RSS
87. zk., 2018ko maiatzaren 8a, asteartea
- Bestelako formatuak:
- PDF (190 KB - 1 orri.)
- EPUB (191 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EKONOMIAREN GARAPEN ETA AZPIEGITURA SAILA
2447
EBAZPENA, 2018ko apirilaren 19koa, Nekazaritzako, Arrantzako eta Elikagai Politikako sailburuordearena, 2017ko ekitaldian emandako diru-laguntzen onuradunen zerrenda argitaratzeko dena. Laguntza horiek Euskal Autonomia Erkidegoko esnetarako behien abeltzaintza-ustiategietan abereen ongizatea hobetzeko laguntzei buruzko maiatzaren 29ko 100/2012 Dekretuaren babespean eman dira.
Euskal Autonomia Erkidegoko esnetarako behien abeltzaintza-ustiategietan abereen ongizatea hobetzeko laguntzei buruzko maiatzaren 29ko 100/2012 Dekretuaren 7.7 artikuluak dioenez, laguntzei buruzko ebazpena banan-banan jakinaraziko zaie interesdunei, eta, horretaz gainera, publikotasun-ondorioetarako, Nekazaritza eta Landa Garapeneko sailburuordearen ebazpen baten bidez, dekretu honetako laguntzen onuradun gertatu diren pertsonen zerrenda eta laguntzen zenbatekoa argitaratuko dira abeltzaintza arloko organo eskudunaren egoitza elektronikoan.
Ekonomiaren Garapeneko eta Azpiegituretako sailburuaren 2017ko irailaren 27ko Aginduaren bidez, esnetarako behien abeltzaintza-ustiategietako abereen ongizatea hobetzeko laguntzetarako deialdia egin zen, 2017rako. Laguntzak esleitu eta ebazpenak onuradunei jakinarazi eta gero, azaroaren 11ko 1/1997 Legegintzako Dekretuaren 49. artikuluaren 2. paragrafoko bigarren atalean (1/1997 Legegintzako Dekretua, Euskal Autonomia Erkidegoko Ogasun Nagusiaren Antolarauei buruzko Legearen Testu Bategina onartzen duena) eta urtarrilaren 26ko 30/2010 Dekretuaren 25.4 artikuluan xedatutakoarekin bat etorriz, honako hau
EBAZTEN DUT:
Argitara ematea Euskal Autonomia Erkidegoko esnetarako behien abeltzaintza-ustiategietan abereen ongizatea hobetzeko laguntzei buruzko maiatzaren 29ko 100/2012 Dekretuaren babespean 2017ko ekitaldian emandako diru-laguntzak jaso dituztenen zerrenda. Abeltzaintzaren eskumena duen organoaren egoitza elektronikoan emango da argitara, Interneteko helbide honetan: www.euskadi.eus/laguntzak_naep/.
Vitoria-Gasteiz, 2018ko apirilaren 19a.
Nekazaritzako, Arrantzako eta Elikagai Politikako sailburuordea,
BITTOR OROZ IZAGIRRE.
