Euskal Herriko Agintaritzaren Aldizkaria

121. zk., 2018ko ekainaren 25a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GERNIKA-LUMOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

3277

EDIKTUA, ezkontzaz kanpoko seme-alabentzako neurrietarako 100/2017 prozeduraren ondoriozkoa.

JAKINARAZPEN-ZEDULA

Gernika-Lumoko (Bizkaia) Lehen Auzialdiko 2 zenbakiko Epaitegian, ezkontzaz kanpoko seme-alabentzako neurriei buruzko 100/2017 prozedura bideratu da, Fatima Mabsoute Qetrani-k eskatuta Said Rbib Erraouy-ren aurka. Prozedura horren gainean epaia eman da. Hona hemen idazpurua eta epaitza:

58/2018 EPAIA

Epailea: Ana Rosa Rincón Varona.

Lekua: Gernika-Lumo (Bizkaia).

Eguna: bi mila eta hamazortziko maiatzaren zazpia.

Alderdi demandatzailea: Fatima Mabsoute Qetrani.

Abokatua: Aitor Amunategui Cenarruzabeitia.

Prokuradorea: Miren Irune Gorroño Menchaca.

Alderdi demandatua: Said Rbib Erraouy.

Abokatua.

Prokuradorea.

Judizioko gaia: guraso eta seme-alabentzako neurriak eta neurri ekonomikoak hartzea.

EPAITZA

Partez baiesten dut auzitegietako prokuradore Irune Gorroño Menchaca-k Fatima Mabsout Qetrani-ren izenean eta ordez jarri duen demanda, Said Rbib Erraouy-ren aurkakoa (auzi-ihesean dago); horrenbestez, behin betiko neurri hauek hartzen ditut elkarrekin duten XXXXX alabari dagokionez:

1.– Guraso-ahalaren erabilera Fatima Mabsout Qetrani amari soilik esleitzen zaio.

2.– Elkarrekin duten XXXXXXX alabaren zaintza eta jagoletza Fatima Mabsout Qetrani amari soilik esleitzen zaio. Ez da adingabearen eta aitaren arteko bisita- eta komunikazio-erregimenik ezartzen.

3.– Said Rbib Erraouy aitak mantenu-pentsio bat ordaindu beharko du XXXXX alabarentzat, 120 euro hilean. Hilabete bakoitzeko lehen bost egunetan sartu beharko du pentsio hori, amak hartarako izendatzen duen kontuan. Urtean 12 hilabetez ordaindu beharko du. Zenbateko hori EINak edo haren ordezko erakundeak ezarritako KPIaren arabera eguneratuko da, urtero.

Ezohiko gastuak guraso biek ordainduko dituzte, bakoitzak % 50. Akordiorik ezean, honako hauek hartuko dira ezohiko gastutzat: osasun-gastuak (osasun-sistema publikoak edo kontratatutako mediku-mutualitateak estaltzen ez duten mediku-laguntza, odontologia-tratamendua, ortodontzia, ortopedia, optika eta logopedara edo psikologora joatea, edota Gizarte Segurantzak edo gurasoak kide diren bestelako mutualitateek edo erakundeek estaltzen ez dituzten farmazeutikoak) edo hezkuntza-gastuak (irakasleek edo tutoreek gomendatzen dituzten laguntza- edo indartze-eskolak, eskolaz kanpoko jarduerak, txangoak eta kanpamentuak). Eta, une honetan aurreikus ezin daitezkeen guztiak, beharraren irizpideak eta gastuaren kontzeptua aintzat hartuz, betiere.

Jakinaraz bekie ebazpen hau Fiskaltzari eta pertsonatutako alderdiei.

Eta Said Rbib Erraouy demandatuari behar bezalako jakinarazpena egiteko balio dezan ematen eta sinatzen dut hau, Gernika-Lumon (Bizkaia), bi mila eta hamazortziko maiatzaren bederatzian.

JUSTIZIA ADMINISTRAZIOAREN LETRADUA.

Azterketa dokumentala