Euskal Herriko Agintaritzaren Aldizkaria

129. zk., 2018ko uztailaren 5a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 3 ZENBAKIKO ZUZENEKO LAGUNTZA EMATEKO UNITATE PROZESALA

3509

EDIKTUA, ezkontzaz kanpoko seme-alabentzako neurrietarako 333/2016 prozeduraren ondoriozkoa.

Durangoko Lehen Auzialdiko eta Instrukzioko 3 zenbakiko Zuzeneko Laguntza emateko Unitate Prozesaleko Epaitegia.

Judizioa: 333/2016 ezkontzaz kanpoko seme-alabentzako neurriak.

Demandatzailea: Elizabeth Milagros Marquez Cebreco.

Abokatua: Maria Irache Uribezubia Oregui.

Prokuradorea: Virginia Tejada Fernandez.

Demandatua: Damian Hernandez Garcia.

Gaia: guraso eta seme-alaben arteko neurriak.

Judizio horretan, epaia eman da 2018-05-23an. Hona hemen idazpurua eta epaitza:

102/2018 EPAIA

Epailea: Javier Garcia Garcia.

Lekua: Durango (Bizkaia).

Eguna: bi mila eta hamazortziko maiatzaren hogeita hirua.

EPAITZA

Baiesten dut Tejada prokuradoreak Elizabeth Milagros Marquez Cebreco mandatugilearen izenean eta ordezkaritzan aurkeztutako demanda, Damian Hernández Garcíaren aurka, zeina auzi-ihesean baita; Fiskaltzak ere esku hartu du.

XEDATZEN DUT:

1.– XXXXX alaba adingabearen guraso-ahala aitak eta amak izango dute. Ez da bisita-araubiderik ezartzen adingabearen eta jagoletzarik ez duen gurasoaren artean.

2.– Alaba adingabearen jagoletza Elizabeth Milagros Marquez Cebreco amari esleitzea. Ez da bisita-araubiderik ezartzen adingabearen eta jagoletzarik ez duen gurasoaren artean.

3.– Damian Hernández Garcíari alabaren aldeko 200 euroko mantenu-pentsioa ezartzea.

Hileko lehenengo bost egunetan ordaindu beharko da kopuru hori, demandatzaileak izendatzen duen bankuko kontu zenbakian. Urtero eguneratuko da zenbateko hori, Estatistikako Institutu Nazionalak –edo horren ordezkoak– jarritako kontsumo-prezioen indizeak izan ditzan aldaketen arabera.

Guraso biek, erdibana, ordaindu beharko dituzte euren seme-alabentzako beharrezko diren gainontzeko ezohiko gastuk.

4.– Prozesu honetan parteetariko inori ere zaio ezartzen kostuak ordaindu beharra.

Damian Hernández García demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Durango (Bizkaia), 2018ko maiatzaren 23a.

JUSTIZIA ADMINISTRAZIOAREN LETRADUA.

Azterketa dokumentala