Euskal Herriko Agintaritzaren Aldizkaria

44. zk., 2018ko martxoaren 2a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

1119

EDIKTUA, ezkontzaz kanpoko seme-alabentzako neurrietarako 322/2017 prozeduraren ondoriozkoa.

Durangoko Lehen Auzialdiko eta Instrukzioko 1 zenbakiko ZLUP.

Judizioa: 322/2017 ezkontzaz kanpoko seme-alabentzako neurriak.

Demandatzailea: Alicia Chavez Vargas.

Abokatua: Javier Azpitarte Peña.

Prokuradorea: Fco. Javier Aguirreurreta Bilbao.

Demandatua: Edmundo Vargas Orispe.

Gaia: guraso eta seme-alaben arteko neurriak.

Judizio horretan, epaia eman da 2018-02-15ean. Hona hemen idazpurua eta epaitza:

26/2018 EPAIA

Epailea: Nuria Ballve Botas andrea.

Lekua: Durango (Bizkaia).

Eguna: bi mila eta hamazortziko otsailaren hamabosta.

EPAITZA

Osorik baiesten dut Alicia Chavez Vargasen ordezkaritza prozesalak Edmundo Vargas Orispe jaunaren aurka aurkeztutako demanda.

1.– Amak izango du XXXXX adingabekoaren zaintza eta jagoletza; guraso-ahala ere amarena izango da, inorekin partekatu gabe.

2.– Jagoletza ez duen gurasoaren aldeko bisita-araubide bat ezartzen da. Horren arabera, jagoletza ez duen gurasoak adingabea bisitatu eta berarekin egon ahal izan du eta aitak, amak eta adingabeak adostuko dute nola, noiz eta non egin bisitaldi horiek (besterik erabaki ezean, haiek bizi diren lekuan izango dira).

3.– Edmundo Vargas Orispe jaunak bere diru-sarreren % 20 ordainduko du (gutxienez 125 euro). Diru hori mantenu-pentsio gisa ordaindu beharko du, demandatzaileak adierazitako kontuan, hileko lehen bost egunen barruan; zenbateko hori urtero eguneratu ahal izango da, urte bakoitzeko urtarrilaren batean, Estatistika Institutu Nazionalak urtero argitaratutako Kontsumoko Prezioen Indizeak dituen aldaketekin bat etorriz.

Aurrekoaz gain, eta aparteko gastuei dagokienez, halakotzat hartuko dira salbuespenez sortutakoak izanik ohiko kontribuzio gisa hartu behar ez direnak; eta, bereaz, honako hauek sartzen dira: gizarte-segurantzak edo dagokion mutuak estaltzen ez dituen medikuak edo, estali gabe egonik, oso garestiak direnak, tratamendu psikikoak, aparatuak (lentillak, betaurrekoak, ortodontzia...) eta dagozkion mediku-sariak. Horiek erdibana ordainduko dituzte bi gurasoek, eta zaintza duenak agiri bidez justifikatu beharko du beharrezkoak direla eta zein den haien zenbatekoa eta, desadostasuna badago, onarpen judiziala eskatuko da.

Ez da berariaz kosturik ezartzen prozedura honetan.

Ebazpen hau irmoa denean, bidali bedi exhortoa dagokion Erregistro Zibilera, ebazpenaren testigantza duena, dagokion idatzoharra egin dadin.

Edmundo Vargas Orispe demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Durango (Bizkaia), 2018ko otsailaren 15a.

JUSTIZIA ADMINISTRAZIOAREN LETRADUA.

Azterketa dokumentala