Euskal Herriko Agintaritzaren Aldizkaria

26. zk., 2018ko otsailaren 6a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 4 ZENBAKIKO ZUZENEKO LAGUNTZA EMATEKO UNITATE PROZESALA

667

EDIKTUA, ezkontzaz kanpoko seme-alabentzako neurrietarako 557/2017 prozeduraren ondoriozkoa.

Vitoria-Gasteizko Lehen Auzialdiko 4 zenbakiko Epaitegia – Zuzeneko Laguntza Zibila emateko Unitate Prozesala.

Judizioa: 557/2017 ezkontzaz kanpoko seme-alabentzako neurriak.

Demandatzailea: Maria Auxiliadora Tobileri Bassy.

Abokatua: Arancha Menchaca Diaz.

Prokuradorea: Javier Area Anitua.

Demandatua: Fernando Mico Mbang.

Gaia: ezkontzaz kanpoko seme-alabentzako neurriak.

Aipatutako judizioan, auto argigarria eman da 2017-12-20an, 2017-09-28ko ebazpena zati batean aldatzen duena, eta hau diote xedapenek:

XEDAPENAK

1.– Prozedura honetan 2017-09-28an emandako epaia zuzentzea erabaki da, bertan adierazten den moduan.

EPAITZA

Aurreko guztia kontuan hartuta, partez baiesten da María Auxiliadora Tobileri Bassy andrearen prozesu-ordezkaritzak aurkeztutako demanda, Fernando Mico Mbang jaunaren aurkakoa, eta erabaki hauek hartzen dira:

Lehenengoa.– Bi gurasoek izango dute XXXXX seme-alabaren gaineko guraso-ahala, baina María Auxiliadora Tobileri Bassy andreak erabiliko du modu esklusiboan.

María Auxiliadora Tobileri Bassy andreari esleitzen zaizkio XXXXX seme-alabaren zaintza eta jagoletza.

Bigarrena.– Ez da ezartzen adingabearen eta demandatuaren arteko bisita-araubiderik.

Hirugarrena.– Fernando Mico Mbang jaunak alaba komunarentzako mantenu-pentsioa dela-eta hilean berrehun (200) euro ordaindu beharko dizkio María Auxiliadora Tobileri Bassy andreari, hileko lehen bost egunen barruan, hark horretarako izendatzen duen bankuko kontuan. Zenbateko hori KPIren arabera eguneratuko da.

Fernando Mico Mbang demandatuaren egungo helbidea ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Interesdunak eskuragarri du jakinarazten den ebazpenaren testu osoa auzitegi honetako bulego judizialean.

Vitoria-Gasteiz, 2018ko urtarrilaren 17a.

JUSTIZIA ADMINISTRAZIOAREN LETRADUA.

Azterketa dokumentala