Euskal Herriko Agintaritzaren Aldizkaria

68. zk., 2018ko apirilaren 10a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 1 ZENBAKIKO ZUZENEKO LAGUNTZA EMATEKO UNITATE PROZESALA

1873

EDIKTUA, elikagaiak erreklamatzeko bideratutako 588/2017 zenbakiko hitzezko judizioaren ondoriozkoa.

Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 1 zenbakiko Epaitegia.

Judizioa: 588/2017 hitzezko judizioa.

Demandatzailea: Jhon Alexander Rodriguez Muñoz.

Abokatua: Esther Santiago Hernandez.

Prokuradorea: Juan Usatorre Iglesias.

Demandatua: Jorge Alexander Rodriguez Puente eta Paola Andrea Muñoz Torres.

Gaia: elikagaiak erreklamatzea.

Judizio horretan, epaia eman da 2018-03-12an. Hona hemen epaitza:

43/2018 EPAIA

Vitoria-Gasteiz, 2018ko martxoaren 12a.

Nik, Mónica Basurto Garrido andreak, Vitoria-Gasteizko Lehen Auzialdiko 1 zenbakiko Epaitegiko magistratu naizen aldetik, ikusi ditut 588/2017 hitzezko judizioaren autoak, non honako hauek diren alderdiak:

Demandatzailea: Jon Alexandre Rodriguez Muñoz jauna, Santiago letraduaren laguntzarekin eta Usatorre prokuradorea haren ordez jardunez.

Demandatuak: Jorge Alexandre Rodriguez Puente jauna, auzi-ihesean dena, eta Paola Andrea Muñoz Torres andrea, De la Fuente letraduaren laguntzarekin eta Calvo prokuradorea haren ordez jardunez.

Elikagaiak senideen artean erreklamatzeari buruzkoa da auzia (Kode Zibilaren 142. artikulua eta hurrengoak).

EPAITZA

Ezetsi egiten dut Jon Alexandre Rodriguez Muñoz jaunak Jorge Alexandre Rodriguez Puente eta Paola Andrea Muñoz Torres jaun-andreen aurka aurkeztutako demanda. Hori dela eta, demandatuak absolbitu egiten ditut beren kontra egindako eskaeretatik.

Kostuak Jon Alexandre Rodriguez Muñoz jaunari ezartzen zaizkio.

Jakinaraz bekie ebazpena alderdiei, eta aditzera eman ezen, ebazpena ez dela irmoa eta haren aurka apelazio-errekurtsoa aurkez daitekeela epaitegi honetan, hogei eguneko epearen barruan, jakinarazpena egin eta hurrengo egunetik aurrera (urtarrilaren 7ko 1/2000 PZLren 458. artikulua, urriaren 10eko 37/2011 Legeaz aldatutakoa). Arabako Probintzia Auzitegia arduratu da aipatu errekurtsoaz.

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko zenbateko hori epaitegi honek Banesto taldean (Banco Español de Crédito) duen Gordailuan eta Zainpean Uzteko Kontuan (0009 0000 13 0588 17 kontu-zenbakia) kontsignatu beharko da. Errekurtsoa aurkeztean egiaztatu beharko da kontsignazioa (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Eta epai honen bidez erabaki, agindu eta sinatzen dut.

Jorge Alexander Rodriguez Puente demandatuaren egungo helbidea ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Vitoria-Gasteiz, 2018ko martxoaren 13a.

JUSTIZIA ADMINISTRAZIOAREN LETRADUA.

Azterketa dokumentala