Euskal Herriko Agintaritzaren Aldizkaria

124. zk., 2018ko ekainaren 28a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GARAPENERAKO LANKIDETZAREN EUSKAL AGENTZIA

3351

EBAZPENA, 2018ko ekainaren 15ekoa, Garapenerako Lankidetzaren Euskal Agentziaren zuzendariarena, Nazio Batuen erakundearen sistemako nazioarteko erakundeentzat eta erakunde horiei loturiko pertsona juridikoentzat 2016. urterako laguntzak emateko deialdiaren barruan ezarritakoa, erakunde horiek herrialde txirotuetan burutzen dituzten garapen-proiektuetan parte hartzen duten lankide boluntarioei bekak emateko. Ebazpen honen bidez, NBE-2016BA/0006 espediente-zenbakia duen lankide boluntarioari beka emateko Unesco Etxea – Centro Unesco del País Vasco erakundeari emandako laguntzari uko egiteko eskaera onartzen da.

Garapenerako Lankidetzaren Euskal Agentziaren Zuzendariaren 2016ko irailaren 21eko Ebazpenaren babespean, Unesco Etxea – Centro Unesco del País Vasco erakundeari 36.540 euroko diru-laguntza eman zitzaion, Nerea Rojas Mendieta lankide boluntarioari beka emateko (NBE-2016BA/0006).

Erakunde horrek, Garapenerako Lankidetzaren Euskal Agentziari 2018ko apirilaren 26an eginiko jakinarazpenaren bidez, bekari (zati batean) uko egiteko eskaera bidali zuen, espedientean jasotako arrazoiengatik.

Eskaera aztertu ondoren, erakunde onuradunak uko egiteko aurkeztu duen eskaeraren aldeko txostena egin zuen Koordinazio Teknikoaren Zerbitzuak.

Nazio Batuen erakundearen sistemako nazioarteko erakundeentzako eta erakunde horiei loturiko pertsona juridikoentzako laguntzak arautzen dituen otsailaren 13ko 22/2007 Dekretuak (erakunde horiek herrialde txirotuetan burutzen dituzten garapen-proiektuetan parte hartzen duten lankide boluntarioei bekak emateko laguntzak), 9. artikuluan, ezartzen du lankide boluntarioak bekari uko egiteak kobratutako eskubide ekonomikoen itzulketa proportzionala ekarriko duela eta, hala behar izanez gero, ordaindu gabekoak ez direla ordainduko.

Uko egindako zenbatekoa kalkulatzeko, garatu gabeko beka aldia hartuko da kontuan.

Proposatutako aldaketak onartzeko eskumenari dagokionez, Garapenerako Lankidetzaren Euskal Agentzia sortu, arautu eta jardunean jarri ondoren (ekainaren 19ko 5/2008 Legea, Garapenerako Lankidetzaren Euskal Agentzia sortu eta arautzen duena; martxoaren 23ko 95/2010 Dekretua, Garapenerako Lankidetzaren Euskal Agentziaren antolaketaren eta funtzionamenduaren erregelamendua onartzen duena; azaroaren 23ko 310/2010 Dekretua, Garapenerako Lankidetzaren Euskal Agentziaren jarduerak abiaraztea arautzen duena), aipatutako eskumena eta, oro har, laguntza horiek kudeatzeko behar diren ebazpenak emateko eskumena Garapenerako Lankidetzaren Euskal Agentziaren zuzendariari dagozkio.

Horren ondorioz, honako hau

EBAZTEN DUT:

Lehenengoa.– Nerea Rojas Mendieta lankide boluntarioari emandako laguntzari uko egiteko eskaera onartzea, erakunde horiek herrialde txirotuetan burutzen dituzten garapen-proiektuetan parte hartzen duten lankide boluntarioei bekak emateko Nazio Batuen erakundearen sistemako nazioarteko erakundeentzat eta erakunde horiei loturiko pertsona juridikoentzat 2016. urterako laguntzak emateko deialdiaren barruan.

Horren ondorioz, Unesco Etxea – Centro Unesco del País Vasco Erakundeak dagokion kopurua (luzapenaren bigarren ordainketa, justifikatuta ez dagoena) itzuli beharko du, hau da, 7.200,00 euro.

Bigarrena.– Ebazpen honen aurka, gorako errekurtsoa jarri ahal izango zaio Garapenerako Lankidetzaren Euskal Agentziaren lehendakariari, hilabeteko epean, jakinarazten den egunaren biharamunetik aurrera kontatzen hasita. Gora jotzeko errekurtsoa aurkeztu eta hiru hilabete igarota oraindik ez bada ezer ebatzi, errekurtsoa ezetsitzat jo beharko da, eta administrazioarekiko auzietarako bidea irekiko da.

Vitoria-Gasteiz, 2018ko ekainaren 15a.

Garapenerako Lankidetzaren Euskal Agentziako zuzendaria,

PAUL ORTEGA ETCHEVERRY.

Azterketa dokumentala