Euskal Herriko Agintaritzaren Aldizkaria

210. zk., 2017ko azaroaren 3a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

OSAKIDETZA-EUSKAL OSASUN ZERBITZUA

5268

2122/2017 EBAZPENA, irailaren 29koa, Bilbao-Basurto ESIko zuzendari gerentearena, zeinaren bidez Alberto Loizate Totoricaguena jauna aldi baterako izendatzen baita Osakidetza-Euskal osasun zerbitzuko Bilbao-Basurto ESIko Kirurgia Orokorreko zerbitzuburu mediko, lau urteko eperako eta luzatzeko aukerarekin.

Bilbao-Basurto ESIko zuzendari gerentearen urtarrilaren 27ko 255/2017 Ebazpenaren bitartez, dei egin zen Osakidetza-Euskal osasun zerbitzuko Bilbao-Basurto ESIko Kirurgia Orokorreko zerbitzuburu medikoaren lanpostu bat lehiaketa bidez betetzeko.

Balorazio Batzordeak kalifikazio-proposamena egin du, aurkeztutako eskatzailearen proiektuari eta haren defentsari, merituei eta euskera-ezagutzari dagokienez; eta, horren ondorioz, izendapen-proposamena egin du. Horiek horrela, eta Alberto Loizate Totoricaguena jaunak dituen ezagutza akademikoak eta profesionalak kontuan hartuta, erabaki da pertsona hori bera izendatzea Osakidetza-Euskal osasun zerbitzuko Bilbao-Basurto ESIko Kirurgia Orokorreko zerbitzuburu mediko.

Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean, Osakidetzaren lanpostu funtzionalak arautzen dituen uztailaren 19ko 186/2005 Dekretuan eta azaroaren 11ko 255/1997 Dekretuan xedatutakoari jarraikiz, honako hau

EBAZTEN DUT:

Lehenengoa.– Alberto Loizate Totoricaguena jauna Osakidetza-Euskal osasun zerbitzuko Bilbao-Basurto ESIko Kirurgia Orokorreko zerbitzuburu mediko izendatzea aldi baterako.

Bigarrena.– Aldi baterako izendapen horrek lau urteko indarraldia izango du, luzatzeko aukerarekin, Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean xedatutakoarekin bat etorriz; 2017ko urriaren 1etik aurrera izango ditu ondorioak.

Hirugarrena.– Izendatutako pertsonak, aipatutako epea amaitutakoan, lanpostua utziko du, egoera horren luzapena onartu ezik, betiere Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean ezarritakoaren arabera.

Laugarrena.– Izendapenaren indarraldia amaitu aurretik ere kargutik kendu ahal izango da, aldez aurretik kontrako espedientea badago, eta ekainaren 26ko 8/1997 Legearen 28. artikuluaren 6. atalean aurreikusitako lekualdatze-kausak direla medio.

Bosgarrena.– Ebazpen hau interesdunari eta Bilbao-Basurto ESIko Zuzendaritza Medikoari eta Pertsonaleko Zuzendaritzari jakinaraztea.

Seigarrena.– Ebazpen honen aurka, gora jotzeko errekurtsoa aurkeztu ahal izango zaio Osakidetza-Euskal osasun zerbitzuko zuzendari nagusiari, hilabeteko epean, EHAAn argitaratu eta hurrengo egunetik hasita.

Bilbao, 2017ko irailaren 29a.

Bilbao-Basurto ESIko zuzendari gerentea,

EDUARDO MARÍA MAIZ OLAZABALAGA.

Azterketa dokumentala