Euskal Herriko Agintaritzaren Aldizkaria

132. zk., 2018ko uztailaren 10a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA

3580

EDIKTUA, errentamendu-kontratua suntsitzeari buruzko 36/2018 prozedura arruntaren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 2 zenbakiko Epaitegia.

Judizioa: 36/2018 prozedura arrunta.

Demandatzailea: Florencio Antonio Garcia Diez.

Abokatua: Monica Artiaga Herrero.

Prokuradorea: Azucena Rodríguez Rodríguez.

Demandatua: Serafin Calvo Hernandez jaunaren jaraunspen-erkidegoa.

Gaia.

Yolanda Mendia Rodriguezek, Justizia Administrazioaren letradua den aldetik, egiaztatzen du aipatutako judizio arruntean epaia eman dela 2018ko ekainaren 1ean. Hauek dira idazpurua eta xedapenak:

Nik, Francisco Javier Pablo Pablok, ikusi ditut 36/2018 judizio arruntaren autoak, heriotza dela-eta errentamendu-kontratu bat suntsitzeari buruz epaitegi honetan bideratutakoak, banaketa-txandaren arabera egokitu baitzitzaidan. Rodríguez prokuradoreak egin zuen eskaera, Florencio García González jaunaren izenean, Artiaga letraduak lagunduta, Serafín Calvo Hernández kausatzailearen jaraunspen-erkidegoaren aurka, auzi-iheslaria bera.

EPAITZA

Baietsi egiten dut heriotza dela-eta errentamendu-kontratu bat suntsitzeko judizio arrunteko demanda, epaitegi honetan bideratutakoa. Izan ere, banaketa-txandaren arabera egokitzen baita. Rodríguez prokuradoreak egin zuen eskaera, Florencio García González jaunaren izenean, Artiaga letraduak lagunduta, Serafín Calvo Hernández kausatzailearen jaraunspen-erkidegoaren aurka, auzi-iheslaria bera. Beraz,

Suntsitutzat jotzen dut Florencio García González jaunak eta Serafín Calvo Hernández jaunak 1963ko irailaren 1ean sinatutako errentamendu-kontratua, errentaria hil delako; kontratua Gasteizko Gorbeia kaleko 2ko 4.C-n dagoen etxebizitza bati buruzkoa da. Ondorioak 2016ko azaroaren 20tik aurrerakoak izango ditu eta demandatzaileak eskubidea izango du etxebizitzaz jabetzeko.

Kostuak demandatuari ezartzen zaizkio berariaz.

Alderdi demandatuaren (Serafín Calvo Hernándezen jaraunspen-erkidegoa) egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da.

Ebazpen horren aurka, apelazio-errekurtsoa aurkez dezake auzi-ihesean den demandatuak.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Vitoria-Gasteiz, 2018ko ekainaren 4a.

JUSTIZIA ADMINISTRAZIOAREN LETRADUA.

Azterketa dokumentala