Euskal Herriko Agintaritzaren Aldizkaria

225. zk., 2017ko azaroaren 24a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GERNIKA-LUMOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

5704

EDIKTUA, ezkontzaz kanpoko seme-alabentzako neurrietarako 257/2016 prozeduraren ondoriozkoa.

Gernikako Lehen Auzialdiko eta Instrukzioko 2 zenbakiko Zuzeneko Laguntza emateko Unitate Prozesala.

Judizioa: 257/2016 ezkontzaz kanpoko seme-alabentzako neurriak.

Demandatzailea: Lou Djessan Elodie Bolou.

Abokatua: Esther Blasco Santiago.

Prokuradorea: Zigor Capelastegui Cristobal.

Demandatua: Kaï N Dri Gerard Kouassi.

Gaia: ezkontzaz kanpoko seme-alabentzako neurriak.

Judizio horretan, epaia eman da 2017-10-26an. Hona hemen epaitza:

Osorik baiesten dut epaitegietako prokuradore Zigor Capelastegui Cristóbalek Djessan Alodie Bolou Louren izenean eta hura ordezkatuz jarritako demanda, Kaï N Dri Gerard Kouassiren aurkakoa, auzi-iheslaria bera, eta behin betiko neurri hauek hartzen ditut elkarrekin duten XXXXX semeari dagokionez:

1.– Guraso-ahalaren erabilera Djessan Alodie Bolou Lou amari soilik esleitzen zaio.

2.– Elkarrekin duten XXXXX semearen zaintza eta jagoletza Djessan Alodie Bolou Lou amari soilik esleitzen zaio. Ez da adingabearen eta aitaren arteko bisita- eta komunikazio-araubiderik ezartzen.

3.– Hileko 90 euroko mantenu-pentsioa ezartzen da N Dri Gerard Kouassi Kai aitaren kargura eta XXXXX semearen alde. Hilabete bakoitzeko lehen bost egunetan sartu beharko du pentsio hori, amak hartarako izendatzen duen kontuan (ES76 2095 0119 9091 1115 8031). Urtean 12 hilabetez ordaindu beharko du. Zenbateko hori EINak edo haren ordezko erakundeak ezarritako KPIaren arabera eguneratuko da, urtero.

Ezohiko gastuak guraso biek ordainduko dituzte, bakoitzak % 50. Akordiorik ezean, honako hauek hartuko dira ezohiko gastutzat: osasun-gastuak (osasun-sistema publikoak edo kontratatutako mediku-mutualitateak estaltzen ez duten mediku-laguntza, odontologia-tratamendua, ortodontzia, ortopedia, optika eta logopedara edo psikologora joatea, edota Gizarte Segurantzak edo gurasoak kide diren bestelako mutualitateek edo erakundeek estaltzen ez dituzten farmazeutikoak) edo hezkuntza-gastuak (irakasleek edo tutoreek gomendatzen dituzten laguntza- edo indartze-eskolak, eskolaz kanpoko jarduerak, txangoak eta kanpamentuak). Eta, une honetan aurreikus ezin daitezkeen guztiak, beharraren irizpideak eta gastuaren kontzeptua aintzat hartuz, betiere.

Kaï N Dri Gerard Kouassi demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Gernika-Lumo (Bizkaia), 2017ko urriaren 26a.

JUSTIZIA ADMINISTRAZIOAREN LETRADUA.

Azterketa dokumentala