Euskal Herriko Agintaritzaren Aldizkaria

157. zk., 2018ko abuztuaren 16a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

AZPEITIKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

4254

EDIKTUA, ezkontzaz kanpoko seme-alabentzako neurrietarako 333/2017 prozeduraren ondoriozkoa.

JAKINARAZPEN-ZEDULA

Azpeitiko (Gipuzkoa) Lehen Auzialdiko 1 zenbakiko Epaitegian, ezkontzaz kanpoko seme-alabentzako neurriei buruzko 333/2017 prozedura bideratu da, Hakima El Khayyaty-k eskatuta, El Yamani Dribed-en aurka. Prozedura horren gainean, epaia eman da. Hona hemen idazpurua eta epaitza:

75/2018 EPAIA

Epailea: Maria Laguna Muro.

Lekua: Azpeitia (Gipuzkoa).

Eguna: bi mila eta hamazortziko ekainaren hogeita zazpia.

Alderdi demandatzailea: Hakima El Khayyaty.

Abokatua: Juan Arturo Hernandez Rodriguez.

Prokuradorea: Juan José González Belmonte.

Alderdi demandatua: El Yamani Dribed.

Abokatua.

Prokuradorea.

Judizioaren gaia: adostasunik gabeko demanda, guraso eta seme-alaben arteko harremanak arautzeko eskatzeko.

EPAITZA

Baietsi egiten dut guraso eta seme-alaben arteko harremanak arautzeko demanda, Hakima El Khayyaty-k jarritakoa El Yamani Dribed-en aurka. Horrenbestez, behin betiko neurri eta ondorio hauek erabaki dira:

1.– Hakima El Khayyaty amari esleitzen zaizkio XXXXX(e)(a)n jaiotako XXXXX alaba adingabe komunaren zaintza eta jagoletza.

2.– Alaba adingabe komunaren gaineko guraso-ahala ere amari esleitzen zaio.

3.– Ez da ezartzen aitaren eta alaba adigabearen arteko bisita-erregimenik.

4.– Aitak hilero 150 euroko kopurua ordaindu beharko dio amari, alaba adingabearen mantenu-pentsio gisa, eta ordainketa hilaren lehen bost egunetan egin beharko du, amak zehazten duen kontu-korrontean. Kopuru hori KPIaren aldaketen arabera eguneratuko da.

5.– Alaba adingabearen aparteko gastuak erdibana ordainduko dituzte guraso biek.

Alderdi bakoitzak berak eragindako kostuak ordaindu beharko ditu, eta komunak, erdi bana.

Jakinaraz bekie ebazpen hau alderdiei eta Fiskaltzari. Horrez gain, ohartarazi behar zaie ezen, ebazpen horren aurka apelazio-errekurtsoa jar daitekeela epaitegi honetan, hogei eguneko epean, ebazpen hau jakinarazi eta hurrengo egunetik aurrera, Prozedura Zibilaren Legearen 458. artikuluak eta hurrengoek xedatzen dutenaren arabera. Errekurtso hori Gipuzkoako Probintzia Auzitegiak ebatziko du.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, Justizia Administrazioaren letradua naizenez, horren guztiaren fede ematen dut, Azpeitian (Gipuzkoa), bi mila eta hamazortziko ekainaren hogeita zazpian.

Eta El Yamani Dribed demandatuari behar bezalako jakinarazpena egiteko balio dezan ematen eta sinatzen dut honako hau, Azpeitian (Gipuzkoa), bi mila eta hamazortziko uztailaren hiruan.

JUSTIZIA ADMINISTRAZIOAREN LETRADUA.

Azterketa dokumentala