Euskal Herriko Agintaritzaren Aldizkaria

140. zk., 2018ko uztailaren 20a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

AZPEITIKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

3764

EDIKTUA, emandako abalaren atxikipenean datzan kautela-neurria hartzeari buruzko 272/2016 prozedura arruntaren ondoriozkoa.

JAKINARAZPEN-ZEDULA

Judizio arruntari dagokionez, Gerardo Perez Lomillok eta Rut Diaz Guemesek eskatuta, Azpeitiko Lehen Auzialdiko 2 zenbakiko Epaitegian Sagain Gestion SLren, Armendigain SLren eta Aia Lantzen SAren aurka bideratu den 272/2016 prozedura arruntean epaia eman da, zeinaren idazpurua eta epaitza honako hauek baitira:

55/2018 EPAIA

Epailea: Maria de Blas Piñeiro andrea.

Lekua: Azpeitia (Gipuzkoa).

Eguna: bi mila eta hamazortziko apirilaren hogeita hamarra.

Alderdi demandatzailea: Gerardo Perez Lomillo eta Rut Diaz Guemes.

Abokatua: Jose Joaquin Calafel Telleria eta Jose Joaquin Calafel Telleria.

Prokuradorea: Juan Jose Gonzalez Belmonte eta Juan Jose Gonzalez Belmonte.

Alderdi demandatua: Sagain Gestion, SL, Armendigain, SL eta Aia Lantzen, SA.

Abokatua.

Prokuradorea: Juan Ramon Alvarez Uria eta Concepcion Olaizola Bereciartua.

Judizioko gaia: emandako abalaren atxikipenean datzan kautela-neurria hartzea.

EPAITZA

Partez baiesten dut Rut Diaz Güemes Gutierrez eta Gerardo Perez Lomillo jaun-andreek Armendigain, SL, Sagain Gestion, SL eta Aia Lantzen SAren aurkakoa, demandatzaileak eta Armendigain, SL eta Aia Lantzen, SA ados jarri zirelako. Horregatik guztiagatik, honako hau deklaratzen dut:

Armendigain SLk 40.000 euro ordainduko dizkie Ruth Díaz Güemes eta Gerardo Perez Lomillo jaun-andreei.

Aia Lantzen SAk 10.000 euro ordainduko dizkie Ruth Díaz Güemes eta Gerardo Perez Lomillo jaun-andreei.

Alderdiek ez dituzte ordaindu beharko ez interesak, ez kostuak. Kautela-neurriaren ondoriozko kostuak barkatuta geratzen dira.

Armendigain, SL eta Aia Lantzen, SA demandatuak libre geratu dira erreparazio-beharrizanik, eta zortasuna behin betiko ezarriko da.

Sagain Gestion, SL, auzi-iheslaria bera, absolbituta geratzen da, prozesatu honetan haren kontra erabiltzen ari ziren uzietatik.

Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (1832 0000 04 0272 16). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOren 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.- Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Azpeitian (Gipuzkoa), bi mila eta hamazortziko apirilaren hogeita hamarrean.

Eta Sagain Gestion, SL demandatuari behar bezalako jakinarazpena egiteko balio dezan, ematen eta sinatzen dut hau, Azpeitian (Gipuzkoa), bi mila eta hamazortziko ekainaren lauan.

JUSTIZIA ADMINISTRAZIOAREN LETRADUA.

Azterketa dokumentala