Euskal Herriko Agintaritzaren Aldizkaria

5. zk., 2018ko urtarrilaren 8a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN, LURRALDE PLANGINTZA ETA ETXEBIZITZA SAILA

86

IRAGARKIA, Azpeitiko (Gipuzkoa) Mirabeen komentuan gutxi gorabehera 45 zuzkidura-bizitoki eraikitzeko oinarrizko proiektua eta exekuzio-proiektua idazteko eta obren zuzendaritza fakultatiboa egiteko lizitaziorako dena (Espedientea: 028SV/2017).

1.– Entitate esleitzailea.

a) Erakundea: Ingurumen, Lurralde Plangintza eta Etxebizitza Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 028SV/2017.

2.– Kontratuaren ezaugarriak.

a) Helburua: Azpeitiko (Gipuzkoa) Mirabeen komentuan gutxi gorabehera 45 zuzkidura-bizitoki eraikitzeko oinarrizko proiektua eta exekuzio-proiektua idaztea eta obren zuzendaritza fakultatiboa egitea.

b) Lotetan zatitzea: ez da lotetan zatitu.

c) Burutzeko lekua: Azpeitiko (Gipuzkoa) Mirabeen komentua.

d) Burutzeko epea:

d.1.– Oinarrizko proiektua: hamabi aste.

d.2.– Exekuzio-proiektua: hamabi aste.

d.3.– Obren zuzendaritza fakultatiboa: zuzendu behar den obra-kontratua likidatu arte.

3.– Izapideak, prozedura eta esleitzeko modua.

a) Izapideak: arruntak.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: hirurehun eta laurogeita hamabi mila euro (392.000) gehi laurogeita bi mila hirurehun eta hogei euro (82.320) BEZarenak. Beraz, guztira, laurehun eta hirurogeita hamalau mila hirurehun eta hogei euro (474.320).

5.– Kontratuaren balio zenbatetsia: hirurehun eta laurogeita hamabi mila euro (392.000)

6.– Behin-behineko bermea: ez dago jarri beharrik.

7.– Agiriak eta argibideak lortzeko:

a) Entitatea: Eusko Jaurlaritza. Ingurumen, Lurralde Plangintza eta Etxebizitza Saila.

b) Helbidea: Donostia kalea 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2018ko urtarrilaren 31.

f) Kontratu honi buruzko informazio guztia webgune honetan eskura daiteke: www.contratacion.info edo www.euskadi.eus/contratacion

8.– Kontratistaren berariazko betekizunak:

Sailkapena: ez.

Kaudimenari buruzko betekizunak eta egiaztatzeko modua:

a) Ekonomia- eta finantza-kaudimena: urteko negozio-bolumena Merkataritza Erregistroan edo dagokion erregistro ofizialean aurkeztutako urteko kontuen bidez egiaztatuko da, enpresaria inskribaturik dagoen erregistroa kontuan hartuta. Merkataritza Erregistroan inskribaturik ez dauden enpresariek urteko negozio-bolumena egiaztatuko dute Merkataritza Erregistroak legeztatutako inbentarioen eta urteko kontuen liburuen bitartez. Bestela, urteko negozio-bolumena Pertsona Fisikoen Errentaren Gaineko Zergaren likidazioaren bitartez egiaztatuko da. Enpresaren azken hiru ekitaldietako (2014, 2015 eta 2016) kontratuaren helburua den jarduera-arloan izandako urte bakoitzeko negozio-bolumena, gutxienez, 135.000 eurokoa izan behar da, edo azken hiru ekitaldietako batean (2014, 2015 eta 2016) kontratuaren helburua den jarduera-arloan izandako urteko negozio-bolumena 200.000 eurokoa izan behar da.

b) Kaudimen teknikoa: azken bost urteetan egindako zerbitzu nagusien edo lanen zerrenda aurkeztu beharko dute enpresek, lan edo zerbitzu horien zenbatekoa, datak eta onuradunak (publikoak nahiz pribatuak) zehaztuko dituena. Zerbitzuak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Halaber, arkitektoaren eta arkitekto teknikoaren tituluak aurkeztu behar dira. Lantaldeak, gutxienez, honako betekizun hauek bete behar ditu:

b.1.– Oinarrizko proiektua eta exekuzio-proiektua idaztea eta lanaren zuzendaritza: arkitekto bat. Azken bost urteetan, gutxienez, 4.000.000 eurotik gorako esleipen-zenbatekoa (BEZa kanpo) zuten etxebizitza kolektiboen eraikin baten exekuzio-proiektua idatzi behar izan du; edo 4.000.000 eurotik gorako esleipen-zenbatekoa (BEZa kanpo) zuten etxebizitza kolektiboen eraikin baten lanen zuzendaritza egin behar izan du.

b.2.– Lanaren exekuzioaren zuzendaritza: arkitekto tekniko bat. Azken bost urteetan, gutxienez, 4.000.000 eurotik gorako esleipen-zenbatekoa (BEZa kanpo) zuten etxebizitza kolektiboen eraikin baten lanaren exekuzioaren zuzendaritza egin behar izan du.

9.– Eskaintzak edo parte hartzeko eskabideak aurkeztea:

a) Agiriak aurkezteko azken eguna: 2018ko otsailaren 1a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

c.1.– Elektronikoki lizitatuz gero, honako web orriaren bidez egin daiteke aurkezpena: www.contratacion.info edo www.euskadi.eus/contratacion

c.2.– Paperean lizitatuz gero, honako leku honetan:

1.– Erakundea: Ingurumen, Lurralde Plangintza eta Etxebizitza Saila.

2.– Helbidea: eskuan eraman beharko dira Ingurumen, Lurralde Plangintza eta Etxebizitza Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira, ez dira eskaintzak onartuko. Nolanahi ere, eskaintza postaz bidali eta hamar egun naturaleko epean jasotzen ez bada, inolaz ere ez da onartuko.

3.– Herria eta posta kodea: 01010 - Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

10.– Esleitzeko irizpideak:

a) Formulak aplikatuz automatikoki balioestekoak diren irizpideak. Haztapena, guztira: 51 puntu.

Eskaintza ekonomikoa. Haztapena: 51 puntu. Formula: ikus karatularen 30.2.2 puntua.

b) Balio-judizioetan oinarrituta aplikatu behar diren irizpideak: proposamen arkitektonikoa. Haztapena, guztira: 49 puntu.

A) Eraikinaren kalitate arkitektonikoa eta hori eremuan nola ezarri. Haztapena: 8 puntu. Ikusi karatularen 30.2.1.b) atala.

B) Fatxaden diseinua. Haztapena: 8 puntu. Ikusi karatularen 30.2.1.b) atala.

C) Esku-hartzearen proposamenaren kalitatea. Haztapena: 16 puntu. Ikusi karatularen 30.2.1.b) atala.

D) Araudiari zer neurritan egokitzen zaion. Haztapena: 10 puntu. Ikusi karatularen 30.2.1.b) atala.

E) Eraikuntzaren osotasuna eta koherentzia. Haztapena: 7 puntu. Ikusi karatularen 30.2.1.b) atala.

11.– C gutun-azalak irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 - Vitoria-Gasteiz (Araba).

c) Data: 2018ko otsailaren 12a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

12.– B gutun-azalak (formulen bidez baloratu beharreko irizpideak) irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 - Vitoria-Gasteiz (Araba).

c) Data: 2018ko martxoaren 12a.

d) Ordua: 11:00.

e) Lekua: Lakua IIko 1. aretoa, Donostia kalea 1, (Eusko Jaurlaritzaren egoitza nagusia).

13.– Bestelako argibideak: ez.

14.– Iragarkien gastuak: enpresa esleipendunaren kontura.

15.– Iragarkia noiz bidali den Europar Batasunaren Aldizkari Ofizialera: 2017ko abenduaren 22a.

16.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.eus/contratacion

Vitoria-Gasteiz, 2017ko abenduaren 26a.

Zerbitzu zuzendaria,

PALOMA USATORRE MINGO.

Azterketa dokumentala