Euskal Herriko Agintaritzaren Aldizkaria

102. zk., 2018ko maiatzaren 29a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

2826

EDIKTUA, ezkontzaz kanpoko seme-alabentzako neurrietarako 1067/2016 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 1067/2016 ezkontzaz kanpoko seme-alabentzako neurriak.

Demandatzailea: Antonia Soledad Aveiro Ibarrola.

Abokatua: Nora Aspiunza Ricoy.

Prokuradorea: Maria Felicidad Llama Diaz de Cerio.

Demandatua: Hector Rene Coronel Cardozo.

Gaia: dibortzioa.

Judizio horretan, epaia eman da 2018-04-16an. Hona hemen epaitza:

267/2018 EPAIA

Epailea: Ana Isabel Viaña Ranilla.

Lekua: Barakaldo (Bizkaia).

Eguna: bi mila eta hamazortziko apirilaren hamaseia.

Alderdi demandatzailea: Antonia Soledad Aveiro Ibarrola.

Abokatua: Nora Aspiunza Ricoy.

Prokuradorea: Maria Felicidad Llama Diaz de Cerio.

Alderdi demandatua: Hector Rene Coronel Cardozo.

Abokatua.

Prokuradorea.

Judizioaren gaia: ezkontzaz kanpoko seme-alabentzako neurriei buruzko demanda.

EPAITZA

Partez baiesten dut A. S. Aveiro I. andreak aurkeztutako demanda, Héctor René Coronel Cardozoren aurkakoa. Horrenbestez, alderdiek XXXXX seme adingabekoarekin izango dituzten harremanak arautzeko neurri hauek onartzen ditut:

A) Héctor René Coronel Cardozok XXXXX seme komunarekiko zuen guraso-ahala bertan behera uztea; izan ere, ahal hori aurrerantzean amak baliatuko du esklusiboki, eta zaintza eta jagoletza ere amari esleitzen zaizkio, eta zaintza ez duen gurasoak bisita- eta egonaldi-erregimena izatea ez da bidezkotzat jotzen.

B) Ezkontideen semearentzat mantenu-pentsio bat ezartzen dut, zaintza ez duen gurasoaren kargura, hilean kontzeptu guztiengatik jasotzen dituen diru-sarrera garbien % 25ekoa, eta, betiere hileko 100 euro baino gutxiagokoa izango ez dena. Zenbateko hori hilabeteko bakoitzeko lehen bost egunen barruan ordaindu beharko da, eta urtero eguneratuko da Estatistika Institutu Nazionalak argitaratutako Kontsumoko Prezioen Indizeak dituen aldaketekin bat etorriz; zenbatzen hasteko oinarri-datatzat ebazpen honen eguna hartuko da.

C) Seme/alaba adingabearen aparteko gastuak, ebazpen honen zuzenbideko oinarrietan adierazitako eran, bi gurasoek ordainduko dituzte erdibana, % 50 bakoitzak. Guztiarekin ere, presakoak ez diren ezohiko gastuak guraso biek baimendu beharko dituzte. Dena dela, gastua beste parteari behar bezala jakinarazten zaionetik –gastuaren berri emanez, beharrezkoa dela adieraziz, zenbatekoa adieraziz eta dagozkion agiriekin batera– 10 egun igaro eta objekzio berariazkorik egiten ez bada, ulertuko da onartzen duela. Era berean, ez da berariazko erabakirik hartzen auzialdi honetan sortutako kostuen gainean.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: ........... Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Hector Hector Rene Coronel Cardozo demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Barakaldo (Bizkaia), 2018ko apirilaren 17a.

JUSTIZIA ADMINISTRAZIOAREN LETRADUA.

Azterketa dokumentala