RSS
239. zk., 2017ko abenduaren 18a, astelehena
- Bestelako formatuak:
- PDF (209 KB - 2 orri.)
- EPUB (204 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
ENPLEGUKO ETA GIZARTE POLITIKETAKO SAILA
6078
EDIKTUA, 2017ko azaroaren 30ekoa, Familia Politikako eta Aniztasuneko zuzendariarena, zeinaren bidez jakinarazten baitira Euskal Autonomia Erkidegoko esku-hartze sozialaren eremuan hirugarren sektoreko jarduerak sustatzeko emandako diru-laguntzak (2013 deialdia) itzultzeko beharra aitortzen duten zenbait ebazpen.
Ezinezkoa izan da, hainbat arrazoi direla-eta, behean aipatzen diren administrazio-egintzak berariaz jakinaraztea jarraian adierazten den erakundeari.
Hori dela eta, argitara ematen da ediktu hau, erakundeek jakin dezaten eta behar diren ondorioak izan ditzan, hala xedatuta baitago Herri Administrazioen Administrazio Prozedura Erkideari buruzko urriaren 1eko 39/2015 Legearen 44. artikuluan eta aplikatzekoak diren gainerako xedapen bateragarrietan.
Horretarako, honen bidez, erakunde interesdunari jakinarazten zaio Eusko Jaurlaritzako Familia Politikako eta Aniztasuneko Zuzendaritzan eskura daukala (Donostia kalea 1, Lakua I eraikina – 1. solairua – I Gunea, 01010 Vitoria-Gasteiz) zerrendatzen diren espedienteetan emandako ebazpenen testu osoa.
Aipatutako ebazpenek ez diote amaiera ematen administrazio-bideari, eta, beren aurka, gora jotzeko errekurtsoa aurkez dakioke Eusko Jaurlaritzako Enplegu eta Gizarte Politiketako Saileko Gizarte Politiketako sailburuordeari, hilabeteko epean, ediktu hau Estatuko Aldizkari Ofizialean argitaratu eta biharamunetik aurrera, Herri Administrazioen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat etorriz.
Eranskinean aipatutako interesduna jakinaren gainean egon dadin argitaratzen da, eta harentzat banakako jakinarazpena balitz bezala balioko du.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2017ko azaroaren 30a.
Familia Politikako eta Aniztasuneko zuzendaria,
ERNESTO SAINZ LANCHARES.
