Euskal Herriko Agintaritzaren Aldizkaria

103. zk., 2018ko maiatzaren 30a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 4 ZENBAKIKO EPAITEGIA

2851

EDIKTUA, 336/2017 prozedura arruntaren ondoriozkoa.

Barakaldoko Lehen Auzialdiko 4 zenbakiko Epaitegia.

Judizioa: 336/2017 prozedura arrunta.

Demandatzailea: Unión de Créditos Inmobiliarios, S.A. Establecimiento Financiero de Crédito.

Abokatua: Guillermo Velasco Menendez-Moran.

Prokuradorea: Marta Arruza Doueil.

Demandatua: Gartzen Burzaco Villar.

Gaia: judizio arrunta.

Judizio horretan, epaia eman da 2018-04-18an. Hona hemen epaitza:

97/2018 EPAIA

Epailea: Susana Leston Piñero andrea.

Lekua: Barakaldo (Bizkaia).

Eguna: bi mila eta hamazortziko apirilaren hamazortzia.

Alderdi demandatzailea: Unión de Créditos Inmobiliarios, S.A. Establecimiento Financiero de Crédito.

Abokatua: Guillermo Velasco Menendez-Moran.

Prokuradorea: Marta Arruza Doueil.

Alderdi demandatua: Gartzen Burzaco Villar.

Abokatua.

Prokuradorea.

Judizioaren gaia: kontratua suntsiaraztea eta kalte-galerengatiko kalte-ordaina.

Aipatutako artikuluak eta aplikagarriak diren gainerakoak ikusita,

EPAITZA

Baiesten dut auzi-jartzaileak Gartzen Burzaco Villar jaunaren aurka aurkeztutako demanda, eta:

1.– 2009ko apirilaren 18ko hipoteka-mailegurako kontratuaren suntsiarazpena deklaratzen da, eta Gartzen Burzaco Villar jauna kondenatzen dut 92.914,77 euro eta legezko interesak ordaintzera.

2.– Gartzen Burzaco Villar jauna kondenatzen dut prozesuko kostuak ordaintzera.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (4690 0000 04 0336 17). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, Justizia Administrazioaren letradu naizenez, horren guztiaren fede ematen dut, Barakaldon, bi mila eta hamazortziko apirilaren hamazortzian.

Gartzen Burzaco Villar demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Barakaldo (Bizkaia), 2018ko apirilaren 19a.

JUSTIZIA ADMINISTRAZIOAREN LETRADUA.

Azterketa dokumentala