Euskal Herriko Agintaritzaren Aldizkaria

74. zk., 2018ko apirilaren 18a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

AZPEITIKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

2052

EDIKTUA, ezkontzaz kanpoko seme-alabentzako neurrietarako 175/2017 prozeduraren ondoriozkoa.

Azpeitiko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: ezkontzaz kanpoko seme-alabentzako neurrietarako 175/2017 auzia.

Demandatzailea: Angelica Marchine Ubeda Rodriguez.

Abokatua: Juan Arturo Hernandez Rodriguez.

Prokuradorea: Jose Eizaguirre Arocena.

Demandatua: Pedro Exequiel Cardenas Ulloa.

Gaia: guraso eta seme-alaben arteko neurriak.

Judizio horretan, epaia eman da 2018-02-21ean. Hona hemen epaitza:

Baiesten dut guraso eta seme-alaben arteko neurriak direla-eta Angelica Marchine Ubeda Rodríguez andreak Pedro Exequiel Cardenas Ulloa jaunaren aurka jarritako demanda, eta, horrenbestez, honako behin betiko neurri hauek hartu ditut:

1.– Angelica Marchine Ubeda Rodríguez amari ematen zaio 2006ko azaroaren 9an jaio zen XXXXX adingabeko alaba komunaren zaintza eta jagoletza.

2.– Adingabeko alaba komunarekiko guraso-ahalaren erabilera ere amari esleitzen zaio.

3.– Ez da ezartzen aitaren eta adingabeko alabaren arteko bisita-erregimenik.

4.– Aitak hilero 150 euro ordaindu beharko dizkio amari alaba adingabearen elikagai-pentsio gisa, eta ordainketa hilaren lehen bost egunetan gauzatu beharko du, amak demandan zehazten duen kontu-korrontean. Zenbateko hori KPI Kontsumorako Prezioen Indizean izandako aldakuntzen arabera eguneratuko da.

5.– Adingabearen aparteko gastuak erdibana ordainduko dituzte guraso biek.

Alderdi bakoitzak berak eragindako kostuak ordaindu beharko ditu, eta komunak, erdi bana.

Jakinaraz bekie ebazpen hau alderdiei eta Fiskaltzari, eta ohartarazi haren aurka apelazio-errekurtsoa aurkez dezaketela epaitegi honi zuzenduta, ebazpen hau jakinarazi eta hogei eguneko epean, betiere Prozedura Zibilaren Legeko 458. artikuluan eta hurrengoetan xedatutakoarekin bat etorriz. Errekurtsoa Gipuzkoako Probintzia Auzitegiak ebatziko du.

Pedro Exequiel Cardenas Ulloa demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka apelazio-errekurtsoa aurkez dezake demandatu auzi-iheslariak.

Interesdunak eskuragarri du jakinarazten den ebazpenaren testu osoa auzitegi honetako bulego judizialean.

Azpeitia (Gipuzkoa), 2018ko otsailaren 26a.

JUSTIZIA ADMINISTRAZIOAREN LETRADUA.

Azterketa dokumentala