RSS
11. zk., 2018ko urtarrilaren 16a, asteartea
- Bestelako formatuak:
- PDF (214 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
GARAPENERAKO LANKIDETZAREN EUSKAL AGENTZIA
204
EBAZPENA, 2017ko abenduaren 27koa, Garapenerako Lankidetzaren Euskal Agentziaren zuzendariarena, zeinaren bidez onartzen baita Euskal Herriko UNESCO Etxea-Centro UNESCO erakundeari emandako laguntzari uko egiteko eskaera –NBE-2015BA/0002 espediente-zenbakia duen lankide boluntarioari beka emateko–. Laguntza horren bidez, bekak eman zitzaizkien herrialde txirotuen aldeko garapen-proiektuetan parte hartzen duten lankide boluntarioei, Nazio Batuetako nazioarteko erakundeei eta erakundeokin elkartutako pertsona juridikoei laguntzak emateko 2015eko laguntzen deialdiaren barruan.
Garapenerako Lankidetzaren Euskal Agentziaren zuzendariaren 2015eko abenduaren 3ko Ebazpenaren babespean, Euskal Herriko Unesco Etxea - Centro Unesco erakundeari 18.540 euroko diru-laguntza eman zitzaion, Soraya Vellisca Illaro lankide boluntarioari beka emateko, eta, Garapenerako Lankidetzaren Euskal Agentziaren zuzendariaren 2016ko azaroaren 2ko Ebazpenaren babespean, aipaturiko beka 18.000 eurorekin luzatu zen, guztirakoa 36.540 euro izanik.
Erakunde horrek, Garapenerako Lankidetzaren Euskal Agentziari 2017ko urriaren 4an bidalitako jakinarazpenean, bekaren zati bati uko egiteko eskatu zuen, espedientean jasotako arrazoiengatik.
Eskaera aztertu ondoren, Koordinazio Teknikoaren Zerbitzuak aldeko txostena egin zion erakunde onuradunak uko egiteko bidali zuen eskaerari.
Nazio Batuen Erakundearen sistemako nazioarteko erakundeentzako eta erakunde horiei loturiko pertsona juridikoentzako laguntzak arautzen dituen otsailaren 13ko 22/2007 Dekretuak –erakunde horiek herrialde txirotuetan burutzen dituzten garapen-proiektuetan parte hartzen duten lankide boluntarioei bekak ematekoak diren laguntzak–, 9. artikuluan, ezartzen du lankide boluntarioak bekari uko egiteak kobratutako eskubide ekonomikoen itzulketa proportzionala ekarriko duela eta, hala behar izanez gero, ordaindu gabekoak ez direla ordainduko.
Uko egin zaion zenbatekoa kalkulatzeko, garatu gabeko bekaldia hartuko da kontuan.
Proposatutako aldaketak onartzeko eskumenari dagokionez, Garapenerako Lankidetzaren Euskal Agentzia sortu, arautu eta jardunean jarri ondoren (ekainaren 19ko 5/2008 Legea, Garapenerako Lankidetzaren Euskal Agentzia sortu eta arautzen duena; martxoaren 23ko 95/2010 Dekretua, Garapenerako Lankidetzaren Euskal Agentziaren antolaketa eta funtzionamenduko erregelamendua onartzen duena; azaroaren 23ko 310/2010 Dekretua, Garapenerako Lankidetzaren Euskal Agentziaren jarduerak abiaraztea arautzen duena), aipatutako eskumena eta, oro har, laguntza horiek kudeatzeko behar diren ebazpenak ematea Garapenerako Lankidetzaren Euskal Agentziaren zuzendariari dagokio.
Horren ondorioz, honako hau
EBAZTEN DUT:
Lehenengoa.– Onartzea Soraya Vellisca Illaro lankide boluntarioari emandako bekari uko egiteko eskaera, herrialde txirotuetan burutzen dituzten garapen-proiektuetan parte hartzen duten lankide boluntarioei bekak emateko Nazio Batuen erakundearen sistemako nazioarteko erakundeentzat eta erakunde horiei loturiko pertsona juridikoentzat 2015. urterako laguntzak emateko deialdiaren barruan.
Horren ondorioz, Euskal Herriko Unesco Etxea - Centro Unesco erakundeak dagokion kopurua (justifikatuta ez dagoena) itzuli beharko du, hau da, 3.846,59 euro.
Bigarrena.– Ebazpen honen aurka, gorako errekurtsoa jarri ahal izango zaio Garapenerako Lankidetzaren Euskal Agentziaren lehendakariari, hilabeteko epean, jakinarazten den egunaren biharamunetik aurrera kontatzen hasita. Gora jotzeko errekurtsoa aurkeztu eta hiru hilabete igarota oraindik ez bada ezer ebatzi, errekurtsoa ezetsi egin dela pentsatu beharko da, eta administrazioarekiko auzietarako bidea irekiko da.
Vitoria-Gasteiz, 2017ko abenduaren 27a.
Garapenerako Lankidetzaren Euskal Agentziako zuzendaria,
PAUL ORTEGA ETCHEVERRY.
