Euskal Herriko Agintaritzaren Aldizkaria

58. zk., 2018ko martxoaren 22a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GETXOKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

1566

EDIKTUA, kontratua suntsiarazteko eta diru-zenbatekoa erreklamatzeko bideratutako 243/2017 prozeduraren ondoriozkoa.

Getxoko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 243/2017 prozedura arrunta.

Demandatzailea: Iker Setien Solas eta Olga Castillo Peredo.

Abokatua: Susana Rivas Fernandez.

Prokuradorea: Leire Fraga Areitio.

Demandatua: Jose Ignacio Luis Roldan.

Gai: kontratua suntsiaraztea eta diru-zenbatekoa erreklamatzea.

Judizio horretan epaia eman da 2018-02-21ean. Hona hemen epaitza:

EPAITZA

Osorik baiesten dut Leire Fraga Areitio epaitegietako prokuradoreak, Iker Setien Solas eta Olga Castillo Peredoren izenean eta ordezkaritzan jarritako demanda, José Ignacio Luis Roldán-en aurkakoa; horrenbestez, bi alderdiok izenpetu zuten errentamendu-kontratua suntsitutzat ematen dut, eta José Ignacio Luis Roldán kondenatzen dut auzi-jartzaileari honako zenbateko hauek ordaintzera: hamar mila, zortziehun eta hirurogeita hamar euro eta lau zentimo (10.870,04), gehi zuzenbideko seigarren oinarrian ezarritakoaren arabera sortutako legezko interesak. Kostuak alderdi demandatuari ezartzen dizkiot berariaz.

Epai hau ez da irmoa; bere aurka apelazio-errekurtsoa aurkez daiteke epaitegi honetan, jakinarazten den egunaren biharamunetik aurrera hogei eguneko epean, eta Bizkaiko Probintzia Entzutegiak ebatziko du.

Errekurtsoa aurkeztean, 50 euroko gordailua jarri beharko da epaitegi honek duen Gordailuan eta Zainpean uzteko Kontuan, indarreko Botere Judizialaren Lege Organikoaren 15. Xedapen Gehigarrian –azaroaren 3ko 1/2009 Lege Organikoak emandako idazketan–.aurreikusitako moduan.

Eta epai hau, behin betiko epaitu baita auzialdi honetan, erabaki, agindu eta sinatu dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Getxon (Bizkaia), bi mila eta hamazortziko otsailaren hogeita batean.

Jose Ignacio Luis Roldan demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Interesdunak eskuragarri du jakinarazten den ebazpenaren testu osoa auzitegi honetako bulego judizialean.

Getxo (Bizkaia), 2018ko otsailaren 26a.

JUSTIZIA ADMINISTRAZIOAREN LETRADUA.

Azterketa dokumentala