158. zk., 2018ko abuztuaren 17a, ostirala
- Bestelako formatuak:
- PDF (209 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
OSAKIDETZA-EUSKAL OSASUN ZERBITZUA
4273
2023/2018 EBAZPENA, apirilaren 30ekoa, Bilbao-Basurtuko ESIko zuzendari kudeatzailearena. Honen bidez, Ángel Rodríguez Sanchez jauna Osakidetza-Euskal osasun zerbitzuko Bilbao-Basurtuko ESIko atalburu sanitario izendatzen da aldi baterako, hau da, lau urteko eperako eta luzatzeko aukera izanik.
Bilbao-Basurtuko ESIko zuzendari kudeatzailearen azaroaren 16ko 2390/2017 Ebazpenaren bitartez, deialdia egin zen Osakidetza-Euskal osasun zerbitzuko Bilbao-Basurtuko ESIko Onkologia Erradioterapikoko (Zehaztasun handiko erradioterapia / esteotaxikoa, garezurrekoa eta garezurretik kanpokoa) atal medikoaren buruaren lanpostua lehiaketa bidez betetzeko.
Balorazio-batzordeak kalifikazio-proposamena egin du aurkeztutako eskatzailearen proiektuari eta haren defentsari, merituei eta euskara-ezagutzari dagokienez; eta, horren ondorioz, izendapen-proposamena egin. Horiek horrela, Angel Rodriguez Sanchez jaunak dituen ezagutza akademiko eta profesionalak kontuan hartuta, erabaki da pertsona hori bera izendatzea Osakidetza-Euskal osasun zerbitzuko Bilbao-Basurtuko ESIko Onkologia Erradioterapikoko (Zehaztasun handiko erradioterapia / esteotaxikoa, garezurrekoa eta garezurretik kanpokoa) atalburu sanitario.
Bat etorririk Euskadiko Antolamendu Sanitarioari buruzko ekainaren 26ko 8/1997 Legearen 28. artikuluko hirugarren arau komunean, Osakidetzaren lanpostu funtzionalak arautzen dituen uztailaren 19ko 186/2005 Dekretuan eta azaroaren 11ko 255/1997 Dekretuan ezartzen denarekin,
EBAZTEN DUT:
Lehenengoa.– Angel Rodriguez Sanchez jauna Osakidetza-Euskal osasun zerbitzuko Bilbao-Basurtuko ESIko atalburu sanitario izendatzea aldi baterako.
Bigarrena.– Aldi baterako izendapen honek lau urteko indarraldia izango du, luzatzeko aukerarekin, Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean xedatutakoarekin bat etorriz; eta 2018ko maiatzaren 1etik aurrera izango ditu ondorioak.
Hirugarrena.– Izendatutako pertsonak, aipatutako epea amaitutakoan, lanpostua utziko du, egoera horren luzapena onartu ezik, betiere Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean ezarritakoaren arabera.
Laugarrena.– Izendapenaren indarraldia amaitu aurretik ere kargutik kendu ahal izango da, aldez aurretik kontrako espedienterik izanez gero, eta ekainaren 26ko 8/1997 Legearen 28. artikuluaren 6. atalean aurreikusitako lekualdatze-kausak direla medio.
Bosgarrena.– Ebazpen hau interesdunari eta Bilbao-Basurtuko ESIko Zuzendaritza Medikoari eta Pertsonaleko Zuzendaritzari jakinaraztea.
Seigarrena.– Ebazpen honen aurka, gora jotzeko errekurtsoa aurkez dakioke Osakidetza-Euskal osasun zerbitzuko zuzendari nagusiari, hilabeteko epean, EHAAn argitaratu eta hurrengo egunetik hasita.
Bilbao, 2018ko apirilaren 30a.
Bilbao-Basurtuko ESIko zuzendari kudeatzailea,
EDUARDO MARÍA MAIZ OLAZABALAGA.