Euskal Herriko Agintaritzaren Aldizkaria

243. zk., 2017ko abenduaren 22a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

6169

1485/2017 EBAZPENA, abenduaren 4koa, Osakidetza-Euskal osasun zerbitzuko zuzendari nagusiarena. Honen bidez, Osakidetza-Euskal osasun zerbitzuko zuzendari nagusiaren azaroaren 10eko 1398/2017 Ebazpeneko akatsak zuzentzen dira. Ebazpen horren bidez, fakultatibo mediko eta teknikarien lanbide taldeko (lanpostu funtzional hauek izan ezik: fakultatibo espezialista familia medikua-LMAT eta fakultatibo espezialista Pediatriako medikua-LMAT) eta zehazten diren osasun zerbitzuetako erakundeetan destinoak izateko lekualdatze-lehiaketa deitzen da.

Euskal Herriko Agintaritzaren Aldizkaria arautzen duen abenduaren 23ko 217/2008 Dekretuaren 18.2.c) artikuluak ezartzen du argitaratzeko bidalitako testuan akatsak edo omisioak antzemanez gero, maila bereko xedapen bidez zuzenduko direla, testuingurutik argi ondorioztatu ezin direnean eta zuzenketa horiek dokumentuaren eduki edo zentzuaren benetako edo itxurazko aldaketa dakarrenean.

Osakidetza-Euskal osasun zerbitzuko zuzendari nagusiaren azaroaren 10eko 1398/2017 Ebazpenean, 2017ko azaroaren 30eko 229. zenbakiko EHAAn argitaratutakoan, akatsak ikusi dira eta horiei aurreko paragrafoan ezarritakoa aplikatu behar zaie.

Horiek guztiak horrela, eta indarrean dagoen legedian pertsonaleko gaietan aitortuta ditudan eskumenez baliatuta, honako hau

EBATZI DUT:

Lehenengoa.– Osakidetza-Euskal osasun zerbitzuko zuzendari nagusiaren azaroaren 10eko 1398/2017 Ebazpena aldatzea; hots, fakultatibo mediko eta teknikarien lanbide taldeko (lanpostu funtzional hauek izan ezik: fakultatibo espezialista familia medikua-LMAT eta fakultatibo espezialista Pediatriako medikua-LMAT) lekualdatze-lehiaketa deitzeko ebazpena aldatzea, hurrengoei dagokienez:

2017/5795 (63/33) orrialdean,

Honako hau dioen tokian:

«Kategoria: Ospitale Farmaziako F.E. Mediko-Teknikoa

Lanpostu funtzionala: Ospitale Farmaziako F.E. Mediko-Teknikoa»

(Ikus .PDF)

Hau esan behar du:

«Kategoria: Ospitale Farmaziako F.E. Mediko-Teknikoa

Lanpostu funtzionala: Ospitale Farmaziako F.E. Mediko-Teknikoa»

(Ikus .PDF)

2017/5795 (63/35) orrialdean,

Honako hau dioen tokian:

«Kategoria: Farmaziako F. Teknikoa

Lanpostu funtzionala: Farmaziako F. Teknikoa»

(Ikus .PDF)

Hau esan behar du:

«Kategoria: Farmaziako F. Teknikoa

Lanpostu funtzionala: Farmaziako F. Teknikoa»

(Ikus .PDF)

Bigarrena.– Ebazpen hau Osakidetzako 2017ko lekualdatze lehiaketako web orrian eta EHAAn argitara dadin agintzea.

Hirugarrena.– Ebazpen honetan jasotako bi kategorietan, eskabideak aurkezteko epea handitzea 8 egun baliodunetan, Osakidetza-Euskal osasun zerbitzuko zuzendari nagusiaren azaroaren 10eko 1398/2017 Ebazpenak emandako epea amaitu eta hurrengo egunetik zenbatzen hasita. Epe hori azkeneko eguneko 14:00etan amaituko da.

Beste ekintzetan Osakidetza-Euskal osasun zerbitzuko zuzendari nagusiaren azaroaren 10eko 1398/2017 Ebazpenean ezarritakoa mantentzen da.

Laugarrena.– Herri Administrazioen Administrazio Prozedura Erkidearen urriaren 1eko 39/2015 Legeak, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzuko Estatutu Sozialak ezartzen dituen azaroaren 11ko 255/1997 Dekretuak ezartzen dutenaren arabera, Ebazpen honen aurka gora jotzeko errekurtsoa jar dakioke Osakidetza-Euskal osasun zerbitzuko Administrazio Kontseiluari hilabeteko epearen barruan, ebazpena EHAAn argitaratu eta hurrengo egunetik hasita.

Vitoria-Gasteiz, 2017ko abenduaren 4a.

Osakidetza-Euskal osasun zerbitzuko zuzendari nagusia,

M ª JESÚS GEMMA MÚGICA ANDUAGA.

Azterketa dokumentala