RSS
150. zk., 2018ko abuztuaren 6a, astelehena
- Bestelako formatuak:
- PDF (224 KB - 2 orri.)
- EPUB (192 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DURANGOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA
4101
EDIKTUA, ezkontzaz kanpoko seme-alabentzako neurrietarako 80/2017 prozeduraren ondoriozkoa.
JAKINARAZPEN-ZEDULA
Epaia eman da ezkontzaz kanpoko seme-alabentzako neurriei buruzko 80/2017 prozeduran, zeina Durangoko Lehen Auzialdiko 2 zenbakiko Epaitegian (Bizkaia) bideratu baita Gricelda De Jesus Corona Betances-ek eskatuta Rosendo Duarte Ureñaren aurka. Hona hemen idazpurua eta epaitza, kopiatuta:
Epailea: Julio Luis Gallego Martinez jn.
Lekua: Durango (Bizkaia).
Eguna: bi mila eta hamazortziko ekainaren hamahirua.
Alderdi demandatzailea: G.J.C.B.
Abokatua: Sandra Arroyo Robledo.
Prokuradorea: Elena Astigarraga Albistegui.
Alderdi demandatua: Rosendo Duarte Ureña.
Abokatua.
Prokuradorea.
Judizioaren gaia: seme-alaba adingabeentzako mantenu-neurriak eta neurri pertsonalak.
Judizio horretan epaia eman da. Honela dio epaitzak:
EPAITZA
Osorik baiesten dut G.J.C.B. andrearen ordezkaritza prozesalak Rosendo Duarte Ureña jaunaren aurka aurkeztutako demanda, eta, beraz, honako hau deklaratzen dut:
1.– Amari ematea XXXXX eta XXXXX adingabeen gaineko zaintza eta jagoletza; guraso-ahala, berriz, guraso biek partekatuko dute.
2.– Rosendo Duarte Ureña jaunak 200 euroko mantenu-pentsioa ordaindu beharko du, bi aldeen seme-alaba bakoitzeko, demandatzaileak adierazitako kontuan, hileko lehen bost egunen barruan; zenbateko hori urtero eguneratu ahal izango da, urte bakoitzeko urtarrilaren batean, Estatistika Institutu Nazionalak urtero argitaratutako Kontsumoko Prezioen Indizeak dituen aldaketekin bat etorriz.
Horretaz gain, ezohiko gastuei dagokienez, halakotzat hartuko dira, ezohikoak izatearren, ohiko ekarpen gisa hartu behar ez direnak, hau da: gizarte-segurantzak edo dagokion mutuak estaltzen ez dituen gastu medikoak, edo, ez estaltzeaz gain, gastu handia dakartenak, tratamendu psikikoak, tresna zuzentzaileak (lentillak, betaurrekoak, ortodontzia,...) eta dagozkien ordainsari medikoak. Gastu horiek bi gurasoek ordainduko dituzte, erdibana; jagoletza duen gurasoak gastu horien beharra eta gastuaren zenbatekoa justifikatu beharko ditu, agiri bidez. Adostasunik ez badago, epailearen oniritzia eskatuko da.
Prozedura honetako kostuak ez zaizkio berariaz inori ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua)
Errekurtsoa jarri ahal izateko, 50 euroko gordailua eratu beharko da, eta, egin ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4762000000008017. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Eta Rosendo Duarte Ureña demandatuari behar bezalako jakinarazpena egiteko balio dezan, ematen eta sinatzen dut hau, Durangon (Bizkaia), bi mila eta hamazortziko ekainaren hamalauan.
JUSTIZIA ADMINISTRAZIOAREN LETRADUA.