145. zk., 2018ko uztailaren 30a, astelehena
- Bestelako formatuak:
- PDF (220 KB - 1 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
OSAKIDETZA-EUSKAL OSASUN ZERBITZUA
3871
1458/2018 EBAZPENA, maiatzaren 30ekoa, Arabako Erakunde Sanitario Integratuko zuzendari gerentearena. Honen bidez, aldi baterako izendatzen da José Regalado De los Cobos jauna Osakidetza-Euskal osasun zerbitzuko Arabako ESIko Etxeko Ospitalizaziorako zerbitzuburu, lau urteko eperako eta luzatzeko aukerarekin.
Arabako ESIko zuzendari gerentearen otsailaren 7ko 277/2017 Ebazpenaren bitartez, deialdia bat egin zen Osakidetza-Euskal osasun zerbitzuko Arabako ESIn Etxeko Ospitalizaziorako zerbitzuburuaren lanpostua lehiaketaren bidez betetzeko.
Epaimahai kalifikatzaileak hautagaiaren balorazioa egin du, eta izendapen-proposamena aurkeztu du. Horiek horrela, eta José Regalado De los Cobos jaunak dituen ezagutza akademiko eta profesionalak kontuan hartuta, zera erabaki da: pertsona hori izendatzea Osakidetza-Euskal osasun zerbitzuko Araba ESIko Etxeko Ospitalizaziorako zerbitzuburu.
Bat etorriz Euskadiko Antolamendu Sanitarioari buruzko ekainaren 26ko 8/1997 Legeko 28. artikuluko hirugarren arau komunean, Osakidetzaren lanpostu funtzionalak arautzen dituen uztailaren 19ko 186/2005 Dekretuan eta azaroaren 11ko 255/1997 Dekretuan ezartzen denarekin, zera
EBAZTEN DUT:
Lehenengoa.– José Regalado De los Cobos jauna izendatzea, aldi baterako, Osakidetza-Euskal osasun zerbitzuko Arabako ESIko Etxeko Ospitalizaziorako zerbitzuburu.
Bigarrena.– Aldi baterako izendapen honek lau urteko indarraldia izango du, luzatzeko aukerarekin, Euskadiko Antolamendu Sanitarioari buruzko ekainaren 26ko 8/1997 Legeko 28. artikuluaren hirugarren arau komunean xedatutakoarekin bat etorriz, eta data honetatik aurrera izango ditu ondorioak: 2018ko ekainaren 1a.
Hirugarrena.– Izendatutako pertsonak aipatutako epea amaitutakoan lanpostua utziko du, baldin eta ez bada luzapena onartzen, betiere Euskadiko Antolamendu Sanitarioari buruzko ekainaren 26ko 8/1997 Legeko 28. artikuluaren hirugarren arau komunean ezarritakoaren arabera.
Laugarrena.– Izendapenaren indarraldia amaitu aurretik ere kargutik kendu ahal izango dute, aldez aurretik kontrako espedientea dagoela, eta ekainaren 26ko 8/1997 Legeko 28. artikuluaren 6. apartatuan aurreikusitako lekualdatze-kausak direla medio.
Bosgarrena.– Ebazpen hau aditzera ematea interesdunei eta Osakidetza-Euskal osasun zerbitzuko Arabako ESIko Pertsonaleko Zuzendaritzari.
Seigarrena.– Ebazpen honen aurka, gora jotzeko errekurtsoa aurkeztu ahal izango zaio Osakidetza-Euskal osasun zerbitzuko zuzendari nagusiari. Horretarako, hilabeteko epea izango da, ebazpen honi dagokion iragarkia EHAAn argitaratu eta hurrengo egunetik aurrera.
Vitoria-Gasteiz, 2017ko maiatzaren 30a.
Araba ESIko zuzendari gerentea,
JESUS LARRAÑAGA GARITANO.