Euskal Herriko Agintaritzaren Aldizkaria

211. zk., 2018ko azaroaren 2a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO MERKATARITZA ARLOKO 1 ZENBAKIKO ZUZENEKO LAGUNTZA EMATEKO UNITATE PROZESALA

5411

EDIKTUA, diru-zenbateko bat erreklamatzeko bideratutako 347/2017 hitzezko judizioaren ondoriozkoa.

Vitoria-Gasteizko Merkataritza arloko 1 zenbakiko Epaitegiko Merkataritzako ZULUPa.

Judizioa: 347/2017 hitzezko judizioa.

Demandatzailea: AIE –Artistas Intérpretes o Ejecutantes Sociedad de Gestión de España–, SGAE –Egile eta Editoreen Elkartea–, eta AGEDI –Asociacion de Gestión de Derechos Intelectuales–.

Abokatua.

Prokuradorea: Carlos Jose Elorza Arizmendi, Carlos Jose Elorza Arizmendi eta Carlos Jose Elorza Arizmendi.

Demandatua: Daniel Sanchez Jimenez eta Bar La Concordia taberna.

Gaia: diru-zenbateko bat erreklamatzea.

Judizio horretan, epaia eman da 2018-10-15ean. Hona hemen epaitza:

135/2018 EPAIA

Vitoria-Gasteiz, 2018ko urriaren 15a.

Nik, Vitoria-Gasteizko Merkataritza arloko 1 zenbakiko Epaitegiko epaile M.ª Teresa Trinidad Santos naizen honek, aztertu ditut jabetza intelektualaren gaineko hitzezko judizioaren 347/17 autoak. Judizio horren parte izan dira demandatzaile gisa SGAE –Egile eta Editoreen Elkartea–, AGEDI –Asociacion de Gestión de Derechos Intelectuales–, eta AIE –Artistas Intérpretes o Ejecutantes Sociedad de Gestión de España–, Carlos Elorza Arizmendi prokuradoreak ordezkatuta eta Diego Zaballos García abokatuak lagunduta, eta demandatu gisa Daniel Sánchez Jiménez auzi-iheslaria. Horiek horrela, epaia eman dut.

EPAITZA

Osorik baiesten dut SGAE –Egile eta Editoreen Elkartea–, AGEDI –Asociacion de Gestión de Derechos Intelectuales– eta AIE –Artistas Intérpretes o Ejecutantes Sociedad de Gestión de España– ordezkatzen dituen Carlos Elorza Arizmendi prokuradoreak formulatutako demanda, Daniel Sánchez Jiménez auzi-iheslariaren aurkakoa, eta horrenbestez,

Daniel Sánchez Jiménez kondenatzen dut honako hauek betetzera:

A) SGAE–Egile eta Editoreen Elkarteari kalte-ordaina ordaindu, Jabetza Intelektualaren Legearen testu bateginaren 140. artikuluan xedatutakoarekin bat, «La Concordia» establezimenduan baimenik gabe zenbait obra publikoki komunikatu eta erreproduzitzeagatik 2016ko urtarriletik 2017ko urrira bitartean, biak barne; kalte-ordaina 513,77 eurokoa izango da, gehituta 2017-10-30etik epai hau eman arteko legezko interesak, eta epaitik aurrera diru horren legezko interesak bi puntu gehituta guztiz ordaindu arte.

B) AIE eta AGEDI entitateei ordainsari ekitatibo eta bakarra ordaindu, demandatuak bere establezimendua girotzeko jarritako fonogramak publikoki komunikatzeagatik, eta, horretaz gain, AGEDIri erreproduzio-eskubidea hausteagatik 2016ko urtarriletik 2017ko urrira, biak barne, entitate horien tarifa orokorrekin bat; guztira, 195,95 euro izango dira, gehituta 2016-07-06tik epai hau eman arteko legezko interesak, eta epaitik aurrera diru horren legezko interesak bi puntu gehituta guztiz ordaindu arte.

Kostuak demandatuak ordaindu beharko ditu.

Ebazpen honen aurka ezin da errekurtsorik jarri (PZL, 455. artikulua).

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile magistratuak berak eman, irakurri eta argitaratu zuen. Eta nik, idazkari judiziala naizenez, horren guztiorren fede ematen dut Vitoria-Gasteizen, 2018ko urriaren 16an.

Daniel Sanchez Jimenez demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka demandatu auzi-iheslariak errekurtsoa aurkez dezake.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Vitoria-Gasteiz, 2018ko urriaren 16a.

JUSTIZIA ADMINISTRAZIOAREN LETRADUA.

Azterketa dokumentala