Euskal Herriko Agintaritzaren Aldizkaria

227. zk., 2017ko azaroaren 28a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 2 ZENBAKIKO EPAITEGIA

5761

EDIKTUA, 385/2017 hitzezko judizioaren ondoriozkoa.

JAKINARAZPEN-ZEDULA

Bilboko Lehen Auzialdiko 2 zenbakiko Epaitegian (Bizkaia), 385/2017 hitzezko judizioaren prozedura bideratu da, Bankia SAk eskatuta, Galdakaoko Upomendi auzoko 5 zenbakiko 1. ezkerra helbidean dagoen ondasun higiezinaren okupatzaile ezezagunen aurka, prekarioko utzarazpenari buruz. Prozedura horren gainean epaia eman da. Hona hemen idazpurua eta epaitza:

260/2017 EPAIA

Epailea: Ignacio de la Mata Barranco.

Lekua: Bilbao (Bizkaia).

Eguna: bi mila eta hamazazpiko urriaren hogeita zazpia.

Alderdi demandatzailea: Bankia, S.A.

Abokatua: Marta Collazos Dorronsoro.

Prokuradorea: Francisco Abajo Abril.

Alderdi demandatua: Galdakaoko Upomendi auzoko 5 zenbakiko 1. ezkerra helbidean dagoen ondasun higiezinaren okupatzaile ezezagunak.

Abokatua.

Prokuradorea.

Judizioko gai: prekarioko utzarazpena.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Ordainagiriaren kontzeptua idazteko hutsunean, «errekurtsoa» dela adierazi beharko da (Kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta demandatuei –Galdakaoko Upomendi auzoko 5 zenbakiko 1. ezkerra helbidean dagoen ondasun higiezinaren okupatzaile ezezagunei– jakinarazpena legeak agindutako moduan egiteko ematen eta sinatzen dut ediktu hau, Bilbon (Bizkaia), bi mila eta hamazazpiko urriaren hogeita zazpian.

JUSTIZIA ADMINISTRAZIOAREN LETRADUA.

Azterketa dokumentala