Euskal Herriko Agintaritzaren Aldizkaria

247. zk., 2017ko abenduaren 29a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Pribatuen iragarkiak

AGRUPACIÓN DE FUNDICIÓN Y UTILLAJE, S.COOP.

6320

IRAGARKIA, Agrupación de Fundición y Utillaje S. Coop. sozietatearen zatiketa partzialari buruzkoa.

Euskadiko kooperatibei buruzko ekainaren 24ko 4/1993 Legeak (aurrerantzean «EKL»-a) 79.6 artikulua betez -84. artikuluak horra eramaten baitu-, jakinarazten da Agrupación de Fundición y Utillaje S. Coop sozietateak (aurrerantzean, ASFU) 2017ko abenduaren 14an eta Aurrenak S. Coop. sozietateak eta Loramendi S. Coop. sozietateak 2017ko abenduaren 15ean egindako ezohiko batzar nagusietan ASFUren zatiketa partziala onartu dutela, legeak eta estatutuek ezartzen dituzten gehiengoekin. Zatiketa partzial horretan, ASFUren inbertsio-jardueraren eta negozio komunen garapenaren sekzioa bereizi da, iraungi gabe, kooperatiba bazkideentzat (aurrerantzean, «Bereizitako sekzioa»), eta sekzio horri atxikitako aktiboak eta pasiboak bi zatitan banandu dira, ondorengotza unibertsalaren bitartez Aurrenak S. Coop. eta Loramendi S. Coop. kooperatibei batera eskualdatzeko, kooperatiba onuradunak diren heinean. Onartu dira, halaber, 2017ko abuztuaren 31n itxitako zatiketa-balantzeak, aipatutako kooperatiben kontuen ikuskatzaileek egiaztatu baitituzte. Zatiketa partzial hori 2017ko azaroaren 28an Euskadiko Kooperatiben Erregistroan gordailututako Zatiketa Partzialaren Proiektuarekin bat etorrita egin da.

Bestalde, Bereizitako sekzioari Aurrenak eta Loramendi kooperatiba bazkideak baino ez daude atxikita. Horrek esan nahi du ez dela bazkide bat bera ere lekualdatuko kooperatiba onuradunetara.

Jasota geratzen da zatiketa partzialean parte hartzen duten kooperatibetako bazkide guztiek kooperatibatik bereizteko eskubidea dutela, EKLren 80. artikuluak hori ezartzen baitu, 84. artikuluak horra eramanda.

Jasota geratzen da, baita ere, zatiketan parte hartu duten kooperatiben hartzekodunek zatiketa aurkatzeko eskubidea dutela; izan ere, EKLren 81. artikuluak hori aurreikusten du, 84. artikuluak horra eramanda.

Vitoria-Gasteiz, 2017ko abenduaren 18a.

Loramendi S. Coop. sozietatearen ordezkari den pertsona fisikoa, Agrupación de Fundición y Utillaje S. Coop. sozietateko Kontseilu Errektoreko lehendakaria,

ALBERTO MIGUEL PEREZ.

Loramendi S. Coop. sozietateko Kontseilu Errektoreko lehendakaria,

ALBERTO MIGUEL PEREZ.

Aurrenak, S. Coop. sozietateko Kontseilu Errektoreko lehendakaria,

FRANCISCO JAVIER GARCIA MARTIN.

Azterketa dokumentala