose Ikponmwosa amari ematen zaizkio, bai eta guraso-ahala esklusiboki baliatzea ere.

2.- Ez da bisita- eta komunikazio-erregimenik ezarriko, Francis Ikponmwosa aitaren eta XXXXX adingabearen artean.

3.- XXXXX alabaren mantenu-pentsio gisa, Francis Ikponmwosak edozein kontzepturengatik jasotzen dituen diru-sarrera garbien ehuneko hogei ordainduko du hilero. Zenbateko hori, gutxienez, ehun eta berrogeita hamar (150) eurokoa izango da hilero, bizirauteko gutxieneko diru-kopuru gisa. Zenbateko hori hilabete bakoitzeko lehen bost eguen barruan eta jagoletza duen gurasoan izendatutako banku-kontuan ordaindu beharko da; eta hileko gutxieneko zenbatekoa, bestalde, urtero eguneratu beharko da, betiere Estatistikako Institutu Nazionalak edo ordezko erakunde batek argitaratutako KPIk duen aldakuntzarekin bat etorriaz.

4.– Bien alabak izaten dituen aparteko gastuak bi gurasoek ordainduko dituzte, erdibana, epai honen zuzenbideko bigarren oinarrian aparteko gastuei buruz ezarritakoa aintzat hartuta.

Ez dagokio kostuei buruzko erabakirik hartzea.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen gordailu eta kontsignazio kontuan. Kontuaren zenbakia hauxe da: 4795. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Francis Ikponmwosa demandatuari behar bezala jakinarazteko balio dezan egin eta sinatzen dut hau, Barakaldon (Bizkaia), bi mila eta hamazortziko abenduaren hamalauan.

JUSTIZIA ADMINISTRAZIOAREN LETRADUA.

Azterketa dokumentala