Euskal Herriko Agintaritzaren Aldizkaria

119. zk., 2018ko ekainaren 21a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BIZKAIKO PROBINTZIA AUZITEGIA

3211

EDIKTUA, 36/2018 hitzezko judizioaren ondoriozkoa.

Bizkaiko Probintzia Auzitegia – Bosgarren Sekzioa.

Errekurtsoa: 36/2018 hitzezko judizioaren gaineko apelazio-errekurtsoa (2000 PZL).

Errekurtso-egileak: Liberty Seguros, SA eta Seguros Lagun Aro, SA.

Abokatuak: Gerardo Ariztimuño Quintanilla eta Gorka Gastaka Greño.

Prokuradoreak: Esther Asategui Bizkarra eta Ana Maria Idocin Ros.

Alderdi errekurritua: Oihane Garcia Fernandez, Jose Manuel Mateo Dominguez eta Goizane Perez Del Olmo.

Gaia: hitzezko judizioa.

Errekurtso horretan, epaia eman da 2018-03-21ean. Hona hemen epaitza:

Baiesten ditut Durangoko Lehen Auzialdiko 1 zenbakiko Epaitegiko epaileak 2017ko uztailaren 17an emandako epaiaren aurka Liberty Seguros, SAren eta Seguros Lagun Aro, SAren ordezkariek 2016ko 548 hitzezko judizioan jarritako apelazio-errekurtsoak (judizio horretatik dator erroilu hau). Horrenbestez, partez baliogabetzen dut ebazpen hori, eta, beraz, demandaren zati bat baiesten, eta lehenengo auzialdian sortutako kostuak ez zaizkio berariaz inori ezartzen. Ebazpen honen aurkakoak ez diren aipatu ebazpenaren gainerako erabakiak lehenean uzten dira, eta bigarren auzialdian sortutako kostuak ez zaizkio berariaz inori ezartzen.

Bidal bitez autoak jatorrizko epaitegira. Epai honen testigantza ere bidaliko da, bete dezaten.

Itzul bekie Seguros Lagun Aro, SAri eta Liberty Seguros, SAri errekurritzeko aurkeztutako gordailua; hartarako, dagokion epaitegiko idazkari judizialak itzulketa-agindua emango du.

Aurkaratzeko modua: kasaziorako oinarria egiaztatuz gero, kasazio-errekurtsoa aurkez daiteke Auzitegi Gorenean, Arlo Zibileko Salan. Errekurtsoa jartzeko, idazkia aurkeztu behar da epaitegi honetan, hogei egun balioduneko epean, ediktu hau jakinarazi eta biharamunetik aurrera (PZLb, 477. eta 479. artikuluak).

Prozesuko arau-haustea dela-eta, ezohiko errekurtsoa ere aurkeztu ahal izango da, PZLb-n aurreikusitako arrazoietako batengatik, Auzitegi Goreneko Arlo Zibileko Salan. Errekurtso hori idatziz aurkeztu beharko da, epaitegi honetan, jakinarazpena egin ondoko hogei egun balioduneko epean (PZLb-ren 470.1 artikulua eta azken xedapenetako hamaseigarrena).

Errekurtsoak aurkezteko beharrezkoa izango da 50 euro uztea gordailuan, baldin eta kasazio-errekurtsoa bada; eta 50 euro, arau-hauste prozesalengatiko ezohiko errekurtsoa bada. Baldintza horiek bete ezean, ez da onartuko errekurtsook izapidetzea. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: 47380 0000 00036 18 15. Errekurtso biak baliatuz gero, bi ezarpen-eragiketa ezberdin egin beharko ditu errekurtsogileak, eta, sarrera-ordainagiriaren kontzeptuaren lekuan, «Errekurtsoa» 06 kodea dela adierazi beharko du kasazio-errekurtsoa bada, eta 04 kodea dela, arau-hauste prozesalarengatiko ezohiko errekurtsoa bada. Errekurtsoak jartzerakoan, zenbateko hori zainpean utzi dela egiaztatu beharko da (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Jose Manuel Mateo Dominguez demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera.

Interesdunak eskuragarri du jakinarazten den ebazpenaren testu osoa auzitegi honetako bulego judizialean.

Bilbao (Bizkaia), 2018ko maiatzaren 2a.

JUSTIZIA ADMINISTRAZIOAREN LETRADUA.

Azterketa dokumentala