Euskal Herriko Agintaritzaren Aldizkaria

222. zk., 2017ko azaroaren 21a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

5621

EDIKTUA, 415/2017 prozedura arruntaren ondoriozkoa.

ZULUP Zibila. Vitoria-Gasteizko Lehen Auzialdiko 6 zenbakiko Epaitegia.

Judizioa: 415/2017 prozedura arrunta.

Demandatzailea: Carmelo Garcia Gomez de Segura.

Abokatua: Francisco Javier Berisa Villamayor.

Prokuradorea: Jorge Fernando Venegas Garcia.

Demandatua: Francisco Gomez Iriarte.

Gaia: judizio arrunta.

Judizio horretan, epaia eman da 2017-10-30ean. Hona hemen epaitza:

Erabaki da baiestea, eta osorik baiesten da, Venegas prokuradoreak Carmelo García Gómez de Seguraren izenean eta hura ordezkatuz jarritako demanda, Francisco Gómez Iriarteren aurkakoa; horrenbestez, Gasteizko 5 zenbakiko Jabetza Erregistroan demandatzailearen alde inskribatua den 1432 erregistro-finkari dagokionez adierazten dugu demandatuaren erregistro-titulartasuneko gisa inskribatuak agertzen diren 2/13 zati zatiezinak preskripzio (usukapio) bidez eskuratu izan direla. Hori dela eta, Francisco Gómez Iriarte kondenatzen dut erabaki hori onartu eta betetzera, eta Gasteizko 5 zenbakiko Erregistroari agindua ematen diot, aipatu finkaren 2/13 zati zatiezinak direla-eta, erregistro-titulartasuna aldatzeari ekin diezaion auzi-jartzailearen kontura; kostuak ez dizkiegu berariaz inori ezartzen.

Aurkaratzeko modua: apelazio errekurtsoa aurkeztuta, Arabako Probintzia Auzitegiari (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (0072 0000 04 0415 17) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. zenbakian aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Francisco Gomez Iriarte demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake auzi-ihesen den demandatuak.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Vitoria-Gasteiz, 2017ko urriaren 31.

JUSTIZIA ADMINISTRAZIOAREN LETRADUA.

Azterketa dokumentala